Италијанка , наместо да оди во затвор , две години се криела како калуѓерка во манастири

Италијанка две години се криела од издржување затворска казна  , преправејќи се дека е калуѓерка. Таа се криела во манастир во северна Италија.

47-годишната жена била осудена на две години затвор во отсуство од судот во Сицилија. За неа била распишана потерница, но таа избегала од островот, успешно криејќи се во северна Италија. Таму нашла засолниште во манастирот во Пиемонт, каде се преправала дека е монахиња која бара засолниште.

Инспекторите кои ги испрашувале измамените калуѓерки, изјавиле дека таа се преправала дека е „калуѓерка која бара помош затоа што е сериозно болна“.

Италијанската полиција соопшти дека се преместувала од манастир во манастир и дека постојано го менувала својот идентитет. Во еден манастир, каде што престојувала неколку дена, се претставила како внука на монахиња од нивните редови. Некои други калуѓерки рекле дека таа само дошла во нивниот манастир и не откривала детали за себе. Во друг манастир рекле дека се преправала дека е главната калуѓерка од друг манастир.

Но, минатата недела, нејзиното бегство дојде до крај, откако една калуѓерка во манастирот во Галарат се посомневала во неа и повикала полиција. Калуѓерката изјавила дека и било сомнително што  измамничката неколку пати менувал верзии за својата приказна.

Кога полицијата пристигнала во манастирот и ја зела жената на сослушување, сфатиле дека станува збор за избеганата од Сицилија.

Инаку, во Италија, каде што околу 80 проценти од населението се изјаснува како католичко, не е невообичаено криминалците да ги користат верските институции за да избегаат од властите.

Така, во 2013 година, 61-годишен дилер од Калабрија носел свештеничка мантија додека испорачувал кокаин со автомобил од Франција. Еден од лидерите на сицилијанската мафија, Тоти Рина, со години се облекувал како свештеник кога одел на тајни состаноци со другите членови на оваа криминална организација.

Деветгодишно дете , жртва на мобинг, мајка му се плаши дека ќе се самоубие (ВИДЕО)

Мајка од Австралија сподели на социјалните мрежи приказна со која сака да предупреди за сериозните последици од злоупотребата на нејзиниот син.

Јарака Бејлс објави видео од нејзиниот син, Куеден, кој е роден со генетско нарушување што предизвикува џуџест раст. На видеото е прикажано момче (9) кое незапирливо плаче во автомобилот, откако друго дете во училиштето го задева за неговиот изглед.

„Сакам да се прободам во срцето. Некој нека ме убие ’, се слуша момчето како плаче.

Неговата мајка, Јарака, рече дека со објавување на видеото, сакала да ја подигне свеста за малтретирање и злоупотреба, но и да добие совети од другите родители за тоа како да се справи со последиците. Една од последиците е самоубиствените мисли на нејзиниот син.

„Сакам сите да знаат како злоупотребата влијае врз нас. Еве што му прави. И, тогаш сите се прашуваат зошто има самоубиства меѓу децата “, се слуша мајката на снимката додека и самата плаче.

„Сакам луѓето да знаат колку ова ни штети на нас, на целото семејство. Морам да внимавам на него да не се самоубие “, додава таа.

Мајката исто така рече дека се надева дека училиштата подобро ќе ги едуцираат другите деца за децата со посебни потреби, така што нема постојано да се исмеваат со нејзиниот син.

Откако вчера го објави ова видео, било видено дури 11 милиони пати и мајката доби безброј пораки за поддршка.

На 73 години прави чуда во теретана (ВИДЕО)

73-годишната Лорен Брузоне е најредовна во салата каде неуморно вежба со својот тренер Весли Џејмс.

Лорен има 73 години, но тоа не ја спречува да вежба секојдневно, а своите достигнувања ги објавува на социјалните мрежи каде што оваа дама во години веќе е вирален хит.

Лорен крева тегови , понекогаш ги крева и ги влече , се истегнува , носи и е вистински пример за фактот дека годините навистина се само бројка.

Оваа поранешна адвокатка почнала да вежбаво теретана во шеесеттите години и тренира секој ден по еден час и почнува во шест часот наутро. Таа главно се фокусира на CrossFit и вели дека започнала да вежба на повик на пријателка.

„Гледав помлади луѓе како креваат тегови и сакав да се приближам до она што го прават. Тоа е она што ме мотивира“, вели оваа инспиративна жена. Отсекогаш водела активен живот, а во младоста тренирала балет.

„Таа не се жали на ништо.  Секогаш е подготвена и го сака тој процес на напредок. Секојпат кога ќе ја видам, ми го осветлува денот“, вели нејзиниот тренер.


„Снежен град" на Попова Шапка во битка со топлото време

Манифестацијата „Снежен град" на Попова Шапка овие пет дена измина во битка на учесниците-ученици од основно училишта со временските услови, односно топлото време кое за некоку часа ги топеше направените снежни фигури. 

Организаторот Детски Културен Центар „Карпош" од Скопје имаше повикано 60-тина ученици на годинешната 44-та по ред манифестација „Снежен град".

-Иако сонцето го топеше снегот за неколку часа, децата беа упорни и ги правеа фигурите. Малку заврна снег, но го дуваше и ветер. Се работеше од кај 9:30 па до 12:30 секој ден. Успеавме да направиме пингвин, Снежана и седумте џуџиња, тврдина, „оган" во снегот, порта и коњ. Секако и најчестата фигура-игло, односно повеќе иглоа кои се обидоа децата да ги поврзат со тунели да влегуваат и да поминуваат поминувааат низ нив, изјави Стојан Христов, организатор на програма во ДКЦ „Карпош".

Тој потенцира дека и покрај тоа што на крајниот ден сите фигури не успеале да го издржат топлото време, целта на манифестацијата е постигната.

-Иако траеја по еден или два дена, снежни фигури имаше, а најважно беше да се прикаже креативноста кај децата како и да се навиканат на едно колективното дружење. Имавме ситуации на кои наидуваме, дел од ученциите градители да се деца на луѓе кои во детството биле дел од Снежниот град па продолжиле да другаруваат, изјави Христов.

Во попладневните часови учениците имале разни активности од забавно – рекреативен карактер: избор на Снежна убавица, спортски игри и натпревари во пинг – понг , билијард, шах, Училишна квизотека, пикадо, Снежен крос, Најслатка бонбона, Снежно бинго, Бал под маски, забава, танцување и дискотека. /МИА

притисни ентер