Според американските медиуми, меѓу обвинетите е и Руди Џулијани, личниот адвокат на поранешниот претседател Доналд Трамп.

Во обвинението се вели дека имало заговор да се доделат гласовите на американскиот Изборен колеџ, кои се користат на секои четири години за избор на нов претседател, во корист на Доналд Трамп во таа држава, во која во 2020 година беше тесно победен од Џо Бајден. Јавниот обвинител на Аризона рече дека во случајот се вклучени 11 локални републиканци, како и седум други надвор од државата.

Според „Вашингтон пост“, меѓу седумте се поранешниот шеф на кабинетот на Доналд Трамп во Белата куќа, Марк Медоус, адвокатите Џена Елис и Џон Истман, советникот во кампањата Борис Епштајн и Руди Џулијани, поранешниот личен адвокат на Доналд Трамп.

Против поранешниот претседател не е покренато обвинение, но тој е наведен како необвинет соучесник, пишува Вашингтон пост.

Џо Бајден ја освои оваа југозападна држава со нешто повеќе од 10.000 гласови пред милијардерот, но многу претставници на Републиканската партија веруваа, без докази, дека имало измами и дека Доналд Трамп победил на изборите во Аризона.

Аризона стана четвртата американска држава, по Мичиген, Џорџија и Невада, која презема правни мерки против луѓето кои се обиделе да формираат алтернативна листа на претставници на Изборниот колеџ, која го одредува американскиот претседател. /МИА

- Се надевам дека граѓаните го користат својот глас за да ја обезбедат иднината на Македонија преку зголемени економски можности и зајакнати врски со САД и Европа, напиша сенаторот Велч на социјалната мрежа Х. Минатиот месец, демократскиот сенатор од Вермонт Питер Велч, заедно со демократската сенаторка од Њу Хемпшир Џин Шахин, и републиканските сенатори од Небраска и Северна Каролина Пит рикетс и Том Тилис, спонзорираа најнова резолуција во Сенатот, со која САД го поддржаа пристапувањето на Македонија во Европската Унија. Во резолуцијата, Сенатот ги повика претседателот и државниот секретар на САД, како и европските сојузници, да се залагаат за отворање на првиот преговарачки кластер на ЕУ со Македонија, без дополнителни билатерални услови.

Портпаролот на израелските одбранбени сили (ИДФ), Даниел Хагари, коментирајќи го видеото на израелско-американскиот заложник, Херш Голдберг-Полин, објавено од милитантната група Хамас, рече дека тоа е итен повик за акција и додаде дека израелската армијата нема да остави „камен на камен во напорите да ги пронајде заложниците“.

Хамас објави видео од 23-годишниот Херш Голдберг-Полин, американско-израелски младинец, кој славеше со своите пријатели на музичкиот фестивал Нова, кога Хамас на 7 октомври насилно и брутално го нападна и киднапираше.

-Хамас го држи Херш во Газа повеќе од 200 дена. Хамас продолжува да држи 133 заложници во Газа повеќе од 200 дена, во нехумани услови, рече Хагари во видео пораката.

Тој рече дека ИДФ ќе продолжи да го гони Хамас низ Газа додека не се ослободат заложниците, пишува „Тајмс оф Израел“.

- Ова е итен повик за акција. Ние нема да оставиме камен на камен во нашите напори да ги најдеме нашите заложници. Ова видео со психолошки тероризам не е само потсетување на она што го направи Хамас на 7 октомври, туку и колку е болна оваа терористичка група која ги тероризира заложниците и нивните семејства, рече портпаролот на ИДФ.

Палестинското милитантно движење Хамас вчера објави видео на кое е прикажан Херш Голдберг-Полин.

Краткиот, недатиран клип покажува дека на 23-годишното момче му недостасува потколеница, но инаку изгледа здраво. Во видео-порака, тој рече дека претрпел сериозни повреди за време на нападот на 7 октомври, откако се обидел да го искористи своето тело како штит за да се заштити себеси и другите исплашени цивили, пренесуваат британските медиуми. /МИА