Автомобилизам

Крај на една легенда: Производителот на лимузини оди во историјата (ВИДЕО)

Џенерал Моторс не се плаши од радикални потези, кои моделите Сауб, Олдсмобил, Понтијак и други познати имиња ги почувствувале ,,на своја кожа”. Сега ќе им се придружи уште едно познато име.

Американскиот гигант објави дека австралискиот Холден нема да ја дочека 2021 година. Откако производството на Холден во Австралија беше затворено во 2017 година, негативните деловни резултати продолжија сè до оваа година кога, по помалку од 100 години, славното име ќе замине во историјата.

Процесот на гаснење беше забрзан со продажбата на Опел, чии модели најмногу беа понудени од австралиската марка. Еден од најпознатите беше Commodore, познат во Европа како Insignia.

Во 1948 година, Холден го претстави својот прв самостоен модел, а до денес има продадено над осум милиони примероци. Меѓу нив, класиците како што е Монаро заземаат посебно место. Минатата година, Холден не успеа да продаде ниту 50.000 примероци. На пример, најпродаваната Тојота се продаде со над 205.000 единици.

Од „Џенерал Моторс“,го информирале Холден дека ќе му обезбеди услуга во текот на следните десет години. Сепак, со затворањето на дизајнерското студио и тест-центарот, приближно 600 вработени ќе останат без работа. Сепак, ЏМ не се откажува од Австралија, така што ќе го одржи своето присуство преку специјално одделение кое ќе понуди индивидуални модели на американскиот гигант со волан на десната страна.

Живот

Манекенка исчезнала лани, телото ѝ го нашле во друга држава- ја препознале по тетоважите

Телото на манекенката Кајкан Каенакам (31) е пронајдено во Бахреин, една година по нејзиното исчезнување.

Нејзиното тело било во мртовечница, а полицијата успеала да ја идентификува преку тетоважите.

Минатата година се преселила во Бахреин и почнала да работи во ресторан за да го издржува семејството откако кариерата ѝ пропаднала.

Манекенката редовно објавувала фотографии и видеа од својот живот на социјалните мрежи, а потоа одеднаш мистериозно исчезнала.

Нејзината последна објава била во април минатата година, а нејзиното исчезнување предизвика голема паника кај Тајланѓаните.

Членовите на нејзиното семејство со месеци се обидувале да ја најдат, а во потрагата се вклучила и амбасадата на Тајланд.

На 18 април, тајландската амбасада во Бахреин го известила нејзиното семејство дека нејзиното тело е пронајдено.

Во обдукцискиот извештај е наведено дека таа починала поради акутен пулмонален и срцев удар предизвикан од труење со алкохол.

Живот

Интернет сензација: Никој не може да поверува колку е стар (ВИДЕО)

Овој жител на Сингапур е вистинска интернет сензација.

Кога ќе ги видите неговите фотографии, ќе сфатите зошто се здоби со популарност, но има уште еден – многу поинтересен „детал“.

Чуендо Тан редовно објавува свои фотографии на Инстаграм и на други платформи, а луѓето не можат да поверуваат дека тој има 58 години.

Да, добро прочитавте. Овој човек е стар повеќе од половина век, а не би му дале над триесет. И тоа е многу!

Чуендо е роден во 1967 година, а своевремено работел како модел, пеел и глумел.

Успешно се занимава со модна фотографија и ја води својата агенција AVE Management.

Младешкиот изглед го одржува со редовни тренинзи, а особено внимава што јаде.

Свет

Патнички авион се излизга од пистата и заврши во нива (ВИДЕО)

Бразилски деловен авион во сопственост на приватна фармацевтска компанија полетал од аеродромот Чапеко до аеродромот Ерехим, на само петнаесет минути лет, и се излизгал од пистата за време на слетувањето.

Луксузниот Learjet 75 на фармацевтската компанија CIMED, регистриран под ознаката PP-DYB, полета со дел од раководството кон дестинацијата на облачно време во 13:35 часот. Авионот поминал само 13 минути во воздух и се вратил на аеродромот.

Меѓутоа, наместо да слета без проблем, авионот завршил од пистата на аеродромот Команданте Краермер во Ерехим.

За среќа, сите патници биле безбедно евакуирани, а CIMED, компанијата која го поседува овој луксузен авион, излезе со соопштение дека „сите патници се добро и нивната безбедност е приоритет на компанијата“.

Видео кое кружи на социјалните мрежи го покажува моментот кога авионот ја „напушта“ пистата на аеродромот.

Претседателот на компанијата, Жоао Адибе Маркес, објави дека истрагата ќе ја спроведе Регионалната служба за истрага и спречување на авионски несреќи.

Тој нагласи дека се надева оти истрагата ќе биде завршена што е можно поскоро.

Во несреќата која завршила со сериозни оштетувања на деловниот авион, еден од двајцата членови на екипажот и тројца патници се здобиле со полесни повреди што биле санирани на лице место, пренесува G1Globo..

притисни ентер