Филмот „Господ постои, името и е Петрунија" добитник на наградата „ЛУКС 2019" за филм на Европскиот парламент

Филмот „Господ постои името и е Петрунија" на Теона Митевска Стругар ја доби наградата „ЛУКС 2019" за филм на Европскиот парламент, која беше доделена на свечената церемонија во хемисиколот на Европскиот парламент, јавува дописникот на МИА од Стразбур

Прв пат откако е воведена наградата Лукс за филм на Европскиот парламент пред тринаесет години, македонски филм е добитник на оваа награда. Филмот „Господ постои, името и  е Петрунија" на Теона Стругар Митевска е копродукција меѓу Македонија, Словенија, Белгија, Хрватска и Франција.

Покрај „Господ постои, името и  е Петрунија" на Теона Стругар Митевска за наградата во финалната трка се најдоа се уште и  „Нерешениот предмет Хамарскјилд" на Мадс Бругер (Данска / Норвешка / Шведска / Белгија), и „Ел Реино" (Шпанија / Франција) од Родриго Сорогојен.

Инаку, годинава меѓу десетте филмови кои беа во селекцијата за наградата ЛУКС2019, од кои беа избрани трите финалисти, имаше уште еден македонски филм „Медена земја" на Љубомир Стефанов и Тамара Котевска, што само зборува за квалитетот на македонската филмска продукција.

Наградата од рацете на претседателот на Европскиот парламент Давид Сасоли ја прими, режисерката Теона Стругар Митевска во присуство на главната актерка која ја игра улогата на Петрунија Зорица Нушева и актерката и продуцент на филмот Лабина Митевска.

При добивањето на наградата Теона Стругар Митевска рече дека „Петрунија, благодарејќи на својата отпорност и храброст допре толку многу срца".

-Јас често сум критикувана во Македонија од политичарите, бидејќи сум многу политички, тоа е вистина бидејќи како автор сум заинтересирана за тоа што се случува во моето општество. Моја е должност да зборувам за проблемите за кои никој не се осмелува да зборува, рече таа.

Притоа, се обрати до европратениците барајќи да ги бранат правата на слобода и на збор на уметниците и авторите.

-Јас сум жена, јас сум Македонка, јас сум европјанка, иднината на Европа е во солидарноста во инклузијата, а не во ексклузијата, рече Стругар Митевска од говорницата на Европскиот парламент.

Претходно, заедно со екипите на уште двата други филмови-финалисти екипата на „Петрунија" учествуваше на семинарот на Наградата ЛУКС, во присуство на Олег Сенцов, режисер и добитник на наградата Сахаров 2018 за слободата на мислење, која му беше врачена вчера.

За Наградата „ЛУКС 2019"  гласаа европратениците, оние кои ги видоа филмовите, всушност тие се финалното жири за наградата, откако филмовите беа селектирани од филмски професионалци од земјите членки на ЕУ. 

Европскиот парламент ги покрива трошоците за титлување на трите финални филмови на 24 официјални јазици на ЕУ и изработува дигитална копија на филмовите за секоја од земјите-членки.

ЛУКС наградата за кино е посветена на промоција на европското кино и има за цел да го поддржи ширењето на европските продукции и да ја стимулира  дебатата на ниво на целиот континент за главните политички и општествени теми. Таа беше доделена прв пат во 2007 година. Победничкиот филм ќе биде адаптиран за лица со оштетен слух или оштетен вид и ќе добие дополнителна промоција./МИА

Во Виетнам обвинети седум лица за „камионот на смртта“

Во Виетнам се обвинети 7 лица во врска со смртта на 39 виетнамски мигранти чии тела беа пронајдени во камион во близина на Лондон во октомври.

Официјалната Виетнамска новинска агенција соопшти дека осомничените се обвинети за организирање и посредување во илегална емиграција.

Истрагата покажала дека обвинетите помогнале во тоа 67 луѓе легално да патуваат во европските земји заради работа.

Виетнамската полиција исто така ја повика владата да побара помош од Интерпол во издавање на меѓународна потерница за апсење на еден од осомничените кој живее во Кина, јавува новинската агенција.

Телата на 39 луѓе пронајдени се на 23 октомври минатата година во англискиот град Грејис, источно од Лондон.

Полицијата соопшти дека жртвите биле од Виетнам, на старост помеѓу 15 и 44 години.

Се верува дека жртвите, 31 маж и 8 жени, им платиле на криумчарите за илегално префрлање во Англија.

Полицијата соопшти дека мигрантите умреле од комбинација на недостаток на кислород и прегревање во затворен простор.

Неколку луѓе се обвинети и во Велика Британија за убиство или помагање во илегална имиграција.

„Камионот на смртта“, во кој се пронајдени 39 мртви на југот на Англија, предизвика огромно внимание во светската јавност во октомври минатата година.

Индонезиски студенти настрадаа во поплава на островот Јава

Најмалку шест мртви и шест исчезнат, тоа е билансот од ненадејното надоаѓање на вода од реката Семпор во провинцијата Јагјакарта, на индонезискиот остров Јава.

Ова го соопштија надлежните служби за борба против последици од елементарни непогоди во Индонезија.

Група од околу 250 студенти шетала на брегот на реката кога ги однела надојдената вода, пренесе „Ројтерс“.

„Оваа група студенти била во извидничка вежба по брегот на реката Симпор, немало никакви врнежи, но кога се приближиле до речното корито се појавил огромен бран на плима“, рекол претставникот од службата за борба против последиците од елементарни непогоди Агуса Вибовоа, пренесе „Ројтерс“.

Во извештајот на „АП“, меѓутоа се наведува дека билансон од несреќата на Јава е дури 10 загинати и повеќе повредени студенти.

Властите соопштија дека се спроведува заедничка спасувачка акција од страна на полицијата, службата за спасување и војската.

ВМРО-ДПМНЕ: Обвинителството се уште ги штити Зоран и Вице Заеви

ВМРО-ДПМНЕ објави факти на денот.

Факти на денот:

  1. Обвинителството и Судот молчат, не го повикуваат Зоран и Вице Заев на распит.
  2. Зоран Заев и Вице Заев молчат за што разговарале со Јанева и Милески.
  3. Безбедноста и животите на полицајците под ризик, Славјанка Петровска директно брифира по медиуми за акција на МВР.
  4. СДСМ и Заев го раскрчмуваат водниот фонд на државата, продажбата на Тиквешко езеро ќе донесе милиони за луѓе блиски на Заев.
  5. Шекеринска платила 150% повисока сума за механизација и проневериле над 250.000 евра.
  6. Македонија на 3-то место во светот по стапката на невработеност на млади од 15 до 24 години, според „ Економист“.

Центар за комуникации на ВМРО-ДПМНЕ

притисни ентер