Генералниот секретар на СДСМ , Николовски на средба со делегација на ЕУ во државава

Партиска делегација на СДСМ предводена од генералниот секретар Љупчо Николовски, оствари средба со делегација на ЕУ во земјава предводена од Елса Фанет,  Шефица на Дивизијата за Западен Балкан при Европската служба за надворешни акции .

Според соопштението на СДСМ, на средбата на која присуствуваше и меѓународниот секретар на СДСМ, Дане Талески, се разговараше за актуелните  политички случувања во земјата, процесот на реформи, но и за престојните предвремени парламентарни  избори.

Недобивањето на датум за преговори со ЕУ , предизвика големо разочарување кај граѓаните и огорченост. Тоа што ЕУ не успеа да донесе одлука за отворање преговори со нашата земја го оценивме како историска грешка. Особено што испорачавме се што беше потребно. Но тоа е одлука на Унијата, ние продолжуваме уште позасилено да работиме. Членството во ЕУ нема алтернатива, рече секретарот Николовски.

Николовски информираше за  новиот систем на работа и делување на СДСМ кој се постави во партијата, за секојденвите активности на терен, меѓу граѓаните, за постапката околу креирањето на нови политики и новата изборна програмата на партијата. СДСМ денеска е подготвена, мобилизирана, мотивирана и активна на сите нивоа, спремна да одговори на потребите на граѓаните.

На средбата се отвори и темата за владеење на правото, независноста на  судството како и застарувањето на случаи. Од страна на СДСМ беше истакнато дека токму незаинтересираноста и неподготвеноста на судството да решава случаи на висока корупција поврзани со криминалот на Никола Груевски и режимот ја создава сликата на недоверба во самиот судски систем .

Залагањата на СДСМ како партија се започнување на  постапка за целосен ветинг на сите судии, процес кој ќе започне веднаш по формирање на новата Влада предводена од СДСМ.

Нашите стратешки цели остануваат да бидат членството во НАТО кое го очекуваме во најскоро време и секако влезот во  ЕУ. Покрај овие стратешки цели економијата е таа на која што ставаме главен акцент,  преку реформите кои досега ги спроведуваме и даваат реални резултати, а бројките тоа го потврдуваат. –посочи Николовски.

Од делегацијата на ЕУ во РСМ, беше истакнато дека продолжуваат со поддршката на нашата земја во евроинтеграциите но и внатрешните реформи,како и спроведувањето на европските стандарди во институциите, во државата.

Русија го тестираше најмоќниот мразокршач на светот!!

Рускиот мразокршач „Артика“ на нуклеарен погон е најавен како најмоќниот брод од овој тип на светот. 

Бродот симбол на амбициите на Москва кон Северниот пол се врати во пристаништето во Санкт Петербург по дводневното пробно патување.

Овој моќен брод ќе биде наменет за транспорт на течениот природен гас од областите на Северниот пол. Бродот е долг 173 метри, висок 15 метри и има депласман од 14000 тони.

-Артика два дена беше во морето поради тестирања на алгоритамите за работа на уредите на бродот и маневрирањето, соопштил Мустафа Качка, директорот на „Атомфлот“ компанијата задолжена на руската флота на мразокршачи.

Иако има нуклеарен погон „Артика“ на ова дводневно патување користел дизел мотори.

Инаку, според зборовите на градителите овој моќен брод може да пробие лед дебел 2,8 метри.

Завршните тестирања на „Артика“ се закажани за март и април во 2020 година, а бродот се очекува да биде пуштен во употреба во мај во 2020 година.

Загадениот воздух ги затвори училиштата во Техеран

Иранските власти наредиле во недела да се затворат сите училишта во Техеран и повеќе градови низ земјата поради екстремно загадениот воздух.

Техеран веќе неколку дена е обвиен од сив дим, загадениот облак синоќа можел да се види да 20 километри оддалеченост од градот, пренесе Франс прес.

Гувернерот на провинцијата Техеран, Мохамед Тагхизадех донесе одлука за затворање на сите училишта во главниот град поради загадувањето на воздухот кое е штетно по здравјето на луѓето, информира иранската агенција Ирна.

Власта ги повика децата и повозрасните лица да останат во своите домови. Исто така не се препорачуваат спортски активности на отворено.

Мицкоски: Годината која ја најавуваа за економска е најтешката и најсиромашната за живот

Економијата тоне, оцени претседателот на ВМРО-ДПМНЕ, Христијан Мицкоски, кој додаде дека годината која била најавувана како економска е всушност најсиромашна и најтешка за живот. 

Лидерот на опозицијата денешната прес конференција ја посвети на економската политика на власта, со цел, како што вели, да ги разобличи лагите на Заев искажани на партиската трибина на СДСМ.

Увозот во вториот квартал е зголемен за 12% во споредба со лани, БДП е далеку од посакуваната бројка, за да се оствари енормниот буџет ќе фалат пари, обвини Мицкоски, кој спомена дека Заев потфрлил и со привлекувањето странски инвестиции.

 Одговарајќи на новинарско прашање, Мицкоски го повтори и предлогот за усвојување резолуција во Собранието, за заштита и потврдување на автентичноста на македонскиот јазик. Според него, Заев продолжува со капитулантски чекори, но јазикот не смее да се најде на маса на преговори.

Претседателот на опозициската партија заклучи дека од април граѓаните ќе видат што навистина значи нулта толеранција кон криминалот и корупцијата и најави економска политика во чиј фокус ќе се капиталните инвестиции и соодветното даночење на стопанството.

притисни ентер