Технологија

Технологиите што ќе ја одбележат 2020.

Во последните десет години научивме дека технологијата управува со нашите животи , а тоа нема да се промени ниту во наредната.

Во последниве години, Амазон, Епл и Гугл активно водеа битка за да станат задолжителни во нашите домови.

Нивните виртуелни асистенти Алекса, Асистент на Гугл и Сири презедоа контрола над сè, од паметните звучници паметни светилки и правосмукалки.

Но, минатиот декември имаше примирје меѓу најголемите конкуренти во оваа трка и беше донесена одлука дека во иднина ќе работат на правење паметни производи во домовите што е можно покомпатибилни едни со други. Едноставно кажано, ако купите паметна сијалица, таа ќе работи совршено со сите три оперативни системи, намалувајќи ги компликациите што се поврзани со поврзувањето на одделни уреди. Ќе дојде време кога нашите домови ќе станат целосно и вистински паметни.

Во текот на 2019 година, 5G стана распространет низ светот, а индустријата полека почна да се префрла на технологија која овозможува супер брз трансфер на податоци, со која може да се преземе цел филм за само секунди. Сепак, брзиот интернет што го очекувавме не пристигна доволно брзо.

Тоа ќе се промени во 2020 година. Ова првенствено се должи на поддршката од 5G што ќе биде достапна на поголем број уреди. Samsung веќе започна со поддршка, а Apple се очекува да го лансира својот прв компатибилен 5G уред во 2020 година.

Се разбира, она што е исклучително важно е намалувањето на латентноста или времето што е потребно за уредите да комуницираат едни со други. Ова ќе биде од големо значење за уредите од следната генерација како роботи, автономни возила и беспилотни летала.

На пример, ако вашиот автомобил и друг автомобил имаат поддршка од 5G, тие можат да комуницираат едни со други, сигнализирајќи сопирање или стартување, што во моментов е една од најголемите пречки за правење целосно автономни автомобили.

„Епл“ одамна е доминантна сила на пазарот што се носи со технологијата, но тоа полека се менува и води кон поголема креативност и иновација.

Apple Watch го надмина само употребувањето како додаток на телефонот и фокусот се префрли на следење на здравјето на корисниците, при што нивните AirPods лансираат нов бран на Bluetooth слушалки.

Сега Xiaomi, Samsung и Huawei се во игра, со тоа што Google неодамна го презеде Fitbit, што значи дека тие исто така се натпреваруваат со Apple.

Информациите во индустријата оваа година би можеле да се поделат во две насоки: слушалки кои го следат здравјето на корисниците и слушалките кои служат како поевтина, но не и полоша, верзија на слушен апарат.

„Идејата за подобрување на слухот и како другите нè слушаат е навистина интересна“, вели аналитичарот на Форестер, Френк Гилет.

Стримингот несомнено ќе биде еден од лајтмотивите на 2020 година, и ова стана кристално јасно уште во минатата година.

Нетфликс беше најгледаната видео услуга во САД во 2019 година, при што луѓето трошат во просек 23 минути на ден за нивната содржина. Поточно, четвртина од времето што го трошиме на дигитални уреди беше потрошено на гледање на дигитални видео содржини, што вклучува време поминато на апликации и веб-прелистувачи.

Но, популарноста на Netflix значително ќе се намали како резултат на конкуренцијата од Дизни Плус, HBO Max и Apple TV Plus.

Додавајќи го сето тоа и сето она што се случува со стримингот на видео игри, можеме да зборуваме за вистинска револуција во стримингот.

Живот

Алија има најдолга коса на светот- ја мие еднаш неделно и ја суши 24 часа (ВИДЕО)

Алија Насирова е навикната луѓето да ги вртат главите по неа, најмногу поради нејзината неверојатно долга и раскошна коса.

Поточно, нејзината должина е 2,57 метри, поради што неодамна стана горда сопственичка на Гинисов рекорд.

Алија е родум од Украина, додека како светски рекордер беше претставена во италијанската ТВ серија „Lo Show dei Record“.

Триесет и петгодишната девојка е висока 165 сантиметри, а никогаш во животот немала „правилна“ фризура.

Таа сака нејзиниот рекорд „да ги инспирира луѓето да уживаат во убавината и да бидат природни“.

Алија живее во Словачка, каде се занимава со уметност, графички дизајн, а работи и како модел на долга коса.

