27 – годишен австралиски боксер почина среде тренинг, зад себе остави три ќерки

Не помина ниту еден месец откако американскиот боксер Патрик Деј почина како резултат на повреда на мозокот во натпревар со Чарлсон Конвел, светот на боксот е потресен од уште една трагедија.

27-годишниот Австралиец Двајт Ричи го загуби животот. Тој тренирал со својот спаринг партнер Мајкл Зераф во Мелбурн, а откако добил удар во стомакот, отишол во агол и починал.

Ричи доби 23 од вкупно 25 борби во кариерата, но неговите први четири последователни победи беа поништени затоа што бил малолетен. Тој беше австралиски и азиски шампион во суперлигашка категорија според верзијата на ИБФ, но по неговата последна борба пред три месеци ја загуби таа титула против Тим Чу, кој му зададе втор пораз во кариерата.

Тој се подготвувал да се бори против Томи Браун следниот месец.

Ричи остави зад себе три ќерки , а неговиот прв клуб, Team Ellis Boxing, започна кампања за собирање финансирање средства за да им помогнат на неговите деца.

Ричи беше Абориџин и вечеше дека боксот е заслужен за да води нормален живот надвор од криминалот, велејќи дека едно време сигурно ќе завршел во затвор ако не се посветил на спортот.

Иако истражувањата покажаа дека бројот на смртни случаи во боксот е во опаѓање и има поопасни спортови, многу е загрижувачки што Ричи е веќе петтиот боксер што го загуби животот од летото наваму.

Хјундаи во наредните три години ќе инвестира 47 милијарди евра, пред сѐ за електрични возила

Компанијата Хјундаи денеска објави дека ќе инвестира 68 трилиони вони (околу 47 милијарди евра) во текот на три години во Јужна Кореја, главно за да го зголеми производството на електрични возила (ЕВ) и да вработи 80.000 нови работници во секторот.

Јужнокорејската компанија наведува дека повеќе од половина од таа инвестиција ќе биде наменета за електрични возила, односно за нова истражувачка и развојна инфраструктура, како и производствени линии, пренесе Ројтерс.

Агенцијата забележува дека зголемувањето на инвестициите се случува во време кога другите етаблирани производители на автомобили го намалуваат производството.

Главниот оперативен директор на Hyundai, Хозе Муњоз, на саемот за автомобили во Њујорк најави дека бројот на електрични возила ќе се удвои.

„Многу сме посветени на пазарот на Соединетите Американски Држави“, истакна тој.

Hyundai во ноември објави дека инвестира 11,6 милијарди евра во нови посебни капацитети за производство на електрични возила и батерии во Грузија, што е најголема инвестиција надвор од Јужна Кореја.

Додека јужнокорејската компанија ги зголемува инвестициите во електрични возила, конкурентските производители на автомобили планираат да го намалат производството на ЕВ и да го префрлат капиталот главно на хибридни модели.

Руски воен авион се урна во близина на Крим

Руски воен авион денеска се урна во морето во близина на кримското пристаниште Севастопол, изјави гувернерот на регионот назначен од Русија.

„Пилотот безбедно се катапултирал и бил спасен. Цивилни објекти не се оштетени“, изјави гувернерот на Севастопол, Михаил Развозаев, пренесува Ројтерс.

Претходно руските канали Телеграм објавија дека руски борбен авион Су-35 се урнал во близина на Севастопол.

Не е јасно како дошло до инцидентот.

Таравари на панел дискусијата за интеграција на лицата со попреченост

Претседателот на Алијансата за Албанците и кандидат за претседател од коалицијата ВРЕДИ, Арбен Таравари, заедно со претседателот на Движењето Беса, Билал Касами, учествуваа на важна панел дискусија .

Претседателот на Алијансата за Албанците и кандидат за претседател од коалицијата ВРЕДИ, Арбен Таравари, заедно со претседателот на Движењето Беса, Билал Касами, учествуваа на важна панел дискусија за интеграцијата на лицата со попреченост во општеството.

На панел дискусијата се разговараше за потребите и барањата на оваа значајна категорија.

Темата за интеграција на лицата со попреченост во општеството е многу важно прашање за кое е важно да се има широка свест и соработка на општествено и политичко ниво, а учеството на Таравари на овој панел ја покажува неговата посветеност да се справи со проблемите со кои се соочуваат оваа категорија лица и да се промовира поинклузивно и еднакво општество за сите.

Покрај дискусијата за потребите и барањата на лицата со попреченост, важно е оваа дискусија да води кон конкретни акции и политики ориентирани кон нивна поддршка, се наведува во соопштението.

притисни ентер