Вучиќ за влезот на Србија во ЕУ : Не молиме никого , кажете дали не сакате или не

„Не молиме никого за ништо, туку бараме јасен пат. Кажете ни дали не сакате или не, бидете јасни ',рече српскиот претседател Александар Вучиќ на самитот во Женава пред дел од лидерите на земјите од ЕУ.

Земјите од Западен Балкан се надеваат од претседателството на Хрватска во Советот на ЕУ да добијат позитивен одговор од Европскиот совет за почеток на преговорите за пристапување на Македонија и Албанија на самитот во Загреб во мај, беше речено денеска на самитот во Женева за европски перспективи на земјите од Југоисточна Европа.

Самитот на Светскиот економски форум (ВЕФ) ги собра шефовите на држави и влади и министрите од Албанија, Австрија, Босна и Херцеговина, Бугарија, Црна Гора, Франција, Грција, Италија, Косово, Унгарија, Македонија, Словачка, Словенија, Србија и Турција.

Од почетокот на преговорите со ЕУ, на почетокот на 2014 година, Србија отворила 17 поглавја, последно за финансиските услуги во јуни годинава.

Еден од условите за пристапување на Србија во ЕУ е нормализирање на односите со Косово. Брисел ја повика Приштина да ги укине давачките за стоките од Србија, а Белград да обезбеди атмосфера за континуиран дијалог.

Српскиот претседател Александар Вучиќ рече дека Србија не е „оптимистичка“ како Македонија и Албанија, но сака јасен одговор.

„Не молиме никого за ништо, туку бараме јасен пат кон иднината. Кажете ни дали не сакате или не, бидете јасни “, изјави Вучиќ, додавајќи дека се надева на одговор на самитот во Загреб.

Мексико му го одобри барањето за азил на Ево Моралес

Мексико му го одобри барањето за азил на поранешниот претседател на Боливија Ево Моралес , изјави синоќа мексиканскиот министер за надворешни работи Марсело Ебрард.

„Веднаш ќе го информираме министерството за надворешни работи на Боливија дека, според меѓународното право, мора да му овозможи на Моралес слободно да излезе од земјата“, порача Ебрард.

Ево Моралес кој ноќта ја мина спиејќи во импровизиран шатор на отворено небо е првиот домородец претседател на Боливија, тој поднесе оставка откако на тоа го повика војската по повеќенеделни протести поради спорните резултати на претседателските избори.

СДСМ: Го враќаме достоинството на здравствените работници, рекордно покачување до 40 отсто на платите на лекарите

Платите на здравствените работници и соработници од февруари 2020 година рекордно ќе се зголемат,  СДСМ, како одговрна партија, останува доследна на своите ветувања да го врати достоинството на здравствените работници.

По постигнатиот договор, платите на лекарите специјалисти се зголемуваат за 25%, а на медицинските сестри за 10%. Кумулативно заедно со сите други зголемувања од 2018-та наваму, основната плата на лекарот специјалист ја зголемивме за 40%, а на медицинските сестри помеѓу 20 и 23%"

 Платата на лекар специјалист наставник или обичен специјалист, во Клиничкиот Центар на Хируршките Клиники и на Интерните Клиники, со новото покачување ќе достигне, но на некои и ќе надмине 100.000 денари.

Просекот на платата на лекар специјалист во општите болници ќе биде некаде помеѓу 85 и 88.000 денари, заедно со дежурствата и согласно бројот на дежурствата, може многу лесно да достигне и до 100.000 денари.

Во текот на следната година предмет на дискусија ќе биде зголемување на болничко-техничкиот персонал и  администрацијата која работи во здравството.

СДСМ со оваа мерка го враќа достоинството на здравствените работници и ќе продолжи и понатаму да работи, не само во однос на зголемувањето на платите, туку и за подобрување на условите во коишто работи здравствениот персонал, затоа што само задоволни и добро стимулирани финансиски здравствени работници, значи задоволни и добро третирани пациенти.

Скопје, 12 ноември 2019

СДСМ

Центар за комуникации со јавноста

Аеродром доделува 10.000 денари за млади талентирани спортисти

Општина Аеродром доделува по 10.000 денари за млади талентирани спортисти.

 Целта на оваа мерка е да им се помогне на младите да ги остварат свoите амбиции и да се поттикне развојот на спортот во Општината, со што директно ќе се вратат парите кај граѓаните.

Мерката е наменета за лица до 28 години, кои не остваруваат приходи од спортот, а се истакнале со досегашните постигнати резултати.

Огласот за пријавување трае 10 дена, заклучно со 21 ноември. 

притисни ентер