Регион

Србија и Косово потпишаа договор за автопат , на Вучиќ не му беше лесно

Претставниците на Србија и на Косово денеска во Минхен потпишаа договор за намера за обнова на железничкиот сообраќај меѓу двете земји и за завршување на автопатот меѓу Белград и Приштина.

На потпишувањето на договорот, што се случи на маргините на Минхенската конференција за безбедност, присуствуваа американскиот специјален претставник за преговорите меѓу Србија и Косово, Ричард Гренел, и српскиот и косовскиот претседател Александар Вучиќ и Хашим Тачи.

Официјални американски извори соопштија во првичните реакции дека двата нови договори од двете страни претставуваат „историски напредок“ во економскиот развој.

„Договоривме начин да се отворат железниците и автопатите“, рече Гренел по потпишувањето на договорот.

„Се обидувам да се фокусирам што е можно повеќе на економскиот развој, создавање работни места и морам да кажам дека и двајцата претседатели се согласуваат дека треба да тоа да биде во фокусот. Благодарен сум што успеавме да стигнеме до оваа точка“, рече Гренел.

Денешните договори се потпишуваат откако на 20 јануари беше потпишан договор за воспоставување воздушен сообраќај меѓу двата најголема града, по 21-годишен прекин, под покровителство на американскиот специјален претставник на претседателот на САД, Доналд Трамп, за преговорите меѓу Србија и Косово.

Српскиот претседател Вучиќ рече дека преговорите со Приштина „не биле лесни“, велејќи дека потпишаниот договор е „од големо значење“. Потпишувањето на договорот покажува чекор напред, рече Вучиќ, изјавувајќи дека „тој смета дека ова ќе обезбеди подобра иднина и мир во наредните децении“. Според него, воспоставувањето железнички врски и автопат ќе биде од голема помош за Србите на Косово, но исто така и голема придобивка за Србија како целина.

Косовскиот претседател Тачи во врска со ова рече дека тоа е уште еден важен чекор, оценувајќи ги договорите како „голем чекор кон конечен мировен договор“.

„Веруваме дека е можно да се постигне конечен мировен договор меѓу Косово и Србија подоцна оваа година“, рече Тачи, оценувајќи го денешниот договор за железници и автопатишта „како најдобра порака дека ќе има мир, економски развој и работни места во регионот, не само во Косово и Србија, туку и во целиот Западен Балкан “.

Двајцата претседатели им се заблагодарија на американската администрација и на американскиот амбасадор Ричард Гренел, за нивното посредување во постигнувањето на овие договори.

Доцнењето на дијалогот меѓу Србија и Косово трае повеќе од една и пол година, а клучна причина беше воведување на 100% повисока царина за стоки од Србија (и БиХ), а тоа беше одмазда на владата во Приштина за кампањата на Србија да го повлече признавањето на независноста на Косово и да го спречи приемот на Косово во Интерпол и УНЕСКО.

Свет

Бајден продолжува да го користи ТикТок иако тој потпиша нацрт-закон за забрана

Кампањата на Бајден продолжува да го користи ТикТок иако тој потпиша нацрт-закон за забрана на апликацијата.

Претседателската кампања на Џо Бајден ќе продолжи да користи ТикТок, изјави во средата официјален претставник на кампањата, кусо откако американскиот претседател потпиша закон со кој ќе се забрани апликацијата освен ако нејзиниот кинески сопственик не ја продаде.

Одлуката доаѓа во време кога многу млади и левоориентирани гласачи, значителен дел од базата на корисници на ТокТок, не се задоволни од начинот на кој Бајден се справува со војната во Газа, што ги ескалира протестите на универзитетите низ целата земја.

- Фрагментарното медиумско опкружување бара од нас да се појавиме и да допреме до гласачите таму каде што се, вклучително и онлајн. ТикТок е едно од многуте места каде што сакаме да им ја пренесеме нашата содржина на гласачите, рече претставник на кампањата на Бајден, кој сакал да остане анонимен.

Кампањата ќе користи „напредни безбедносни мерки“ додека ја користи апликацијата, додаде тој. Владата не е работодавач на персоналот во кампањата на Бајден и тие не се занимаваат со прашања за националната безбедност, па им е дозволено да ја имаат апликацијата на своите телефони, рекоа претходно претставници на кампањата.

Профилот на кампањата на Бајден на ТикТок, @bidenhq, објави речиси 120 видеа и има повеќе од 306.000 следбеници. Бајден редовно објавува видеа таму, иако Белата куќа вели дека ТикТок предизвикува „легитимна загриженост за националната безбедност“.

ТикТок планира да поднесе жалба на законот, а извршниот директор на компанијата вчера рече дека очекува да ја добие правната битка за блокирање на законот. /МИА

Регион

МД „Илинден“ бара Комитетот за национални малцинства во Тирана да постави повеќејазична табла

Македонското друштво „Илинден“-Тирана, побара од Комитетот за национални малцинства во Албанија да постави повеќејазична табла како што ветил пред една година, по доставеното барање од друштвото.

-На 31 јануари минатата година доставивме барање до три институции меѓу кои и Комитетот за национални малцинства за поставување повеќејазична табла на оваа институција. Месец дена подоцна Комитетот позитивно одговори на нашетобарање, но еве, помина повеќе од една година, а таблата не е поставена, рече Никола Ѓурѓај, претседател на друштвото.

Комитетот за национални малцинства е институција формирана од владата, во чиј состав е по еден припадник на деветте малцинства признати со закон во Албанија.

Ѓурѓај потсетува дека кусо по доставениот одговор на барањето на друштвото, повеќејазични табли биле поставени од страна на Комесарот за заштита од дискриминација и Народниот правобранител, што било поздравено од друштвото.

Македонија

Врховен ја уважи жалбата на таткото на Вања, излегува од притвор

Врховниот суд ја известува јавноста дека по одржаната јавна седница на ден 25.04.2024 година, Советот за казниви дела донесе Решение со кое жалбата на обвинетиот А. Ѓ., изјавена преку неговиот бранител ја уважи.