Штипската болница од наредната недела ќе стартува со операции на Очното одделение

Штипската Клиничка болница од наредната недела ќе почне со операциите на очното одделение, информираше денеска директорот на Клиничката болница-Штип, Ален Ѓеорѓијев.

-Завршен е тендерот за леќи за очното одделение. Договорите се потпишани од моја страна и сите компании што го добија делот од договорот, ги потпишаа и се вратени назад. Останува уште една фирма, од која го чекаме потписот од договорот и веќе од другата недела може да се порачуваат материјалите и да почнат операциите, рече Ѓеорѓијев.

Тој истакна дека сите пациенти кои биле на листата за чекање ќе бидат оперирани од страна на лекарите специјалисти. Во меѓувреме болницата очекува и нова донација од позната компанија ДМ, која и лани донираше за оваа болница. Ѓеорѓијев вели дека средствата ќе се инвестираат во неопходни апарати.

-Ќе набавиме апарати, респиратори со кои ќе ги покриеме потребите на неколку одделенија. Тие ни се неопходни ќе добиеме за оперативните сали на хирургија, ортопедија, како и неколку подвижни мали аспиратори за одделението за анестезија и реанимација, како и за одделот за Оториноларингологија. Донацијата ќе чини околу 5.000 евра, вели Ѓеорѓијев./МИА

Фото: Кејт Мос позира со голи гради

Кејт Мос на плажа во Мајами позираше топлес и сите ги остави без здив.

Славната манекенка учествува во кампања за еден машки бренд и поради тоа носеше сако и ништо друго под него.

Во еден момент силниот ветар го симнал сакото од нејзе. Но Кејт тоа не ја збунило, таа и понатака во свој стил опуштено шетала и позирала на плажа.

Американецот Чеснут победи и на натпреварот во јадење морски ракчиња

По убедливите победи во јадење хот догови и јајца, американецот Џо Чеснут убедливо победи и во натпреварот во јадење морски ракчиња.

Големата вилица, како што го нарекоа неодамна медиумите, изеде четири и пол килограми коктели од ракчиња за осум минути.

Натпреварот се одржа во Минеаполис, каде тој победи и лани. Чеснут веќе држи неколку рекорди во слични необични категории. Тој пред неколку години изеде 74 хот дога за осум минути, а на друго натпреварување, за осум минути изеде 140 јајца.

60 илјади луѓе спиеја на отворено за поддршка на бездомниците

Повеќе од 60 илјади луѓе ноќта ја минаа под ведро небо, во рамките на глобалната хуманитарна кампања за поддршка на бездомниците.

Акцијата, наречена големо спиење на отворено, на која се очекува да се соберат 10 милиони долари, се одржа во 50-ина градови, меѓу кои и во Њујорк, Лондон и Даблон.

Илјадници луѓе, меѓу нив и славни личности, спиеја во вреќи за спиење на улиците и парковите со цел да ја подигнат свеста за помош на бездомниците. Меѓу учесниците во Њујорк, на нула степени Целзиусови се најде и актерот Вил Смит, а во Лондон се приклучи и актерката Хелен Мирен, која на учесниците им читаше приказни пред спиење.

притисни ентер