Сексуалното образование ќе стартува во четири училишта

Тинејџерите се порано го имаат својот прв сексуален однос. 

Токму ова е главната причина зошто по примерот на Европските развиени земји е потребна сексуална едукација на младата популација. И невладините организации кои се занимаваат со оваа проблематика се на став дека децата треба да добијат соодветна сексуална едукација веќе во основно училиште.

Само на тој начин ќе знаат како да се заштитат себе и својот партнер од сексуално преносливи болести и несакана бременост.

Предавањата пробно ќе се воведат во четири училишта, а предметот ќе биде изборен, со обид да се опфатат сите етнички заедници, а предавања ќе се одржуваат во урбани и во рурални средини низ државата.

Предавањата треба да започнат веќе од следната година, од страна на професори кои ќе ја поминат соодветна обука.

Предвидено е да бидат опфатени сите аспекти на сексуално образование, децата ќе можат да научат како да се заштитат себеси, да избегнат несакана бременост, да се заштитат од сексуално насилство, па дури и да научат како да се носат со стереотипите кои се присутни во општеството.

Социјалдемократите победија во Хамбург, ултрадесницата не го помина прагот

Социјалдемократската партија на Германија (СПД) победи на локалните избори во градот Хамбург, а за прв пат во последните неколку години популистичката десничарска Алтернатива за Германија (АфД) не успеа да го помине изборниот праг.

Според првите официјални нецелосни резултати, СПД освои 37,6, Зелените 25,5, Христијанско демократската унија (ЦДУ) 11,4 и Левичарската партија 9,1 отсто.

Либерално-демократската партија на Германија (ФДП) освои пет проценти од гласовите и најверојатно повторно ќе влезе во парламентот во Хамбург, а АфД не го премина изборниот праг со 4,7 проценти.

Ова е првпат во последниве години, популистичката десничарска АфД да не го мине изборниот праг на ниту еден од изборите во Германија и со тоа мора за прв пат да го напушти парламентот.

„Ова е прекрасна вечер. СПД победи, затоа што ние во Хамбург јасно се фокусиравме на нашите задачи и граѓаните ги препознаа“, рече кандидатот на СПД на изборите во Хамбург и актуелниот градоначалник на градот-федерација Питер Центшер и покрај фактот дека социјалдемократите изгубија осум проценти од гласовите во однос на последните избори.

Во Ирак убиен демонстрант , најмалку седуммина повредени

На денешните протести во Ирак е убиен еден демонстрант , а најмалку седуммина се повредени.

Ирачките безбедносни сили денеска убиле едно лице, а повредени се најмалку седуммина кога отвориле оган врз демонстрантите во Багдад, соопштија безбедносни и медицински извори.

Ирак се соочува со криза во земјата, со скоро 500 убиени лица во антивладините протести , што почнаа од 1-ви октомври минатата година.

На карневал во Хрватска запалени кукли на истополова двојка со дете (ВИДЕО)

За време на традиционалната карневалска поворка во хрватскиот град Имотски, каде граѓаните маскирани се шетаа низ градот, биле запалени кукли од истополова двојка со дете.

Според хрватски Индекс, фотографијата на опозицискиот пратеник на Социјалдемократската партија (СДП), Ненад Стазиќ, била ставена на куклата на детето и е нацртана црвена sвезда петокрака.

Во поворката имало многу деца кои гледале како се палат куклите.

Ова не е првпат хомосексуална двојка  да биде запалена на карневал во Хрватска.

Пред две години, на карневалот во Каштел, пред неколку стотици родители и деца, беше запалена сликовница со две мајки и двајца татковци.

притисни ентер