Промовиран проектот „Ослободи го умот од корупција"

Здружението на граѓани Театар „БОЕМИ" ќе спроведе дванаесетмесечен проект за едукација на претставници на релевантни институции во земјата и избрани младински претставници за градење на правично и демократско општество без корупција.

Проектот „Ослободи го умот од корупција" ќе опфати 30 градови и ќе вклучува 70 претставници во секој град – 35 млади од средните училишта и факултети и 35 претставници на градските институции како судовите, полицијата, локалната самоуправа и граѓанскиот сектор.

Проектот е составен од интерактивна театарска претстава, документарен филм, истражување, научна студија и социјална мрежа за долгорочно суштинско надминување на корупцијата во нашата земја.

Од Здружението „Боеми" информираат дека ќе биде напишана драма и подготвена специјална театарска претстава, ќе се сними и објави документарен филм, ќе се спроведе истражување за подигнување на свеста за корупција и заклучоците ќе бидат објавени во книга – научна студија, а сите 2.100 учесници ќе станат членови на Националното Мрежа за подигнување на свеста за корупција.

– Според извештајот на UNODC, 10,8 отсто од граѓаните на возраст од 18 до 64 години биле изложени – директно или преку некој член на нивното семејство на искуство за поткуп на јавен службеник а со директно искуство за поткуп, процентот е 6,2 отсто од тие граѓани кои имаат контакт со јавната администрација и со оние кои барем еднаш плаќале мито на секои две месеци и тоа 6,4 отсто во градско и 5,8 отсто во руралните области. Поткупот во форма на пари претставува скоро половина (45 отсто) од сите форми на мито. Речиси една третина од платеното мито (32 отсто), всушност, го нудат самите граѓани, додека во скоро 50 отсто било платено како резултат на барање (https://www.unodc.org), соопштуваат од Здружението „Боеми". /МИА

Јанушев: Тргнуваме на терен, ВМРО ДПМНЕ пред вашиот дом, Мицкоски со граѓаните, ќе кажеме дека Македонија има шанса

Три години Зоран Заев и СДСМ владеат со лаги, измами и криминал. Три години граѓаните страдаат, а мафијата профитира.

Економијата е далеку од ветените 5% раст. Администрацијата е партизирана. Функционерите наместо да работат со нозете во вис го поминуваат работното време. Безбедноста на граѓаните е доведена под знак прашалник, криминалци се препукува по улиците и за тоа никој не одговараше. Откуп за земјоделските култури нема, а кога има цената е мала. Болниците се како во хорор филм, а студентските домови се нефункционални.

Зоран Заев и СДСМ наместо на развој се насочија на раскрчмување на државата. Се делат тендери и бизниси на фирми формирани непосредно пред да се распише јавниот повик.

Оваа власт ќе остане обележана по епидемијата на непотизам, грантовите на Фондот за иновации кои беа делени на лица блиски до власта, 35 милионскиот “крвав тендер” во здравството, сомнителната поделба на лиценците за возачки испитни центри, тендерите кои ги добиваше невенчаниот сопруг на Царовска, сомнителните бизниси на Анѓушев и Заеви, Леонардо, Сар Хемс, Рекет 1, 2 и 3 и редица други криминални афери.

Ветуваа правна држава, а го уништија системот. Судски пресуди се пишуваат по нарачка, а обвиненија се отвораа само со дозвола на Заеви. Заглавија патриоти во затвор, а убијци пуштија на слобода. 1200 криминалци наместо во затвор се на улиците и секојдневно ги тероризираат граѓаните на Република Македонија.

Ја клекнаа државата на колена. Ја убија надежта кај луѓето.

Граѓаните се иселуваат масовно, што поради нискиот стандард, што поради нефункционалната држава. Апатијата, криминалот и безредието мора да завршат. Тука сме. Имаме идеја и визија за обнова на Македонија, за ставање на државата на брза трака кон ЕУ. Македонија мора да биде просперитетна, Македонија мора да биде напредна.

Од понеделник, 20 јануари почнуваме со кампања ,,Обновата ПРЕД ВАШИОТ ДОМ”. Тимови на ВМРО-ДПМНЕ ќе ги посетат вашите домови, ќе ги посетиме сите населени места, села и градови. Ќе разговараме со секој еден од Вас. Заедно со вас ќе ја поразиме оваа криминално рекетарска банда на власт. Доаѓаме сега, но ќе дојдеме и по 12 април. Вие граѓаните сте причината за која работиме.

Понатаму потсетувам дека сите ОК на ВМРО-ДПМНЕ се отворени секој ден од 18-21 часот и сите граѓани можат да дојдат и да ни се приклучат.

Почнувајќи од викендот 25 и 26 јануари, тимови на ИК на ВМРО-ДПМНЕ почнуваат со посета на рурални средини, нема да има населено место од најмалото до најголемото, нема да има човек во Македонија што ќе остане непосетен.

Исто така претседателот на ВМРО ДПМНЕ Христијан Мицкоски ќе започне кампања „Мицкоски со граѓаните" , каде во овој период ќе ги посети градовите, ќе разговара со граѓаните, еснафот, бизнисмените, земјоделците. Ќе се погледнеме очи во очи со граѓаните, и ќе им се каже дека Македонија има и шанса и надеж и дека обновата доаѓа.

