Видеото покажува снимка од паркинг во Министерството за здравство на Тајланд. Паркиралиштето е скоро празно и нема што да сугерира дека може да се случи нешто опасно, а камоли дека може да тргне наопаку. Потоа доаѓа кросоверот Toyota, модел C-HR кој се обидува да се паркира наназад.

Но, жената зад воланот малку се збунила во маневарот за паркирање или во обидот да го придвижи возилото директно напред и назад. Таа навистина го израмни автомобилот, но додека го префрли во Р, автомобилот заврши над амбисот на катната гаража. Автомобилот висеше од работ на зградата и буквално беше милиметар од моментот кога падна од 15 метри височина.

Според „Дејли меил“, автомобилот висел на работ околу една минута кога минувачите се стрчале и ја извлекле жената преку прозорецот. Жената подоцна изјави дека неодамна ја купила Тојотата и дека е навистина збунета при менување на менувачот, па случајно го префрлила во обратна насока. Автомобилот беше оштетен, но е избегната катастрофа.