Дали пратениците ќе покажат волја да се донесе забрана за увоз на отпад како енергенс?

Дали Собранието ќе го изгласа законот за забрана на увоз на отпад кој вчера беше прескокнат на расправата во Собрание, бидејќи била потребна дополнителна консултација со институциите затоа што земјава е потписник на Базелската конвенција.

Лилјана Поповска од партијата ДОМ, вели дека оправдувањето е не логично, будејќи Македонија не е членка на ЕУ, додавајќи дека законот мора да се изгласа затоа што целиот процес се врши неконтролирано.

Во моментов во земјава не се внесува отпад кој може да се складира, туку само оној кој може да се преработи, изјави заменик-миистерот за животна средина Јани Макрадули

Тој рече дека најголем увоз на опасен отпад во земјава  имало од 2012 до 2016 година, во 2017 тој е значително намален а во 2018 воопшто и не бил внесен таков отпад.

Тонско Јани Макрадули заменик министер за животна средина

Макрадули смета  дека аерозагадувањето може да се реши со елиминација на неговите извори, и  дека е подобро отпадот да се искористи како алтернативно гориво отколку да се трупа на депониите, Македонија вели тој, повеќе извезува отколку што увезува отпад.

Заради еден авион блокиран аеродромот Хитроу

Лондонскиот аеродром Хитроу прекинал одредени летови заради авион кој блокирал една од пистите, објави сајтот „Airlive“.

„Полетувањата се прекинати на лондонскиот аеродром Хитроу. Летало ја блокирало пистата 27R на лондонски Хитроу“, наведува сајтот.

Портпаролката на аеродромот одбила веднаш да ја коментира ситуацијата.

Масовни дојдовни повици од неидентификувани броеви од странство

Дојдовни повици од неидентификувани броеви од странство кон повеќе корисници во државава се регистрирани од изутринава.

 За повиците граѓаните споделуваат на социјалните мрежи, изразуваат загриженост и меѓусебно се предупредуваат да не одговараат на повиците.

Од Агенцијата за електронски комуникации (АЕК), регулаторното тело во телекомуникациската област, најавија дека наскоро ќе објават соопштение со насоки до граѓаните, а став за состојбата најавија и телекомуникациските оператори.

Апел за превенирање на ваквите активности преку Фејсбук објави поранешната пратеничка Фросина Ременски, истакнувајќи дека е потребен одговор од надлежните институции за да нема шпекулации.

– За да се избегнат какви било штети и шпекулации, има надлежни институции кои треба да го превенираат ова. Не сакам да верувам дека, зад оваа „масовност" се крие таргетирана разузнавачка операција. За да нема шпекулации потребен е одговор", објави Ременски на Фејсбук.

И без пропустите оградата на автопатот не би го задржала автобусот, тврди вештак на судењето за несреќата кај Ласкарци

 Хемискиот состав на заштитната ограда бил во согласност со тогашните стандарди, освен навртката која служи за спојување на деловите, која е со нешто послаб квалитет, изјави вештакот.

 Заштитната ограда на автопатот Скопје – Тетово на делницата на местото на несреќата на автобусот на „Дурмо турс" била во согласност со тогашните стандарди, освен навртката која служи за спојување на деловите, која е со нешто послаб квалитет, изјави вештак од областа на градежништвото на денешното рочиште за сообраќајката кај Ласкарци.

Оградата е поставена во 2000 година, а проектот е направен во 1998 година.

Генерално пропустите, рече вештакот, се при проектирањето што нема детали за столпчето, дистанцерот и поставеноста на оградата во однос на автопатот, додека при изведувањето, е тоа што има недоволна притегнатост на оградата и нејзините делови. Тој посочи дека пропусти има и при одржувањето каде е дозволена корозија и не е држена во кондиција.

– Од сите анализи и доколку немало вакви пропусти таа не би успеала да го задржи автобусот, рече вештакот.

Испитувањата за квалитетот и издржливоста на оградата, посочи вештото лице, биле направени во Машинскиот факултет во Скопје.

– Хемискиот состав на заштитната ограда бил во согласност со тогашните стандарди, освен навртката која служи за спојување на деловите, која е со нешто послаб квалитет, изјави вештакот.

Тој посочи дека тогашните стандарди за градење, во најголем дел ги имаат ЈУ стандадите.

– Од проектната документација има многу малку податоци за заштитната ограда, освен дека е избрана еднострана заштитна ограда. Во прилог има уште еден документ дека е избрана еластична заштитна ограда тип „Слобода", изјави вештакот.

Во текот на градбата, рече тој, извршени се измени на целокупната основа, во смисла на сите конструктивни елементи на патот – насип и заштитна ограда.

– Оградата на автопатот е почната да се гради согласно стандардите и проектот. Во еден момент во текот на градбата доаѓа до прекин на снабдување на огради од фабриката „Слобода" – Охрид, чиј тип е избран. Промената се состои во самите елементи на оградата, од замена на формата на столпчето, на дистанцерот или одбојникот. Врз основа на А тестовите од лабораторијата на добавувачот на таа ограда, квалитетот одговара на европските норми 13/17, кои кај нас тогаш се уште не важеле, изјави вештакот.

Денеска, посочи вештакот, работиме по тие стандарди и се применуваат во цела Европа.

– Производителот ги има атестирано во сопствена лабораторија. Испитувањата ги прави фирмата од Перник, во Бугарија, а кај нас во тоа време немало таква лабораторија и прифатени се тие од производителот, изјави вештакот.

Испитувањето, рече тој, е во хемиските карактеристики на материјалот и геометријата на деловите, со што во нив нема податоци за одбојникот.

– Не е испитувано до кој степен на сила и под кој агол може да прими удар оградата, изјави вештакот.

Значењето на овој податок, посочи тој, доколку би го имале, е битен фактор во самото димензионирање и поставување на опасните места.

– Во тоа време не постоела обврска за мерења на колкава би била издржливоста при удар, изјави вештакот.

Според него, при увид на лице место е утврдено дека нема пропусти во изведбата на оградата и отстапувања од тоа што е предложено од изведувачот.

– Има отстапување во однос на геометријата на патот. Да биде подалеку од коловозот, да биде пониско или повисоко поставена, изјави вештакот.

Процесот го води судијката Диана Груевска Илиевска, а застапник на обвинението е јавниот обвинител Дарко Јакимовски.

За автобуската несреќа што се случи на 13 февруари годинава кај селото Ласкарци, во која загинаа 16 лица, а 37 беа потешко повредени, се обвинети шест лица.

Сопственикот на „Дурмо турс", Дурмиш Белули, одговорниот за транспорт во формата Ремзи Мифтари и возачот на автобусот Маноел Трифуновски се товарат за сторени тешки дела против безбедноста на луѓето и имотот во сообраќајот, додека тројцата вработени во станицата за технички преглед Игор Ѓорѓиевски, Горан Дуковски и Јане Боварски за соучество во истото дело. /МИА.

притисни ентер