Вежбите јужно од Кипар ќе вклучуваат два брода на италијанската и француската морнарица и кипарска поморска единица, објави денес државната телевизија РИК, повикувајќи се на Министерството за одбрана.
Причината за италијанско-француското воено присуство во источниот Медитеран е откривањето на резервите на природен гас јужно од Кипар. Италијанските и француските енергетски компании ЕНИ и Тотал се вклучени во истражувањето.
Снабдувањето со гас е во центарот на спорот меѓу Турција и Кипар.
Турција во областа започна со дупчење во јуни , што Кипар не го одобрува. ЕУ воведе санкции против Турција следниот месец. Анкара тврди дека нејзините активности се легитимни според меѓународното право, додека ЕУ ги смета за нелегални.
Експертите веруваат дека во околината на Кипар има околу 227 милијарди кубни метри природен гас.
Проблемот повторно ги разбуди старите тензии. Кипар е поделен остров од 1974 година на грчки јужен и на турски северен дел.