Тука сме до граѓаните. Заедно ќе победиме. За ова зло никогаш да не се повтори. Зоран Заев никогаш повеќе.

Заев и СДСМ се виновни за поразите, измамите и криминалите. На 12 април следува одговорност. Заев никогаш повеќе.

Прес-конференција на Игор Јанушев, генерален секретар на ВМРО-ДПМНЕ

Акција за вдомување кучиња во Куманово

Кумановци денеска на градскиот плоштад вдомуваа миленичиња во рамки на акцијата за вдомување која ја организира секторот за инспекциски надзор, ветеринарно-сточарскиот центар „Тодор Велков" и активисти и здруженија за грижа за животните.

<

Кучињата кои денеска им беа понудени на граѓаните се вакцинирани, стерилизирани,чипирани согласно Законот за благосостојба на животните. Организаторите велат дека има интерес меѓу граѓаните за вдомување.

– Акцијата за вдомување се организира во рамки на тендерот за заловување на кучиња скитници во кои е опфатено и вдомување на кучиња скитници. Кучињата кои денеска се нудат за вдомување се одбрани по мислење на доктор по ветерина од ветеринарно-сточарскиот центар, изјави комуналниот редар од општина Куманово, Гордан Таневски.

Активистката Марина Петковска повика граѓаните да вдомуваат кучиња и да подарат живот.

– Акцијата ја наменивме за овие мали бебиња кои се заловени. Се надеваме дека и оваа акција ќе помине успешно како и претходните две во изминатите години, изјави Петковска.

Таа ги повика сопствениците на миленичињата да не ги оставаат на улици и укажа дека е потребно да се стерилизираат, кастрираат и вакцинираат домашните миленици, со што ќе се намали бројот на улични кучиња.

Петковска немаше информации до каде е процесот за отварање стационар во Куманово.

Слободан Јовановски од Ранковце денеска вдоми кутре. Тој веќе се грижи за мачки и кучиња. Едното,вели, му било отруено,па затоа се одлучил да вдоми уште еден миленик.

Од јуни досега, откако е почнат годишниот тендер во Куманово заловени се околу 250 кучиња. Таневски апелираше до надлежните институции да помогнат во справувањето со проблемот со кучиња скитници. Тој појаснува дека се уште има несовесни граѓани кои ги пуштаат миленичињата на улица, а поголем проблем е што се пуштаат и кучиња од други општини.

– Имаме дојави од граѓани дека се внесуваат кучиња скитници од други општини што е финансиски проблем за општината. Сите општини имаат законска обврска да заловуваат кучиња. Имаме пријави и до МВР против непознати сторители, вели Таневски, додавајќи дека има пријави и од граѓани кои биле нападнати од кучиња скитници.

Од секторот за инспекциски надзор немаат повратна информација за угинатите кучиња кои лани беа пронајдени во вреќи расфрлани кај поранешната касарна во населбата „Карпош". /МИА

МЗШВ и МИОА со реакција за постапките на дополнителниот заменик министер за земјоделство Трипуновски

МЗШВ се оградува од постапките на Цветан Трипуновски.

По реакциите во јавноста за упадот на дополнителниот заменик министер од Министерството за земјоделство шумарство и водостопанство (МЗШВ) Цветан Трипуновски во Подрачната Единица Берово и снимањето на вработените со што беше нарушена нивната приватност и лични податоци, МЗШВ се оградува од постапките на истиот, реагира Министерството во соопштение.

Овие постапки, се вели во соопштението, не се пракса на функционирањето на МЗШВ туку се личен акт на Трипуновски со кој не се согласуваме и остро го осудуваме.

– Апелираме дополнителниот заменик министер во МЗШВ Цветан Трипуновски да се воздржи од вакви дејствија со кои се врши директно нарушување на имиџот на Министерството, наведуваат во соопштението.

И од Министерството за информатичко општество и администрација (МИОА) соопштија дека го осудуваат секој обид за злоупотреба и мобинг врз јавната администрација.

– Владата и МИОА, изминатите две и пол години посветено работат на тоа злоупотребите, партизацијата и мобингот врз јавната администрација да бидат дел од минатото. Дополнителните министри и заменици министри од опозицијата, во изминатите две недели, во континуитет се обидуваат нивниот начин за заплашување и ставање на администрацијата во партиски цели, повторно да го направат реалност, се вели во соопштението од МИОА.

Упадот во подрачната единица на МЗШВ од страна на дополнителниот заменик министер Цветан Трипуновски, како што посочија од Министерството, го осудуваме и повикуваме притисокот врз јавната администрација да остане во минатото. Во таа насока, наведуваат од МИОА, повторно ќе биде објавена алатката за пријавување на притисок на работно место.

– Ги повикуваме техничките кадри на ВМРО-ДПМНЕ да се ослободат од матрицата во која се заглавени и конечно да почнат да работат во служба на сите граѓаните. Нивна улога е да придонесат кон спроведување на фер и демократски избори и ги повикуваме да работат во согласност со нивните надлежности, стои во соопштението од МИОА. /МИА

притисни ентер