Осаменоста , болест на милиони луѓе од богатите земји

Холандија беше шокирана , откако по дури десет години било пронајдено телото на 74- годишна жена од Ротердам , која починала сама во својот дом , а ја пријавиле соседите , кои забележале дека пред вратата има многу писма.

Затоа , холандскиот министер за здравство се зафати со изработка на програма против осаменоста. Холандија не е единствената земја што презеде чекори по ова прашање. Со оглед на проблемите со кои почна да се соочува цела Европа , Велика Британија е првата земја што назначи министер за осаменост.

Основната тешкотија со која се соочуваат експертите при дефинирањето на овој проблем и утврдувањето дали расте и колку брзо се шири низ целиот континент е недостатокот на податоци за споредба.

Прво, осаменоста е субјективно чувство кое варира во социјалните групи и држави. Второ, иако има студии, тие се релативно нови, така што има неколку одредници со кои можат да се споредат резултатите и може да се види потенцијалниот раст на овој проблем.

Осаменоста влијае на седум проценти од возрасните ширум Европа, според краткиот извештај на Европската комисија. Текстот, исто така, наведува дека луѓето во источните и јужните делови на Европа веројатно ќе се чувствуваат поосамени од луѓето во западните и северните делови.

Говорејќи конкретно за социјална изолација, најлоша е ситуацијата во Италија, Холандија и Франција. Во анкетата за 2015 година, во која биле прашани граѓаните дали имаат некој да побараат помош или се доверат за приватни работи, овие три земји се издвоија според негативните одговори.

Дури 1,4 милиони луѓе над 50 години во Англија признаваат дека честопати се чувствуваат осамени. Експертите велат дека процентот на стари лица кои се чувствуваат осамено не е променет, но вкупниот број се зголемува бидејќи луѓето сега живеат подолго.

Социологот Аксел Дис вели дека како што стареат луѓето, нивната социјална активност се намалува, а со тоа и нивната поврзаност со другите луѓе: „Гледаме дека бројот на постари луѓе е навистина голем. Тие немаат природен начин да останат во контакт со другите. Исто така е точно дека децата живеат подалеку од нивните родители и ова е уште една причина за осаменост кај постарите лица“.

Сепак, додека иницијативите против осаменост се фокусираат на возрасните групи, според поранешната парламентарка Џудит Меркис, осаменоста влијае и на многу други групи. Таа рече дека истражувањата во Германија покажале дека младите мажи се најизолирана група и дека нивото на осаменост се зголемува кај младите жени.

„Голем дел од ваквата иницијатива е насочена кон постарите лица. Постои идеја во вашиот ум дека ако сте стари, вие сте осамени“, изјави Меркис. „Овие иницијативи за старите лица се многу добри, но зошто се има предрасуда дека осаменоста зависи од возраста?“

Истражувачите велат дека лошата здравствена состојба, осамениот живот и степенот на сиромаштија се фактори кои го зголемуваат ризикот од осаменост.

Постои поголема разлика помеѓу оние кои работат и имаат финансиски ресурси и оние кои не се вработени. Семејството е исто така многу важно. Луѓето се повеќе се исклучени ако треба да се пензионираат.

Робин Хјуингс, директор на Кампањата за ставање крај на осаменоста, вели дека еден од најголемите ризици доаѓа при клучните животни промени: „Ако се преселите заради ново работно место или образование, тоа може да биде голема промена, особено за младите луѓе .Околината, кругот на пријатели ... И не е секогаш лесно да се вклопите. Вториот ризик доаѓа откако децата ќе влезат во нашите животи. Во голема мерка, тие ги намалуваат можностите за социјална интеракција. Децата радикално ги менуваат животите “.

Покрај промената на животот, анализиран е и факторот на нови технологии.

„Има апсолутно голем ризик кога станува збор за веб-страниците како„ Фејсбук “и „Инстаграм “. Тука луѓето се претставуваат во најдобро светло, а споредувајќи се себеси со другите луѓе се чини како сите други да се посреќни, позадоволни, поисполнети ... можат да создадат чувство на осаменост.“, вели Хјуингс.

