Свет

Германија забрани да се сечат дрвјата на локацијата каде што треба да се гради фабриката ,,Тесла”

Германски суд му нареди на американскиот производител на електрични возила ,,Тесла” да го прекине уништувањето на шумите на локација во близина на Берлин, каде што планира да ја гради својата прва фабрика во Европа.

Одлуката доаѓа по судскиот спор од страна на здруженијата за животна средина загрижени за водата и инфраструктурата.

Работата за отстранување на 92 хектари претежно борови дрвја близу Берлин почна во четвртокот и беше прекината во саботата навечер по налог на судот кој ја разгледа тужбата од локалните здруженија за животна средина и донесе одлука за прекин на понатамошната работа.

Од Тесла сè уште не ја коментирале забраната.

Американската компанија планира да исече 92 хектари од вкупно 300 хектари шума до крајот на месецот, за да започне со производство во јули 2021 година и да произведува 500.000 возила на годишно ниво.

Регионалните власти ги поддржуваат нивните планови, бидејќи граѓаните се спротивставуваат на уништувањето на шумите, а работите се отежнуваат и поради неексплодираните бомби на Втората светска војна, откриени за време на подготовката на земјиштето, потсетува ДПА.

Пред околу 20 години, на локацијата требало да се гради фабрика на БМВ, но проектот никогаш не се остварил. Областа, во меѓувреме, обраснала со шуми, со богата флора и фауна.

Активистите за животна средина се плашат дека уништувањето на шумите за изградба на фабрика ќе го загрози снабдувањето со вода во областа и ќе ја уништи инфраструктурата во околните рурални области.

Живот

Манекенка исчезнала лани, телото ѝ го нашле во друга држава- ја препознале по тетоважите

Телото на манекенката Кајкан Каенакам (31) е пронајдено во Бахреин, една година по нејзиното исчезнување.

Нејзиното тело било во мртовечница, а полицијата успеала да ја идентификува преку тетоважите.

Минатата година се преселила во Бахреин и почнала да работи во ресторан за да го издржува семејството откако кариерата ѝ пропаднала.

Манекенката редовно објавувала фотографии и видеа од својот живот на социјалните мрежи, а потоа одеднаш мистериозно исчезнала.

Нејзината последна објава била во април минатата година, а нејзиното исчезнување предизвика голема паника кај Тајланѓаните.

Членовите на нејзиното семејство со месеци се обидувале да ја најдат, а во потрагата се вклучила и амбасадата на Тајланд.

На 18 април, тајландската амбасада во Бахреин го известила нејзиното семејство дека нејзиното тело е пронајдено.

Во обдукцискиот извештај е наведено дека таа починала поради акутен пулмонален и срцев удар предизвикан од труење со алкохол.

Живот

Интернет сензација: Никој не може да поверува колку е стар (ВИДЕО)

Овој жител на Сингапур е вистинска интернет сензација.

Кога ќе ги видите неговите фотографии, ќе сфатите зошто се здоби со популарност, но има уште еден – многу поинтересен „детал“.

Чуендо Тан редовно објавува свои фотографии на Инстаграм и на други платформи, а луѓето не можат да поверуваат дека тој има 58 години.

Да, добро прочитавте. Овој човек е стар повеќе од половина век, а не би му дале над триесет. И тоа е многу!

Чуендо е роден во 1967 година, а своевремено работел како модел, пеел и глумел.

Успешно се занимава со модна фотографија и ја води својата агенција AVE Management.

Младешкиот изглед го одржува со редовни тренинзи, а особено внимава што јаде.

Свет

Патнички авион се излизга од пистата и заврши во нива (ВИДЕО)

Бразилски деловен авион во сопственост на приватна фармацевтска компанија полетал од аеродромот Чапеко до аеродромот Ерехим, на само петнаесет минути лет, и се излизгал од пистата за време на слетувањето.

Луксузниот Learjet 75 на фармацевтската компанија CIMED, регистриран под ознаката PP-DYB, полета со дел од раководството кон дестинацијата на облачно време во 13:35 часот. Авионот поминал само 13 минути во воздух и се вратил на аеродромот.

Меѓутоа, наместо да слета без проблем, авионот завршил од пистата на аеродромот Команданте Краермер во Ерехим.

За среќа, сите патници биле безбедно евакуирани, а CIMED, компанијата која го поседува овој луксузен авион, излезе со соопштение дека „сите патници се добро и нивната безбедност е приоритет на компанијата“.

Видео кое кружи на социјалните мрежи го покажува моментот кога авионот ја „напушта“ пистата на аеродромот.

Претседателот на компанијата, Жоао Адибе Маркес, објави дека истрагата ќе ја спроведе Регионалната служба за истрага и спречување на авионски несреќи.

Тој нагласи дека се надева оти истрагата ќе биде завршена што е можно поскоро.

Во несреќата која завршила со сериозни оштетувања на деловниот авион, еден од двајцата членови на екипажот и тројца патници се здобиле со полесни повреди што биле санирани на лице место, пренесува G1Globo..

притисни ентер