Македонија

Нови снимки за „Рекет” на „Јутјуб”: Има ГПС уред во рачката на торбата

Нови девет аудиоснимки повзани со случајот „Рекет” одекнаа на „Youtube”. На нив повторно се слуша глас кој наликува на бизнисменот Орце Камчев.

Во објавените записи може да се чујат нови детали кои го откриваат патот на Луј Витон торбата од еден милион евра, која според овие нови записи наводно имала GPS.

„Добро Боки навистина ли ги однесе парите таму бе? Тоа не смеам да го зборам, тоа е дел од истрага. Има џи-пи-ес, се има. У рачка, у металното. Је*ига. Му ги дал на него? Не знам куферот не е кај Заев.”

Истиот глас кој наликува на тој на бизнисменот Камчев во друга снимка на соговорникот му вели дека торбата била шетана и надвор од Македонија.

„Знаеш колку е исшетан тој куфер, колку е изнасниман? Кај идел тој куфер? Во Загреб, во Италија, во к**ови, па со Зоки биле во Милано заедно.”

Камчев инаку во петокот во изјава за медиумите по сведочењето негираше постоење на уред за следење во торбата.

Во една од снимките се слуша и наводна комуникација која според контекстот и досега познатите јавни податоци со случајот алудира дека била меѓу Камчев и премиерот Зоран Заев.

„Пишувам, те молам Зоки јави се. Не можам друже во гужва сум. Не треба да дадеме кај Вилма ништо. Во две деца ти се колнам, мислам дека ова не треба да го дадеме таму. Му го имам во документ, ќе ти го покажам. Друже мој, Македонија мора да стане правна држава, да идеш да си пријавип инаку ти ќе одговараш.“

Во снимките се споменуваат и документите од истрагата кои излегоа во јавноста кои ги покажа и лидерот на ВМРО ДПМНЕ на прес-конференција.

„Дали од кај Вилма? Таму кујзнае кој работи за ВМРО. Новата Вилма треба да биде некоја од тие. Може ги лапнала и ги дала на Мицко. И она е обвинителка утре. Сите на одмор се бе, кој сака може да влезе во компјутер.“

Дали овие снимки може да фрлат ново светло во овој случај засега не е познато, но обвинителството веќе има отворено случај. Ова е втор сет на објавени разговори, откако во претходните се слушаа закани дека ќе има крв до колена доколку не се постигне примирје. Премиерот Заев денеска рече дека презел мерки за претпазливост за неговото семејство.

Вчера за случајот Рекет сведочеше сопругата на бизнисменот Камчев, Ана Камчева, која рече дека во станот на Боки 13 во Орман во несесер однела 350.000 евра . Во станот отишла со Зоран Милевски, а таму, освен Боки 13 и девојката што работела кај него бил присутен и Сергеј Варошлија, кој во телефонски разговор за Канал 5 изјави:

„Немам што да Ви кажам. Мислам дека се тоа тешки глупости и немам ни коментар и ниту имам некаква врска со овој каков и да е случај.“

Судењето за случајот Рекет ќе продолжи со сослушување на нови сведоци на 25-ти декември.

Шоу биз

Поништена е пресудата за „холивудскиот предатор“, кој во 2020. беше осуден за силување

Судот во Њујорк ја поништи пресудата за силување на Харви Вајнштајн од 2020 година, наредувајќи ново судење.

Највисокиот државен суд утврдил дека судијата на судењето наводно „го оштетил поранешниот филмски магнат со неправилни пресуди, вклучително и одлуката да им се дозволи на жените да сведочат за наводи кои не биле дел од случајот“.

Пресудата на Апелациониот суд ќе значи дека веројатно повторно ќе се отвори болното поглавје во справувањето со сексуалното недолично однесување на моќните личности.

Сè започнало во 2017 година со „поплавата“ од обвиненија против Вајнштајн, а сега жените кои го обвинија за злоупотреба може да бидат принудени повторно да ја преживеат траумата, на говорницата за сведоци.

Да потсетиме дека во март 2020 година, Харви беше осуден на 23 години затвор во Њујорк, откако беше прогласен за виновен за принудување на една жена на орален секс и силување на друга жена.

Вајнстин беше прогласен за виновен за силување на актерката Џесика Ман и принудување на неговата поранешна асистентка Миријам Хејли на орален секс.

Тој беше обвинет дека користел моќ и влијание за да добие пристап до своите жртви и потоа извршил насилни злосторства против нив.

