Чашата била направена од Минојците, една од првите напредни европски цивилизации, помеѓу 1700 и 1600 година пред нашата ера на грчкиот остров Крит.
Илјадници амфори за вино се откриени во рамките на археолошкиот локалитет на овој остров, а експертите веруваат дека тие биле направени само за една употреба, по што биле фрлани како денешни пластични чаши.
„Елитата го трошела своето богатство, правејќи големи слави, празници и фестивали. Луѓето се собирале во голем број и, како и денес, ретко кој сакал да ги мие сите тие садови “, вели Џулија Фарли, кустос на британскиот музеј.
Чашата за еднократна употреба ќе биде изложено на изложбата ,,Ѓубрето и ние” во Британскиот музеј со многу посовремени примероци производи за еднократна употреба кои покажале неверојатна издржливост - вклучително и хартиена чаша за топли пијалоци што се служеле на летовите и аеродромите во 90-тите години.
"Луѓето се изненадени што чашите за еднократна употреба не се изум на современото потрошувачко општество, туку биле направени пред илјадници години. Пред три и пол илјади години, Минојците ги користеле поради слична причина како и денес - да се служат пијалоци на забави. Единствената разлика е што керамиката денес е многу повреден материјал и нам ни е чудно што некој ја фрла по една употреба, но во тоа време тоа била како пластиката денес - многу достапна, лесно можела да се произведе и да се обликува “, објаснува Џулија Фарли.