Регион

Голема акција во Црна Гора – Уапсен и лидер на опозициска партија и мајката на виден политичар (ВИДЕО)

Претседателот на партијата ,,Вистинска Црна Гора” и мајката на еден од водачите на Демократски фронт се уапсени во одделни случаи.

Претседателот на ,,Вистинска Црна Гора”, Марко Милачиќ, е уапсен на аеродромот во Подгорица, потврди неговата партија.

Како што објавија од таа вонпарламентарна партија, Милачиќ е уапсен веднаш откако слетал на аеродромот во Подгорица каде пристигнал од Белград.

„Полициските службеници пристапиле кон него, го известиле дека мора да го приведат без да објаснат за што станува збор, по што бил придружуван во Центарот за безбедност со полициско возило“, велат од партијата.

"Тој беше уапсен откако неколку дена помина во Белград, појавувајќи се на српските медиуми и зборуваше за диктатурата на владејачката партија во Црна Гора и комунистичките начини на справување со политичките противници. Тој се состана во Белград со патријархот на Српската православна црква, г-дин Иринеј",соопшти полицијата.

Во посебен случај, Ратка Кнежевиќ, мајка на еден од лидерите на Демократскиот фронт, Милан Кнежевиќ, е уапсена за кршење на Законот за јавен мир и ќе биде изведена на расправа пред надлежен судија судија во законскиот рок, соопшти Полициската управа.

Полицијата утрово извршила претреси на 17 локации, постапувајќи по судска наредба.

„Полицијата пронајде и привремено заплени оружје - пушка и две пиштоли, одредена количина муниција, мобилни и други предмети“, се вели во соопштението.

Конфискуваните предмети ќе бидат предмет на вештачење.

„16 лица биле донесени во службените простории на Центарот за безбедност на Подгорица, меѓу кои и Р.К. (68) која додека било преземано службено дејствие, претрес во станот и другите простории ,ги попречувала и оневозможувала полициските службеници“, се вели во соопштението.

Рано утрово ,во домот на мајаката на Милан Кнежевиќ упаднале специјалци , кои извршиле детален претрес во куќата , на што се спротиставила жената , која е приведена заедно со останатите осомничени поради неодамнешни активности поврзани со донесувањето на Законот за религии во Црна Гора, на што остро се противи Србија и тамошната црква.

Технологија

Вселенско пристаниште во Шкотска блиску до лансирање на сателит, совладани две од три пречки

Британскиот космодром „SaxaVord“ направи нов чекор кон испраќање сателит во орбитата откако регулаторите му дадоа лиценца за обезбедување безбедни услуги, отворајќи го патот за неговото прво лансирање подоцна оваа година.

Британската управа за цивилно воздухопловство (CAA) во денешното соопштение соопшти дека дала дозвола за локацијата „SaxaVord“, која се наоѓа на островите Шетланд, во близина на северниот брег на Шкотска. Тоа значи дека шкотското пристаниште ја отстрани втората од трите пречки за лиценцирање што мора да ги отстрани пред да се случи првото лансирање на ракетата.

Последниот чекор ќе биде дозволата за лансирање. „SaxaVord“, кој во декември стана првиот лиценциран космодром за вертикално лансирање во ОК, се здружи со германската Ракетна фабрика со седиште во Аугсбург за првата мисија.

-Како единствен целосно лиценциран вертикален космодром за лансирање во Западна Европа, сега се подготвуваме да направиме вселенска историја со почетокот на операциите за орбитално лансирање. Првото лансирање се очекува во третиот квартал од оваа година, рече Френк Странг, извршен директор на „SaxaVord“.

Се предвидува дека вселенскиот пазар ќе вреди повеќе од трилион долари до 2030 година, бидејќи компаниите ширум светот планираат да испратат илјадници нови сателити во орбитата. /МИА

Свет

Кокаин е пронајден во супермаркети во Германија, меѓу продуктите имало 100 килограми дрога

Работници откриле кокаин во стока во неколку супермаркети во Берлин и Бранденбург, пренесува Bild, повикувајќи се на извор во безбедносните кругови.

Засега не е познато во колку супермаркети во Берлин бил пронајден кокаин, додека во Бранденбург наводно биле погодени најмалку четири продавници.

Наводно биле откриени меѓу 20 и 100 килограми кокаин по продавница, пренесува Билд.

Полицијата е пред маркетите и врши преглед на робата. Засега не се знае вкупната количина на кокаин.

Полициските сили во Берлин пристигнале во Бранденбург и даваат административна помош во истрагите за кои станува збор, соопшти полицијата во одговорот за Билд.

Македонија

ССМ и КСОМ заедно на протест на 1 Мај под мотото „Ние работниците“

Сојузот на синдикатите на Македонија и Конфедерацијата на синдикалните организации на Македонија денеска упатија заеднички повик до сите работници да се обединат .

Сојузот на синдикатите на Македонија и Конфедерацијата на синдикалните организации на Македонија денеска упатија заеднички повик до сите работници да се обединат и заедно со синдикатите да излезат на 1 Мај на протестот кој ќе започне во 11 часот пред Работничкиот дом под мотото „Ние работниците“.

Ова, како што информираат од ССМ, е договорено на заедничката средба на претседателот на ССМ Слободан Трендафилов и секретарот на Советот на ССМ Златко Цветковски со претседателот на КСОМ Марјан Ристески и генералниот секретар на КСОМ Гоце Делчев Тодев.

-ССМ и КСОМ ги слушнаа барањата на работниците за потребата од обединување на синдикатите и оваа години заедно го организираат работничкиот протест на Меѓународниот ден на трудот 1 мај. Сојузот на синдикатите на Македонија и Конфедерација на синдикалните организации на Македонија заедно излегуваат на работничкиот протест на 1 Мај под мотото „Ние работниците“, соопштија од ССМ.