Една од три жени умира од кардиоваскуларни заболувања, се спроведува акција за превентивни прегледи

 Во пораст е бројот на жени, особено на помлада возраст, кои имаат кардиоваскуларни заболувања. Една од три жени умира од кардиоваскуларни заболувања.

Во насока на подигнување на свесноста за чести превентивни кардиоваскуларни прегледи и кардиоваскуларен скрининг се спроведува акцијата „Црвен аларм за женското срцево здравје" во рамки на која на Универзитетската клиника за кардиологија се вршат прегледи и од 15 прегледани жени една веднаш е задржана на Клиниката, а кај пет биле откриени висок притисок и зголемени маснотии во крвта.

Ова денеска на Клиниката за кардиологија го истакнаа сопругата на претседателот на државата, Елизабета Ѓоргиевска и директорот на таа јавна здравствена установа, Жан Зимбаков.

Ѓоргиевска денеска на Клиниката се вклучи во акцијата заедно со сопругите на амбасадорите на Катар, Бугарија, Унгарија, Украина, Италија, Нада ал Саади, Билјана Ангелова, Сузана Диксне, Наталија Задорожњук, Де Фуриа Ромео, како и сопругата на евроамбасадорот Самуел Жбогар, Маја Жбогар, на кои им беа извршени прегледи.

– Акцијата ќе трае до 1 февруари. Би сакала да апелирам жените на која било возраст да отидат во нивните семејни амбуланти и да извршат скрининг, односно проценка на ризикот за појава на кардиоваскуларни заболувања. За жал, иако сметаме дека карциномот на дојката е еден од најголемите убијци на жените, смртноста од кардиоваскуларни проблеми е драстично поголема. Ако смртноста од карцином на дојка е еден спрема 31, смртноста од кардиоваскуларните заболувања е еден спрема три. Затоа би ги замолила сите жени кои можат да отидат кај општите лекари, рече Ѓоргиевска.

Посочи дека во моментов акцијата се спроведува во регионот на Скопје и околината и ако се процени дека има потреба, таа може да се прошири во цела држава.

– Веќе има ефекти од кампањата. Досега се направени прегледи на 15 жени од кои кај една е најден голем ризичен фактор и е хоспитализирана, а дополнителните прегледи се закажани во наредните недели, додаде Ѓоргиевска.

Директорот на Клиниката, Зимбаков рече дека од 15-те млади жени на кои им се извршени прегледи кај пет се најдени мајорни ризик фактори со препорака за медикаментозен третман.

– Има голема заинтересираност, ќе ја продолжиме акцијата и со поконкретни резултати ќе излеземе по неколку месеци. Кардиоваскуларните заболувања се осум пати поголема причина за смртност кај женската популација отколку карциномот на дојка. Ја организиравме акцијата со цел да ја подигнеме свеста за кардиоваскуларните болести кај жените. Нашата препорака е физичка активност, намалување на телесната тежина, внесување соодветна исхрана…Еден од факторите за кардиоваскуларни заболувања е и стресот, додаде д-р Зимбаков.

Освен на Клиниката за кардиологија, прегледи и разговори за ризиците од ова заболување претходно беа извршени и во ПЗУ Вита Катерина во општината Сарај, која е вклучена во акцијата. 

Избрани петте естетски најуспешни автомобили на деценијата

Кога станува збор за естетиката , не може да се донесе прецизна оценка , се додека не се употреби и науката.

Токму тоа го направи британскиот Carwow , кој одлучи да го примени златното правило за естетика врз автомобилите. Математички базираниот структурен термин се користи во уметноста со векови, и едноставно кажано, тоа е начин да се одреди естетска вредност со делител од приближно 1,6 што е златниот број на убавина.

Доколку се примени овој закон, во кој помалиот дел кон  поголемиот се однесува како поголемиот према целината, се добива неочекувана листа. Најубавиот автомобил во изминатата деценија е малиот Смарт, бидејќи златното правило за убавина го исполни со 98,83%.

Во топ 5 се рангирани и  Volkswagen Up! (98,62%), Opel Mokka (98,57%), Тоyota Corolla (98,56%) и Nisan Micra (98,55%). Ако се прашувате каде се супер автомобилите на Lamborghini, знајте дека се на дното, некаде околу 500-тo место . Најгрдиот автомобил на ова тестирање е Ford Fiesta ST на 626.  место со само 34,31% поклопување со  древното правило за убавина .

Разделба на ќерката од таткото , осуден на затвор поради три кубика дрва

Денеска на социјалните мрежи ворегионот се шири фотографија на која се разделува татко и неговата ќеркичка , затоа што тој оди во затвор.

Станува збор за Босанецот Фикрет Дедиќ , кој оди на отслужување шестмесечна казна затвор , зашто исекол три кубика дрва од државна шума.

Неговата сопруга Рамиза вели дека тој сечел дрва во шумата зашто немаат пари , а треба да се згрее скромниот дом , каде живеат со три деца . Таа вели дека по објавувањето на фотографијата на Фејсбук , почнале да доаѓаат хумани луѓе за да им нудат помош.

Ни Фикрет ниту Рамиза немаат работа ,а работат сезонски за да го прехранат семејството. Неговиот пријател во објавата на фејсбук објави дека Фикрет не сакал да краде од продавница или од луѓе , туку отишол во државна шума , ги исекол дрвата и ги пренел до дома на грб.

Сите нови автомобили ќе мора да задолжително да имаат пет системи

Земјите-членки на ЕУ конечно се согласија за промени во новите автомобили и комбиња и нивната опрема за безбедност.

Почнувајќи од 2022 година, сите нови возила на продажба во ЕУ, ќе имаат приклучок Алколок, црна кутија, автоматски систем за сопирање и систем за предупредување за менување лента (освен ако не се вклучени индикаторите за вртење).

Исто така, дизајнерите на сите нови автомобили и комбиња ќе треба да понудат форма за предниот дел на возилото, што ќе го намали ризикот од повреди на пешаците и велосипедистите при судир.

Алколок ќе обезбеди опција за оние кои биле казнети поради возење под дејство на алкохол , задолжително да направат алкотњест пред да го стартуваат автомобилот, а во спротивност , се вклучува систем , што не му дозволува на автомобилот да тргне.

Доколку возачот има  недозволено количество алкохол, нема да можат да го стартуваат моторот на возилото.

Што се однесува до црната кутија, таа ќе ги сними податоците за телеметрија пред, за време и по сообраќајна несреќа.

притисни ентер