Регион

Црногорскиот министер за туризам поднесе оставка поради корупција

Министерот за одржлив развој и туризам на Црна Гора, Павле Радуловиќ, денеска поднесе оставка, еден ден откако телевизијата „Вијести“ објави снимка од двајца градежни инспектори кои земаат мито во неговото министерство.

Ова е прв пат министер од таа земја да поднесе оставка поради корупција.

„Никој не ми рече да си дадам оставка. Тоа е резултат на моите лични размислувања за бизнисот. Етиката мора да постои во бизнисот и во владата“, изјави Радуловиќ на прес-конференција.

На видеото се прикажани две лица лица кои разговараат за мито од неколку илјади евра за да му овозможат на еден претприемач да продолжи со изградба на зграда во Будва, иако му е истечена лиценцата.

На видеото се гледа како инспекторот прашува: "Дали ги донесе?"

„Вие побаравте 20 000 евра“, одговара претприемачот.

"Јас ви дадов 5000 минатиот пат, позајмив 5000. Верувајте ,немам повеќе."

Министерот кој се приклучи во владата во 2016 година, изјави пред новинарите дека е покрената дисциплинска постапка против двајцата инспектори уште пред да биде објавена снимката.

„Не успеав да го искоренам ваквото однесување. Утрово покренав нова постапка против нив и се надевам дека ќе биде поуспешна од претходните“, рече Радуловиќ, додавајќи дека инспекторите биле отпуштени од работа.

Свет

Галант: Половина од командантите на Хезболах загинале од 7 октомври

Израелскиот министер за одбрана Јоав Галант тврди дека од 7 октомври 2023 година во израелските напади се убиени половина од командантите на Хезболах во јужен Либан, додека добар дел од нив сега ги напуштаат своите позиции.

„Нашата главна цел беше и останува да создадеме поинаква безбедносна ситуација овде (во близина на сината линија која ја повлекоа Обединетите нации) и дека жителите на северен Израел можат безбедно да се вратат во своите домови. Во овој поглед, разгледуваме неколку решенија“, изјави Галант. /МИА

Свет

ЕУ бара независна истрага за масовните гробници во болниците во Газа

ЕУ денеска објави дека бара „независна“ истрага за масовните гробници во близина на двете главни болници во Појасот Газа.

„Бараме независна истрага за сомнежите и околностите на тоа откритие, бидејќи тоа создава впечаток дека можело да има прекршување на човековите права“, рече Петер Стано, портпарол на Европската служба за надворешни работи (ЕЕАС).

ОН вчера повика на независна истрага за масовните гробници откриени во двете главни болници во Појасот Газа.

Во изјавата, високиот комесар на ОН за човекови права Фолкер Турк рече дека е „ужасен“ од уништувањето на најголемата болница во Газа, болницата Ал Шифа и медицинскиот комплекс Насер во Кан Јунис, како и од откривањето на масовните гробници до нив.

Израелската армија негираше каква било одговорност и рече дека е „неосновано верување“ дека ги закопала телата на Палестинците.

Претставник на цивилната одбрана во Појасот Газа вчера изјави дека неговите тимови во саботата откриле тела на 340 луѓе во масовни гробници во кругот на болницата „Насер“. /МИА

Живот

Повеќе од 280 милиони луѓе се соочиле со акутен глад минатата година, покажува извештај на ФАО

 Над 280 милиони луѓе во 59-те земји во светот каде кризата со храна е најтешка, се соочиле со акутен глад минатата година, покажува извештајот на Организацијата за храна и земјоделство на Обединетите нации (ФАО).

Се забележува дека иако вкупниот удел на луѓето во светската популација кои се соочуваат со голем недостиг на храна во 2023 година беше малку помал отколку во 2022 година, тој остана над нивото пред пандемијата.

Во него се нагласува дека процентот на луѓе кои се соочуваат од акутен глад останува висок, а главни фактори зад овој тренд се воените конфликти, екстремните временски услови и економските шокови, кои продолжуваат да го загрозуваат одржливиот развој на светот.

Организацијата за храна и земјоделство на Обединетите нации предупредува дека влошувањето на ситуацијата во светот како резултат на овие фактори претставува сериозна закана за глобалната безбедност на храната во тековната 2024 година.

Извештајот на ОН ги става Авганистан, ДР Конго, Нигерија, Судан и Етиопија во првите пет земји погодени со најакутна криза со храна. /МИА

притисни ентер