Забава

Италијанските медиуми откриваат како 69- годишниот Бријаторе ја освоил 20- годишната студентка

Поранешниот шеф на Рено во Формула 1 , 69- годишниот Флавио Бриаторе е во врска со 20 годишна студентка по право.

Бриаторе е во врска со речиси 50 години помладата Бенедета Боси , која студира право во Милано.

Девојката не е дел од светот на шоубизнисот и за многумина беше чудно да ја гледаат и да ја следат на Инстаграм.

Уште откако италијанските таблоиди објавија дека Бријаторе е виден со убава студентка, нејзиниот профил на Инстаграм експлодира преку ноќ. Имаше околу три илјади следбеници, а сега тој број веќе надмина 15 илјади и сè уште расте, иако италијанскиот профил е заклучен за јавноста.

Италијанските медиуми објавија дека Бријаторе, познат по своите врски со помладите модели (Наоми Кембел, Хајди Клум ...) ја освоил девојката.

Според нив, кратко време откако се запознале, Бријаторе ја поканил на вечера во неговиот дом во Монте Карло. Тој испратил автомобил да ја донесе од Милано и прво ја однел во ресторан, а потоа, наводно, заедно отишле кај него на десерт.

Двојката потоа ја однел со приватен авион во Рим, каде ја минале ноќта во хотел со 5 ѕвезди. Тие биле видени како вечераат во јапонски ресторан, а следното утро се упатиле кон Кенија, каде милијардерот има луксузен имот.

Италијанските медиуми исто така пишуваат дека не е познато колку е сериозна нивната врска, со оглед дека нема фотографии , освен од нивниот бакнеж.

Македонија

МОН: Наставата од деновите на гласање ќе се надомести во работни денови

Министерството за образование и наука информира дека наставата од деновите на гласање, 24 април и 8 мај, како и од 30 ноември кога беше организиран Самитот на ОБСЕ во Скопје, наместо во саботи, ќе се надомести во работни денови.

Дополнувањето на нереализираните наставни часови ќе го планираат и организираат директорите на училиштата и ќе се реализира со подолг престој на учениците во денови од работната недела, во рамки на шестчасовното работно време на наставниците.

Потсетуваме дека наставната година за учениците од средните училишта трае до 10 јуни, додека за учениците од основните училишта до 17 јуни и потребно е да го зачуваме најдобриот интерес на учениците, а тоа подразбира тие во целост и квалитетно да ја совладаат предвидената наставна материја.

Министерство за образование и наука

Свет

Четворица млади Германци се уапсени, додека полагале бели рози во куќата на Хитлер

Четворица Германци биле фатени како положуваат бели рози во куќата во која е роден нацистичкиот лидер Адолф Хитлер во западна Австрија на неговиот роденденот, а една жена меѓу нив го извела нацистичкиот поздрав додека се фотографирала.

Полицијата во провинцијата Горна Австрија соопштила дека четворица Германци, две сестри и нивните партнери, на возраст од 20-ти и раните 30-ти, отишле во зградата во саботата за да положат бели рози во прозорците, објави Политико.

Тие се фотографирале пред куќата, а една од жените го извела нацистичкиот поздрав. Патролните службеници ја забележале групата и ги однеле во полициска станица на распит.

Жената рекла дека не била сериозна во врска со поздравот, но полицајците изјавиле дека нашле разговор со други на нејзиниот мобилен телефон, во кој споделувале пораки и слики со нацистички теми.

Полицијата соопшти дека ќе ги пријави сите четворица пред обвинителството поради сомневање дека го прекршиле австрискиот закон за забрана на нацистички симболи.

Хитлер е роден на 20 април 1889 година во Браунау ам Ин.

По долги расправии за иднината на куќата во која е роден, минатата година почна да се работи за нејзино претворање во полициска станица, што требало да ги одврати оние кои го величаат Хитлер и имаат намера да ја посетат.

Живот

Венеција почнува да наплаќа влезници за еднодневните посети

Од четврток, Вeнеција ќе почне да им наплаќа влез во градот на еднодневните патници, што е прв ваков случај во светот.

Градското собрание на Венеција, минатата година соопшти дека ќе почне примена на целосно нова такса од пет евра за туристите кои доаѓаат на посета само за еден ден. Давачката, чија имплементација се одложува неколкупати, ги таргетира само туристите кои влегуваат во стариот дел од 8:30 до 16:00 часот по локално време, соопштија градските власти, појаснувајќи дека целта е да се подобри квалитетот на животот во градот. Потенцијалните казни за непочитување се од 50 до 300 евра. За деца до 14-годишна возраст нема да се плаќа таква такса.