Мицкоски: Зголемувањето на платите во образованието е задоцнето и премало

Почитувани наставници и професори, драги колеги и пријатели, вие сте луѓето коишто ја образуваат нашата нација и од мене ја имате целата почит.

Дозволете ми да ја разобличам лагата која Зоран Заев сака да ви ја сервира, лажно прикажувајќи дека наводно ќе ви ја зголемел платата, и тоа сака да го продаде како негова голема широкоградост.

Вистината е дека ова зголемување кое ви се ветува е ЗАДОЦНЕТО и ПРЕМАЛО!!!

А уште поголемата вистина е дека Заев наместо да даде, ви ОДЗЕМА од Вашите плати кои чесно ги заработувате и кои ви се гарантирани со Закон за минимална плата и Колективен договор во образованието!

Почитувани,

Согласно потпишаниот Колективен договор кој има сила на закон и законот за минимална плата на наставниците и професорите платата се пресметува како резултат на минималната плата која се исплаќа во државата помножена со коефециентот на сложеност за вашето работно место кој во моментот изнесува 2,533.

Поточно, ако знаеме дека согласно закон за минималната плата, минималната плата во државата изнесува 12.500 денари, и ако оваа сума се помножи со коефицинетот 2,533, ќе дојдеме до сумата од 31.660 денари, сума која треба да биде просечна плата во образованието, односно Ваша плата. Да повторам 31.660 денари! Доколку ако ја земеме најавата за нова минимална плата која треба да изнесува 14.500 денари, вашата плата согласно колективниот договор и законот за минимална плата треба да биде 36.800 денари, да повторам 36.800 денари.

Што прави Заев деновиве соочен со својот политички крај и извесен изборен пораз?

Тој се обидува да ви продаде лажна слика дека наводно ви ја зголемува платата со најавеното покачување од 10%.

Просечната плата во образованието која изнесува 23.680 денари, ветува дека ќе ја зголеми за 10% или апсолутно за 2.360 денари, и таа вашата просечна плата ќе достигне ниво од 26.000 денари. Доаѓаме до вистината, по закон просечната плата во образованието денеска треба да изнесува 31.662 денари или доколку постоечката минимална плата се зголеми на нивото од 14.500 денари тогаш по закон вашата плата треба да изнесува 36.800 денари, согласно најавата на новата минимална плата.

А, Заев дава 26.000 денари, Заев не ја зголемува вашата плата, Заев ви одзема од Вашата плата која ви е гарантирана со закон и колективниот договор во образованието.

Заев просечно ви одзема по 5.600 денари месечно согласно старата, односно речиси 11.000 денари согласно најавената минимална плата!!!

Тоа е срамот и тоа е Заев, човек кој говори измами и кој не ја почитува вистината!

Драги пријатели,

Ви ветувам дека по победата на претстојните избори од страна на ВМРО-ДПМНЕ, јас како предводник и човек на којшто вие сте му ја дале довербата,и ваш колега во образованието, во целост и комплетно ке го испочитувам колективниот договор и законот за минимална плата кој ви гарантира заслужена заработувачка!

Доаѓа Обнова на Македонија!

Доаѓа Обнова на Македонија за сите!

Обраќање на Христијан Мицкоски, претседател на ВМРО-ДПМНЕ

Фото: Вучиќ подготвува сарми

Српскиот претседател Александар Вучиќ им помогнал на вравботените во кујната на претседателството да подготват сарма.

Во паузата помеѓу состанокот со европските претставници и тимот за унапредување на животната средина, Вучиќ  денеска објави фотографија од кујната.

Им благодарам на прекрасните готвачи , на кои не им е тешко да работат и во сабота и што секогаш подготвуваат  најдобра храна за вработените и за нашите гости, напиша Вучиќ на Инстаграм.

Видео: Демонстранти пробале да влезат во театарот во кој бил Макрон

Учесниците на протестот против предложените реформи на пензискиот систем на француската влада се обидоа да влезат во театар, каде што претседателот Макрон гледал претстава.

Макрон во театарот во Париз бил со својата сопруга.

На снимките објавени на социјалните мрежи се слуша како демонстрантите го повикуваат Макрон да поднесе оставка и се гледа како во еден момент се обидуваат да влезат во театарот како францускиот претседател гледал претстава.

Како што пренесува „Ројтерс“, неименуван извор близок до Макрон потврдил дека имало обид за упад во театарот, но нагласил и дека претседателот и неговата сопруга останале до крајот на претставата и си заминале околу 22 часот со автомобил и полициска придружба.

Новинарот и политички активист Таха Бухаф, кој бил во театарот, објавил на Твитер дека претседателот се наоѓа таму.

Повеќе населби во Општина Гази Баба утре без вода

Без вода утре од 10 часот можно е да останат корисниците на Скопска ПИВАРА, дел од Булевар „Александар Македонски" и населбите Ченто, Маџари, Хиподром и Трубарево.

Од ЈП Водовод и канализација – Скопје информираат дека утре ќе се работи на уличен дефект од ф700 милиметри без затворање на вода на Бул. „Александар Македонски" бб ( ЕСТ – Када ) пред влезот на АСУЦ „Боро Петрушевски", но, нагласуваат дека,  доколку има потреба ќе се затвори водата од 10 часот се до завршување на дефектот./МИА

притисни ентер