"Од друга страна, социјалните мрежи исто така можат да бидат корисна алатка за одржување на социјалните односи. Претходно, ако член на вашето семејство се пресели во Австралија, би се соочиле со фактот дека не би го виделе со години. Денес може да го гледате секој ден, преку Скајп или друг вид алатка. Божиќните и другите празници најчестоо се минуваат со семејството и пријателите, така што оние што ги немаат , овие денови се чувствуваат поосамено . Сепак, експертите посочуваат дека осаменоста не се чувствува само за време на празничниот период.

„Летото може да биде време од годината кога особено се чувствуваме осамени, затоа што тоа е време за патувања “.

Димитриевски: Македонскиот е мал народ, но голем во срцето

Ние немаме намера да рехабилитираме никој. Ќе се постапува кон сите согласно законот. Но она што сакаме да го рехабилитираме  е токму Македонија, да се обидеме да ја трансформираме во стабилна и просперитетна држава.

„Ние немаме намера да рехабилитираме никој. Ќе се постапува кон сите согласно законот. Но она што сакаме да го рехабилитираме е токму Македонија, да се обидеме да ја трансформираме во стабилна и просперитетна држава која што ќе почива на едни самоодржливи политики“, рече претседателот на Движењето ЗНАМ – За наша Македонија и негоов

кандидат за претседател на државата за подкастот на Плус Инфо, Максим Димитриевски. Тој додаде дека целта е да се зголеми бруто домашниот производ за да имаме економски стабилна и просперитетна држава.

„Казнивоста да биде поеднаква кон сите и граѓаните сите да бидат од прв ред, а не само оние коишто се членови, симпатизери, поддржувачи, лојалисти на големите политички субјекти коишто во оваа држава се менувааат повеќе од 30 години, а за граѓаните од ден на ден е се полошо“.

Одговарајќи на прашањето зошто влегува во трката за претседател наместо комотно да биде носител на листа во Изборната единица 2 , каде што е суверен Димитриевски одговори: „Видете за да направите крупни промени во општеството потребни се и крупни чекори. Токму еден од таквите чекори е и мојата кандидатура за за претседателскатаа битка, бидејќи сметам дека самите промени нема да дојдат сами од себе. Потребно е нешто ново да им се понуди на

граѓаните. Сметам дека како човек којшто Куманово го научи како да менаџира со прилично признанени резултати, а и дополнително моментот кадешто видов дека имаме моќ за обединување на луѓе коишто биле и во редовите на СДСМ и во редовите на ВМРО, дојдов до заклучок дека можеме да го направиме тоа и на нацинално ниво. А нам во Македонија ни е

потребно национално помирување. Потребно е помирување во секое семејство“.

Запрашан како би постапил кога би бил на функцијата претседател доколку дојде закон кој е проблематичен, Димитриевски рече: „Токму тој мандат којшто го дава законот, Уставот, претседателот да може да го врати законот пред законодавниот дом е прилично сериозен инструмент во рацете на Претседателот за Собранието, како највисок орган во државната власт, бидејќи ние сме парламентарна демократија, согласно Уставот, ги преиспита своите одлуки. Вие во тој случај застанувате на страната на граѓаните“ и дополни дека со измената на Кривичниот закон се видела скриената соработка помеѓу власта и

опозицијата. „Сметам, додаде Димитиевски дека најмалку што можеше Пендаровски требаше тој ист закон да го врати на повторно разгледување и со тоа да укаже на Парлментот дека не само што не се согласува со тоа, туку тој како претставник, суверен претставник на граѓаните, не се согласува со истиот во нивно име. А тоа како ќе одлучи по втор пат парламентот е уште повисоко ниво на политичка одговорност доколку останувате на таквите ставови коишто првично ги имате зацртано“.

На констатацијата дека досега во земјава повеќе пати се нудела трета опција која не се покажала во најдобро светло и која е разликата што се нуди со ЗНАМ, Диитриевски потенцира дека одат сами на избори и немаат намера да влезат во власта по секоја цена.

