Фејсбук под притисок на сингапурските власти , смени статус на корисник

Фејсбук денеска соопшти дека објавил известување за корекција на статус на корисник на социјалната мрежа на барање на владата во Сингапур.

Од Фејсбук повикаа на одмерен пристап кон спроведување на новиот закон против лажни вести и за заштита на слободата на говорот.

„Фејсбук е под законска обврска да ве извести дека Владата на Сингапур тврди дека оваа објава содржи лажни информации“, се вели во известувањето.

Известувањето за корекцијата било ставено на дното на оригиналниот пост без никакви промени во текстот, но не може да се види од други корисници во и надвор од земјата.

Владата на Сингапур во петокот соопшти дека му наложила на „Фејсбук“ да објави корекција на статус од 23 ноември во кој се обвинува владата за апсења на свиркачи и изборни кражби, според новиот закон за „лажни вести“.

Владата на Сингапур тврди дека обвинувањата се „лажни“ и „навредливи“ и првично му нареди на корисникот Алекс Тан, кој го води блогот „State Times Review“, да објави корекција. Тан, кој не живее во Сингапур и тврди дека е австралиски државјанин, одби да го стори тоа, а властите велат дека сега за него се води истрага.

Актот за лажни вести стапи во сила во Сингапур минатиот месец, по две години подготовка.

„Бидејќи законот штотуку стапи на сила, се надеваме дека гаранциите на владата на Сингапур нема да влијаат на слободата на изразување, ќе доведат до одмерен и транспарентен пристап кон неговото спроведување“, се вели во Фејсбук.

Фејсбук претходно соопшти дека е „загрижен за аспектите на овој закон што и даваат широки овластувања на извршната власт на Сингапур да ги принуди да отстрануваат содржини што таа ги смета за лажни и да им ги пренесуваме известувањата од владата на корисниците“.

Сончево и топло до крајот на неделава со температури до 27 степени

Следува период на сончево и топло време со пораст на температурата кон викендот.

Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата, соопшти УХМР.

Минималните утрински температури ќе бидат во интервал од 4 до 12, а максималните дневни ќе достигнат до 27 степени.

Струмичката болница обезбеди модерна ендоскопска и лапароскопска опрема за хируршки зафати

Струмичката болница обезбеди и започна со работа со нова модерна ендоскопска и лапароскопска опрема за потребите на одделот хирургија, информираа од оваа здравствена установа.

Како што соопштија оттаму, со лапароскопска хирургија се овозможува полесен третман на пациентите со минимални инвазивни третмани, помал губиток на крв, помал ризик од инфекции, полесно заздравување и пократок престој на пациентите во болница за разлика од отворените хирушки интервенции.

-Тимот на хирурзи, хирурзи на абдоминална хирургија, во болницата веќе подолго време работат лапароскопски операции, а во наредниот период ќе се работи на проширување на експертизата, доедукација на лекарите во лапароскопска хирургија, како и во гинекологија за проширување на видот на оперативните третмани кои досега се работеа во нашата болница со класични отворени хирушки методи, велат од ЈЗУ „Општа болница Струмица“.

Инаку, лани се направени вкупно 1.400 операции, од кои околу 300 лапароскопски хирушки интервенции.

Видео: Мечка трчала низ улиците на град во Словачка, меѓу повредените има и девојче

Мечка трчала низ улиците на град во Словачка, меѓу повредените има и девојче. Видеото е од 17 март, а кафеавата мечка е убиена во синоќа во локалната шума.

Словачкиот министер за животна средина Томаш Тараба изјави дека е убиена кафената мечка која повреди пет лица во еден словачки град.

На социјалните мрежи се шири снимка од мечка која на 17 март трча низ улиците на еден словачки град.

На тамошните градски власти им беа потребни десет дена за да ја пронајдат мечката, која беше убиена во локалната шума во вторникот.

Според Тараба, владата на Словачка користела дронови за да ја пронајде мечката, пренесе Би-Би-Си. Се проценува дека мечката има три години и тежи околу 70 килограми. Повредени се пет лица, меѓу кои и десетгодишно девојче, а двајца со рани и гребаници се пренесени во болница.

притисни ентер