Јанушев:Аферата Канабис покажува инфлација од лиценци на фирми блиски до власта и неконтролирано производство на марихуана

​Како што ветивме пред некој ден, денес ќе имате можност да ја дознаете целата вистина околу омилениот бизнис на фамилијата Заеви. Бизнисот со марихуана која се претвори во рекет машинерија.

Токму затоа Заеви и СДСМ ревносно се борат во Собранието да се изгласа законот за опојни дроги по нивни терк, за потоа да обвинуваат дека ВМРО-ДПМНЕ го кочи овој закон. Иако во позадина се работи за нешто сосема друго.

Овде се работи за милиони и создавање на силна канабис рекет машинерија.

Аферата Канабис милионите на Заев покажува инфлација од лиценци на фирми блиски до власта и неконтролирано производство на марихуана.

Веднаш да потенцирам и да ги расчистиме дилемите, ВМРО-ДПМНЕ не кочи закони во интерес на граѓаните, ВМРО-ДПМНЕ кочи закони кои се од личен интерес на Заеви. ВМРО-ДПМНЕ во 2016-тата година го донесе законот за одгледување на канабис за медицински цели и Република Македонија беше единствена држава во Европа заедно со Холандија, но со јасно дефинирани одредби, и високи критериуми кои мора да се исполнат, а не земјава да се претвори во оаза за канабис за милионите на Заев.

Но, како навистина стојат работите.

Информациите кои дојдоа до нас говорат дека СДСМ и Заеви практично манипулирајќи ги потенцијалните и заинтересирани производители на канабис, создадоа нова рекет машинерија преку која се собираат пари од бизнисмени кои сакаат да одгледуваат канабис.

Во постојниот закон кој е на сила, донесен во 2016 година за

одгледување на канабис за медицински цели, јасно е припишано кои се условите кои мора да ги исполнува одредена фирма доколку сака да добие лиценца за одгледување канабис.

СДСМ и Заеви, настрана од пропишаните одредби во законот, за само

неколку месеци дозволија хипер-продукција на лиценци за канабис. Внимавајте од мај 2016 до мај 2018 година се издадени само 5 лиценци за одгледување на канабис и 2 лиценци за екстракција. Додека пак само во 2019 година Владата има издадено 31 лиценца за одгледување на канабис, а околу 20-тина нови лиценци се во постапка и чекаат одлука од Владата за да ја добијат. Во истиот период исто така се издадени дополнително 2 лиценци за екстракција на канабис. Голем дел од овие фирми што добиле лиценци се поврзани погодувате директно со СДСМ.

Што е тука индикативно и сомнително?

Еден од условите да се добие лиценца за одгледување канабис е да фирмите апликанти поседуваат елаборат за одгледување на канабис во рок од 5 години како и која е намената на произведеното количество. Ова е еден од најважните документи кои треба да го поседуваат фирмите.

Внимавајте, според нашите информации, најголем дел од овие 31 лиценца во 2019 година, се издадени според непостоечки закон, односно се незаконски.

Овие фирми имаат елаборати во кои јасно пишува дека ќе извезуваат произведен сув цвет од канабис, што практично и не е возможно согласно постоечкиот закон, каде што извоз на канабис е возможен доколку е завршена екстракција. Според нашите информации, Министерството за здравство не врши воопшто инспекциски надзор колку канабис е одгледан кај голем дел од компаниите, па огромна количина од канабисот се продава на црно за огромни суми на пари, што докажува дека Заеви ја направија Македонија како Колумбија и Лазарат.

Канабис милионите на Заеви отвораат сомнеж дека постои и нелегално производство на марихуана.

Прашуваме, дали е точно дека Заеви доделувале лиценци на нивни блиски фирми без да поседуваат соодветен елаборат, па практично сега лиценците се незаконски?

Втора работа, која кружи низ кулоарите на бизнисмените, е дали е точно дека цената на една лиценца на Владата на СДСМ и на Заев чини околу 300.000 до 500.000 евра кои се плаќаат директно на рака кај луѓе блиски до власта?

За се ова институциите молчат и по принципот сврти ја главата на другата страна, се прават како да не се случува бидејќи се под директни инструкции на фамилијата Заеви и СДСМ.

Дополнително, документите покажуваат дека до последниот ден како премиер Зоран Заев делел лиценци за производство на марихуана. За само два дена во месец декември, а на неколку дена пред оставката на Заев се доделени 10 нови лиценци за производство на марихуана. Значи 10 нови лиценци, набрзина се доделени на компании кои се поврзуваат токму со Зоран Заев.

Набрзина, шверцерски и со огромен сомнеж за милионски криминал. Деталите на компаниите ќе ги чуете во следниот период, но она што е сигурно е дека СДСМ си направија класична рекет машина, каде што овие бизнисмени се принудени да ги купат лиценците од Владата за кеш пари, за сега повторно да се зборува низ кулоарите на бизнисмените дека повторно им се барани кеш пари за да можел СДСМ да остане на власт и да го протурка законот.

Почитувани,

Времето на СДСМ и криминалците како Заев заврши.

Обновата на Македонија доаѓа на 12-ти април. А, Заев и СДСМ ќе понесат одговорност.

Заев и СДСМ се виновни за се што се случува сега и Заев и СДСМ никогаш повеќе нема да и се случат на Македонија.

Игор Јанушев, Генерален секретар на ВМРО-ДПМНЕ

Бугарија и Македонија од понеделник прекинуваат со увоз-извоз на гориво од отпад

Од понеделик стапува во сила забраната за узвоз и извоз на гориво од отпад меѓу Бугарија и Македонија. 