Ман го обвини Вајнстин за силување во март 2013 година, а Хејли дека ја принудил на орален секс во јули 2006 година и дека се обидел да ја силува додека имала менструација.

Вајнштајн потоа пристигнуваше во судницата во инвалидска количка.

Во јануари 2021 година американската судијка Мари Валрат одобри отштета од 17 милиони долари, кои компанијата на Харви Вајнстин требаше да им ги плати на жртвите на сексуалното вознемирување и силување извршени од познатиот продуцент, наречен „холивудски предатор“.

- Точно е дека судијката Мари Валрат на денешното рочиште го одобри планот за порамнување - изјави тогаш адвокатот Пол Зумбро.

Тој додаде дека се „задоволни од пресудата на судијката Валрат, особено ако се има предвид дека сега постои механизам кој им овозможува на жртвите да добијат паричен надомест за време на траењето на парницата“.

– Судијата одобри план за обештетување на жртвите за сексуално насилство извршено од Харви Вајнштајн во износ од 17 милиони долари – изјави Пол.

Исплатата од 17 милиони долари требаше да биде поделена на повеќе од 50 жртви, пишуваат светските медиуми, така што секој од нив поединечно треба да добие нешто повеќе од 500.000 долари.

Македонија

Честитки и поддршка за Сиљановска – Давкова од „Меѓународна демократска унија – IDU“

Честитки и поддршка за Сиљановска – Давкова од Меѓународната алијанса на центар – десно ориентираните партии – „Меѓународна демократска унија – IDU“.

Денеска, 25 март (четврток), благодарност за поддршката од Меѓународната демократска унија (International Democracy Union) – IDU изрази професорката Гордана Сиљановска-Давковка, истакнувајќи дека заедно со ВМРО-ДПМНЕ ќе продолжи и понатаму да се залага за гаранција за правата и слободите на граѓаните, за демократијата и за владеењето на правото.

Исто така од Меѓународната демократска унија (International Democracy Union) – IDU беа упатени честитки по повод победата на проф. д-р Гордана Сиљановска Давкова во првиот круг од Претседателските избори, со уште поголема поддршка за успех и во вториот круг.

Во јавно упатената поддршка до проф. д-р Гордана Сиљановска-Давкова на социјалната мрежа Х од 23 април 2024 година, непосредно пред одржувањето на првиот круг од Претседателските избори, се вели:

„Меѓународната демократска унија им посакува успех на ВМРО-ДПМНЕ и нивната кандидатка за претседател на државата, Проф. д-р Гордана Сиљановска-Давкова, во првиот круг од претстојните Претседателски избори. ВМРО-ДПМНЕ е секогаш непоколеблив промотор на центар-десничарските политики и на одговорното владеење во Македонија“ .

Меѓународната демократска унија – IDU е алијасна на центар – десно ориентираните партии со седиште во Минхен, која има за цел дијалог и поврзување меѓу десничарските партии во светот. ВМРО-ДПМНЕ е една од 87 политички партии кои членуваат во IDU, соопштуваат од тимот на Силјановска -Давкова.

Свет

Бизнисот не очекува нов ценовен бран по дестабилизација на цените на нафтата на светските берзи

За сега нема индикатори за нов ценовен бран – оценува бизнисот, по дестабилизацијата на цената на нафтата на светските берзи...

Дестабилизацијата на цената на нафтата на берзите не се очекува да предизвика нов ценовен бран во Македонија, смета извршниот директор на Стопанска комора, Антони Пешев. Според него и да има зголемување на вредноста на нафтата, тоа нема многу да влијае врз цената на храната во земјава. Причина за тоа се поразителните информации дека земјава изминативе години повеќе увезува храна, отколку што има домашно производство.

„За разлика од минатите бранови, ако конкретно ме прашувате за државните резерви во САД, кои се највисоко ниво. Тоа значи дека имаме една промена. Македонија одамна го следи ритамот на пазарите во светот. Ионака, храната се повеќе и повеќе доаѓа од надвор. Македонија има се помалку производство, а се повеќе увоз на храна. Ако се работи за увоз на храна, тогаш ние ќе ја делиме судбината со регионот. Мислам дека за оваа работа, новата Влада ќе треба да направи доста.“

Инаку, после Ковид кризата и воениот конфликт во Украина, цените на храната Македонија забрзано растат. Показател за тоа е што трошоците за живот на едно просечно семејство за само 4 месеци е зголемено за 50 евра. Тоа во реалноста значи дека на едно четиричлено семејство, да може најскромно да го „протурка“ месецот, сега му се потребни 60.000 денари.