„Првично ЗНАМ нема намера да стане јазиче на вагата, туку има намера да стане фактор на стабилизација на Македонија. Со тоа што верувам дека ќе добиеме огромна поддршка на следните паламентарни избори, којашто ЗНАМ ќе го позиционира како фактор на стабилност во следната влада. Но видете, кога вие сте слаби од внатре, кога во државата постои разногласие по сите национални прашања, кога постои огромна поделеност помеѓу политичкит субјекти, високо ниво на личнен антагонизам којшто реално постои во македонската политика, тогаш вие во очите на јавноста, кога ве набљудуваат од надвор изгледате многу слаб, порозен. Значи потребно е да се постигне високо ниво на единство, а тоа се постигнува со број на претставници во парламентот којшто го формираат мнозинството“, рече тој.

Димитриевски посочи дека ние сме членка на НАТО, а стратешка определба е да бидеме членки на Европската унија и додаде: „Но во Европската унија треба да влеземе сами на своето, како стабилна држава, држава без корупција и криминал, со нулта корупција, со една развојна компонента на самоодржливост, при тоа не распорадвајќи ги националните и стратешки ресурси со коишто располагаме во моментов. А тие Господ ни ги дал. Едно е сонцето, друго е плодната почва и третото се водите“.

Одговарајќи на прашањето како Македонија ќе стане економски просперитетна држава Димитриевски рече дека од искуството што го има во Куманово тоа е многу просто и многу едноставно. „Првично ја сузбивате корупцијата, владеење на правото. Право еднакво за сите, со обврски коишто ќќе ги имаат сите согласно законот. Ги намалувате непродуктивните трошоци, ги зголемувате сопствените приходи и доаѓате до финансиска стабилност. Тоа што го применувате на локално

ниво, ќе го примените и на централно ниво. За да се постигнат резултати потребно е многу работа,посветеност, луѓето да се идеолошки мотивирани и да си ја сакаат државата“.

Во однос на црните листи и како гледа на тоа, Димитриевски одговори: „Сето она што ќе излеззе во јавноста за било кој политичар и е легитимно од аспект на една суверена држава, како САД, да излезе и да каже дека за тоа и тоа лице постојат одредени докази,тоа потоа треба и да биде аргументирано, во спротивно ве става во состојба да добиете

анатемизација како личност, поединец за којшто не постојат соодветни докази. Не верувам дека САД би направиле такви пропусти како држава“.

Во однос на владеењето на правото и борбата за правда Димитривски посочи дека бил дел на Шарената револуција и додаде: „Јас до ден денеска верувам во тие идеи за коишто ние се залагавме и боревме. Точно е нема правда нема мир. Немаше правда и немаше мир ни тогаш, а нема ни денеска. Јас тоа директно го чувствувам на моја кожа со

монтираниот случај во Куманово за којшто ќе си дојде епилог. Бидејќи правдата е бавна , но доаѓа.Исто така ќе излезе вистината и во овој случај.

Во однос на казнивоста и неказнивоста и владеењето на правото тој посочи: „Ајде да направиме една анализа, дали ни до ден денеска,после 20 години власт во оваа држава имаме еден висок функционер на ДУИ којшто бил изведен пред лицето на правдата.Нема таков случај. Што значи ДУИ си ги користи неговите партнери во власта како обичен привезок за

реализирање на неговите цели. 2000 година по воениот кофликт буквално со калашњиков влегоа во парламентот, добија на трендот тогашен, по фијаското во Охрид и потпишувањето на Охридскиот рамковвен договор. Дополнително се инсталираа на сите ниво на извршната власт, направија комплетна политизација на системот и денеска од ден на ден ги гледаме

како ја запоседнуваат најбрутално независната судска и обвинителска власт . До каде ќе оди тоа. До создавање на приватно судство“.

На крајот од гостувањето во подкастот на Плус Инфо, Димитриевски потенцира дека: „Ние сме мал народ, но многу голем во срце. И најголемиот проблем бил во историјата да сфатиме дека треба да бидеме свои на своето, сигурни во себе и да генерераме и создаваме нови лидери, бидејќи моменталната политичка понуда на тој план е потрошена. На Македонија и се потребни нови лидери коишто ќе ја поведат во нови победи и нова стабилизација“.

ЗНАМ

ЦУК: Два пожара на отворено во последното деноноќие, 1 853 повици на 112

Во последното деноноќие регистрирани се два пожара на отворено. Пожарникарите од ТППЕ Валандово вчера од 12.45 до 15.45 часот гаснале запалена депонија во валандовското село Јосифово. 