Тоа е согласно забраната, која е воведена со измените во нашиот Закон за управување со отпад, кој помина во Собранието пред неговото распуштање, а со кој во нашата земја се забранува увоз на отпад, што се користи како извор на енергија.

За забраната говореше бугарскиот министер за животна средина и води, Емил Димитров, кој завчера беше во посета на земјава, каде се сретна со неговиот македонски колега Насер Нуредини.

– Ние ја затвораме Македонија за РДФ отпад, ја затвораме. Од понеделник ниту од Бугарија кон Македонија, ниту од Македонија кон Бугарија ќе поминува таков вид на отпад. За секундарни суровини за рециклирачката индустрија работите ќе се одвиваат како досега. Во моментов сме фокусирани на РДФ отпад, а потоа ќе се насочине кон медицинскиот отпад на бугарска територија. Од странство не влегувал, ниту ќе дозволиме да влегува, вели Димитров.

Бугарскиот министер во обраќање на четвртата годишна конференција на Бугарската асоцијација за рециклирање истакна дека изминатитве пет години Бугарија го надмина просекот на ЕУ во однос на темпото на зголемување на рециклирањето на комуналниот отпад.

– Шеесет и пет проценти од она што е на депониите, треба да го рециклираме. Не да се гори, туку да се рециклира. Дваесет и пет отсто треба да изгориме и десет отсто да депонираме. А ние депонираме 90 отсто и ги полниме депониите, а десет отсто рециклираме. И поради тоа е целиот проблем, рече бугарскиот министер на конференцијата, на која учествуаат експерти, компании од секторот за рециклирање од земјата и странство и претставници на Европската комисија и на бугарски државни интитуции.

Димитров, кој во понеделникот беше во посета на Македонија, изрази подготвеност за соработка со земјава во контролата на прекуграничното движење на отпадот и увери дека Република Бугарија од своја страна ќе се заложи за спречување на влезот на пратки со РДФ отпад од бугарска територија во нашата држава.

– На средбата со министерот Насер Нуредини и дел од раководниот тим на Министерството, присуствуваше и директорот на Царинската управа на РМ, Ѓоко Танасоски. Разговорот беше фокусиран на начинот на воспоставување и отпочнување со работа на Заедничката комисија за соработка во повеќе прашања од интерес за заштитата на животната средина. Како приоритет се поставија актуелните прашања поврзани со прекуграничната контрола на отпадот, информираат од Министерството за животна средина и просторно планирање.

Министерот Димитров нагласи дека скорешните случувања и откритија на сомнителни меѓународни движења на пратки со отпад во Бугарија, се случаи кои претставуваат незаконски активности на поединечни лица и не ја доведуваат во прашање меѓудржавната соработка помеѓу двете земји./МИА

Гренел: Лажна вест дека САД се за размена на територии меѓу Србија и Косово

Специјалниот пратеник на САД за дијалогот меѓу Белград и Приштина, Ричард Гренел демантираше дека Вашингтон се согласува за размена на територии меѓу Србија и Косово.

Лажни вести, напиша Гренел на својот Твитер налог, коментирајќи го текстот што вчера го објави ЕУ Обсервер.

- Јас сум за она што ќе го договорат страните во дијалогот, фокусиран сум на економскиот развој, а не на политиката, нагласи Гренел.

 ЕУ-обсервер вчера објави дека специјалниот претставник на САД за западен Балкан, Метју Палмер во интервју за порталот не ја исклучил можноста за размена на територии меѓу Србија и Косово.

 Тој посочил дека ги поддржува „страните да најдат начин да се вратат на преговарачка маса, да ги отворат сите важни прашања за време на разговорите и да најдат начин за нормализирање на односите“.

Македонски Телеком: Преземени безбедносни мерки за повиците од непознати дестинации

„Македонски Телеком ја информира јавноста дека во текот на денешниот ден се регистрирани повици од непознати дестинации кон наши корисници чија цел е да се генерира непотребен сообраќај. “

Македонски Телеком информира дека по регистрираните повици во текот на денов од непознати дестинации кон нивни корисници, а кои имале цел да генерираат непотребен сообраќај, веднаш презеле безбедносни мерки, ги блокирале непознатите броеви и го оневозможиле бирањето кон тие дестинации. Апелира корисниците  да бидат претпазливи и да не одговараат на пропуштени повици од непознати броеви, со цел за да се избегнат злоупотреби и дополнителни непредвидени трошоци.

– Македонски Телеком ја информира јавноста дека во текот на денешниот ден се регистрирани повици од непознати дестинации кон наши корисници чија цел е да се генерира непотребен сообраќај. За да ги заштитиме корисниците од несакани трошоци, компанијата веднаш презеде безбедносни мерки, ги блокираше непознатите броеви и го оневозможи бирањето кон овие дестинации. Апелираме корисниците постојано да бидат претпазливи и да не одговараат на пропуштени повици од непознати броеви, со цел за да се избегнат злоупотреби и дополнителни непредвидени трошоци, соопшти Македонски Телеком.

Голем број граѓани, на социјалните мрежи и кај операторите, информираа за телефонски повици од непознати странски броеви.

Директорот на АЕК Сашо Димитријоски претходно за МИА изјави дека телекомуникациските оператори ќе ги блокираат броевите од кои што кон  домашни корисници од претпладнето има голем број неидентификувани повици од странство.

Исто така апелираше граѓаните да не одговараат на таквите повици што се регистрирани од корисници на и на двата мобилни оператора во државава.

АЕК, како што најави, ќе има средба со претставници на операторите, по што и ќе објави соопштение со конкретни насоки до граѓаните. /МИА

притисни ентер