Технологија

Конечно решение за оние кој често ги губат безжичните слушалки

Безжичните слушалки се вистински хит во светот, особено оние од произведувачот Епл.

За нив треба да издвоите доста пари а со тоа не го решавате проблемот дека лесно можете да ги загубите слушалките. Со тој проблем решија да се занимаваат авторите на „AirBands“ кои неодамна го претставија својот производ на Киксартер.

„AirBands“ всушност претставуваат заменски каиши за паметниот часовник на Епл кои во себе имаат направено мали држачи за безжични слушалки. Каушите се изработени од силикон и нивните креатори гарантираат дека слушалките нема да се мрднат од своето место освен кога корисникот не го сака тоа.

Производот е достапен во четири бои. Покренувачите на кампањата, кои се од Тексас, велат дека процесот на дизајнирање и подготовка за производство е доведен при крај. Кога ќе заврши Кикстартер кампањата, ќе започне иработка на алати, а веќе во април оваа година првите примероци би требало да бидат произведени. Сите кои сега ќе се одлучат да го подржат овој производ „AirBands“ каишите ќе им бидат ипорачани во мај.

Редовната цена на овој производ ќе биде 30 долари, но преку Кикстартер е можна рана продажба за 20 а потоа 25 долари, поголемиот попуст е резервиран за првите 200 купувачи.

Целта на компанијата е да собере 10.000 долари. Веќе во првите денови се собрани 20% од вкупната сума, па е голема веројатноста дека „AirBands“ ќе почне со производство.

Македонија

Сообраќајот тековно и без застои

Сообраќајот на државните патишта се одвива непречено, по претежно суви коловози. 

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.

Македонија

Посебен сообраќаен режим викендов во Скопје поради предизборни митинзи

Поради предизборни митинзи за претседателските избори викендов во централното градско подрачје ќе биде воведен посебен сообраќаен режим. 

Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.

Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.

Од МВР апелираат до граѓаните да ги почитуваат наредбите на полициските службеници.

Македонија

Пожари на диви депонии во Желино и Боговиње

 Два пожара на отворен простор се регистриранио во последното деноноќие, соопшти ЦУК. 

Гореле диви депонии во атар на с.Церово, Општина Желино и над расторанот „Дарданија“ кај с.Боговиње.

Интервенирале пожаникари од Тетово и ренеџер од Наионалниот парк „Шар Планина“. Според последните информции, пожарите се локализирани.

ЦУК апелира за внимателност заради најавените метеоролошки промени со дожд, ветер и снег на повисоките места.

Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации.

притисни ентер