Нејзина најголема инспирација се нејзината мајка и баба, кои исто така имале многу долга коса, како и хероината од бајките Златокосата, со која ја споредуваат.

Таа ја мие косата еднаш неделно, за што ѝ се потребни околу 30 минути, со дополнителни два часа за нанесување на маска и пакување.

Таа не користи фен и ја суши природно, што обично трае 24 часа!

„Ја четкам косата само кога е сува, што трае еден час. Следам едноставни правила за да ја одржувам здрава. Не ја бојадисувам и земам природни препарати“, открила таа.

Свет

Државниот правобранител бара прекин на истрагата против сопругата на шпанскиот премиер

Шпанскиот државен правобранител, назначен од кралот по препорака на владата, денеска побарал од судот во Мадрид да ја затвори истрагата за корупција против сопругата на премиерот Педро Санчез бидејќи „нема индиции за кривично дело“.

Судијата во Мадрид вчера пријавил дека отворил прелиминарна истрага за 59-годишната Бегоња Гомез. Сопругата на премиерот е пријавена кај судијата од синдикатот Манос Лимпиос (Чисти раце) врз основа на медиумските написи дека давала препораки со нејзин потпис на претприемачи кои се пријавиле на јавни тендери. Со тоа, било наведено во пријавата, таа ја искористила својата положба и влијание за блиски луѓе да добијат народни пари и работа.

Организацијата Манос Лимпијас претходно соопшти дека ја засновала својата тужба врз основа на медиумски извештаи и не може да гарантира за нивната вистинитост, а шефот на организацијата, Мигел Бернад, рече дека извештаите биле проследени до судијата од „граѓанска должност“ и негираше дека акцијата била политички мотивирана.

Во 1980-тите, Бернад се натпреварувал на два европски избори како кандидат на екстремно десничарскиот Национален фронт.

Манос Лимпијас одлучиле да побараат од судот да отвори истрага за бизнисот на Гомез откако обвинителите не постапиле самоиницијативно, а истражниот судија ќе одлучи дали медиумските извештаи се точни или не, рече тој.

Консултантската компанија на претприемачот Карлос Барабес, според пријавата, добила 10 милиони евра од јавно претпријатие во надлежност на Министерството за економија. Тој претприемач подоцна основал постдипломски курс со кој раководела Гомез на Универзитетот Комплутенсе во Мадрид.

Во извештајот се споменува и односот на сопругата на премиерот со туристичката компанија Globalia, која била спонзор на едукативниот центар „Africa Centre del Instituto de Empresa“ управуван од Гомез. Шпанската влада со 600 милиони евра народни пари ја спаси „Ер Европа“, во сопственост на Глобалија.

Државното правобранителство испратило жалба до судот во Мадрид во која се наведува дека нема „индиции дека сторила кривично дело“, јави радио станицата Ла Секста.

Вчера Санчез ја обвини „десницата и екстремната десница“ дека користат „лажни“ информации за да го соборат политички и приватно.

Тој е на власт од летото 2018 година, а пред шест месеци формираше нова малцинска левичарска влада со поддршка на сепаратистичките партии на Баскија, Каталонија и Галиција.

Директорот на онлајн весникот El Cofidencial, кој објави информации за сопругата на Санчез, во колумна објавена вчера навечер ја обвини владата за „притисоци“ и „закани“.

Бегоња Гомез не коментирала, а Санчез рече дека ќе соработува со судството.

„Сега судијата треба да утврди дали информациите на новинарот се точни или не“, се вели во денешното соопштение на синдикатот Манос Лимпијас, откако еден ден претходно биле критикувани од Санчез и левичарската опозиција за поднесување на извештајот.

Европската комисија со години бара од Шпанија да го реформира судството за да не зависи од владата. Поддржувачите на каталонската независност исто така го обвинија Мадрид дека го користи судството за политички цели.

Македонија

Меѓународните набљудувачи со прелиминарна оценка за првиот круг на изборите

Добро организирани, но извалкани со остра реторика – ова е оценката на набљудувачите на ОБСЕ/ОДИХР и на Парламентарното собрание на Советот на Европа за првиот круг од изборите...

Според нив, гласачите имале простор за избор, но реториката станала многу негативна како се ближел денот на изборите....

притисни ентер