Започна реконструкцијата на градскиот стадион и се санираат прокопите со рециклиран асвалт во Кавадарци

Градоначалникот на Кавадарци Митко Јанчев на Фејсбук објави дека се санираат прокопите со рециклиран асвалт и дека започнала реконструкцијата на градскиот стадион во Кавадарци.

„Започна реконструкцијата на градскиот стадион во Кавадарци

Според проектот најпрвин ќе биде целосно отстранета сегашната трева, а подлогата под неа ќе се подготви за поставување на нови бусени трева.

Теренот ќе биде соодветно и дрениран со ефикасен систем за одводнување. Градскиот фудбалски стадион освен промената на сегашната подлога со нова трева, ќе добие и современо осветлување за одигрување на ноќни натпревари,“ напиша на својот Фејсбук профил градоначалникот на Општина Кавадарци Митко Јанчев.

Тој на својот Фејсбук објави е дека Општина Кавадарци е единствена општина која го рециклира стариот асвалт кој го користи за санирање на прокопите

„Во Кавадарци сопствената асфалтна база работи и во јануари. Нема застој во комуналната изградба. Се санираат прокопите со рециклиран асфалт и сопствена мобилна асфалтна база. Општина Кавадарци е единствена општина која го рециклира стариот асфалт а тоа носи многу економски и еколошки бенефиции.

ЈП Комуналец е единствено претпријатие кое во овој период од годината рециклира и произведува асфалт и работи на санирање на прокопи“, напиша на Фејбук градоначалникот на Кавадарци.

Затворени училишта и попречен сообраќај поради обилни врнежи од снег во Техеран

Отежнато е движењето по улиците, попречен е и воздушниот сообраќај, затворени се училишта.

Обилните снежни врнежи ги обелија улиците во Техеран, отежнувајќи им го на жителите секојдневието во градот, известуваат градските власти.

Снегот започнал да паѓа рано наутро и веднаш го попречил движењето во главниот град.

Сите летови или доцнат или се откажани.

Заради обилниот снег затворени се и сите училишта во главниот град и во некои околни подрачја.

Обилниот снег ќе продолжи да паѓа до утре.

Без струја утре дел од Драчево и Ѓорче Петров

Поради технички зафати во електродистрибутивната мрежа утре во одредени временски интервали без струја ќе останат дел од жителите во Драчево и Ѓорче Петров.

Од 08:30 до 15:30 часот без струја ќе бидат дел од улиците Иван Хаџиниколов (поранешна Ратко Митровиќ), Скендербег и Радое Дакиќ  во населбата Драчево, а од 9 до 15 часот дел од улиците Ибе Паликуќа, Кичевска и Зејнел Ајдини во општина Ѓорче Петров./МИА

Полицијата во Хонг Конг со солзавец ги растерува демонстрантите

Полицијата на денешните протесни користеше солзавец за да ги растера илјадниците антивладини демонстранти кои се собраа во Хонг Конг.

Пред да започнат демонстрациите, полицијата интервенирала кога митингот прераснал во импровизиран марш. Видено е како неколку полициски единици апсат демонстранти.

Организаторите на почетокот побарале дозвола за марш, но полицијата се согласила само на статичен митинг во паркот, велејќи дека изминатите маршови се  претвориле во насилство.

притисни ентер