Пожарникарите од ТППЕ Свети Николе вчера од 13.25 до 17.35 часот гаснале запалена ниска вегетација во близина на село Преод во Општина Свети Николе.

Како што информираат утрово од Центарот за управување со кризи, двете интервенции биле извршени со екипи од по тројца пожарникари и едно противпожарно возило.

Во изминатото деноноќие имало една помала интервенција на запален оџак на улица „Младинска“ бр. 236 во Струмица.

Согласно препораките на пожарникарите, оџаците е потребно редовно да се чистат. ЦУК апелира да не се пали вегетација на отворено, редовно да се чистат локалните одводни канали и да не се фрлаат отпадоци во нив.

Во последното деноноќие имало вкупно 1 853 повици на Единствениот повикувачки број за итни случаи 112. Од нив „реални“ повици биле 46,52, а 53,48 отсто биле за други потреби на граѓаните што не биле итни. Кон полиција биле упатени 70,44 отсто, кон итната медицинска помош 26,32, а кон пожарникарите 2,43 отсто од реалните повици кон 112.

Бразил и Франција градат подморници за да го бранат мирот во Европа и Јужна Америка

Францускиот претседател Емануел Макрон и неговиот домаќин, бразилскиот претседател Луис Инасио Лула да Силва, во средата го прославија стратешкото партнерство на двете земји со лансирање француско-бразилска подморница.

Францускиот претседател Емануел Макрон и неговиот домаќин, бразилскиот претседател Луис Инасио Лула да Силва, во средата го прославија стратешкото партнерство на двете земји со лансирање француско-бразилска подморница во пристаништето Рио де Жанеиро.

На вториот ден од неговата посета на Бразил, Макрон се сретна со Лула во модерното бродоградилиште Итагуаи за лансирањето на третата од серијата од четири подморници со конвенционален погон на француски дизајн.

Двајцата шефови на држави ја истакнаа важноста на ова партнерство.

„Ова ќе им овозможи на нашите две земји, секоја важна на својот континент, да се подготват да се соочат со оваа неволја, без да се грижат за каква било војна, бидејќи ние сме бранители на мирот во секој момент од нашата историја“, рече Лула.

Повикувајќи се - и покрај несогласувањата, особено во однос на Украина - на „истата визија за светот“ на Париз и Бразил, Макрон ги потврди зборовите на Лула: „Големите мирољубиви сили - Бразил и Франција, мора да признаат дека во сè понеорганизираниот свет, понекогаш ние треба да знаеме како да користиме силен јазик за да го заштитите мирот“.

Договорот кој вклучува подморници беше склучен во 2008 година со голема помпа од тогашниот француски претседател Никола Саркози и Лула, кој во тоа време сè уште беше на власт. Покрај продажбата на 50 хеликоптери „Caracal“, договорот вреден 6,7 милијарди евра вклучува и развој на бразилските подморнички капацитети и индустријата неопходна за тоа.

За оваа програма наречена „Просуб“, посветена на заштита на 8.500 километри од брегот на латиноамериканскиот гигант, бразилската морнарица избра да работи со француската поморска одбранбена компанија „Навал груп“.

Покрај тоа, договорот треба да му дозволи на Бразил да ја дизајнира и изгради својата прва подморница за нуклеарен напад, но тој е одложен.

„Фактот што Бразил сака да има пристап до знаење за нуклеарната технологија не е за да војува. Сакаме ова знаење да ги убеди сите земји кои сакаат мир дека Бразил ќе биде на нивна страна“, рече Лула.

Франција, сепак, е многу воздржана за каков било трансфер на технологија во таа област, поради ризикот од ширење на нуклеарното оружје.

За време на посетата, Макрон ќе го отвори Пастеровиот институт во Сао Паоло и ќе го објави францускиот „здравствен пакет“ за Бразил и Латинска Америка, а денеска во главниот град Бразилија ќе разговара со Лула за главните меѓународни прашања.

Макрон и Лула во Амазонската шума најавија и програма за собирање „милијарда евра зелени инвестиции“ за бразилската Амазон и Француска Гвајана.

притисни ентер