Забава

Овозможена е онлајн уплата за Лото 7 и Џокер преку веб страната на Државна лотарија

Од сега наместо да чекате во ред за уплата на ЛОТО 7 и Џокер на продажно место, уплатата ќе биде достапна од вашиот дом, од вашето омилено кафуле, од вашата канцеларија и од секаде каде што сте ONLINE. 

Државна Лотарија на свое големо задоволство најавува дека од денес, во тек на 55тото коло на игрите на среќа ЛОТО 7 и Џокер, уплатите за учество во игрите на среќа Лото 7 и Џокер, веќе може да се примаат и преку веб страната www.loto.mk.

Веб страната www.loto.mk од неодамна доби нов изглед и нова функционалност, а од сега ќе е активен канал за уплата за учество во игрите ЛОТО 7 и ЏОКЕР.

Со ова, веб страната на Државна Лотарија, www.loto.mk, станува ново мобилно среќно место на играчите на игрите на среќа кои среќните ЛОТО7 броеви и комбинациите во Џокер играта ќе можат да ги уплаќаат и преку интернет од било каде, во било кое време.

Предностите се многубројни и очекуваме дека ќе привлечат голем број нови играчи кои ги претпочитаат можностите и комодитетот што ги нуди интернетот како канал за уплата.

Од сега наместо да чекате во ред за уплата на ЛОТО 7 и Џокер на продажно место, уплатата ќе биде достапна од вашиот дом, од вашето омилено кафуле, од вашата канцеларија и од секаде каде што сте ONLINE. Се што треба да направите е да се регистрирате на www.loto.mk и да креирате свој кориснички профил, а потоа на сметката на корисничкиот профил да уплатите депозит за игра од вашата платежна картичка.

Уплатените средства ќе се евидентираат на сметката на корисничкиот профил од каде може да се користат за игра. Добитниците кои своите уплати ги реализирале преку веб страната – www.loto.mk ќе имаат покус пат до освоените добивки, бидејќи сите освоени суми, освен сумите за добивките од прва категорија – премиите на ЛОТО 7 и Џокер, ќе се добиваат на сметката на корисничкиот профил. Корисничкиот профил ги чува сите внесени податоци, податоците за игрите, историјатот на уплатите и исплатите, а средствата добиени од исплатените добивки може да се користат за игра и да се повлекуваат на личната трансакциска сметка согласно потребите на играчот.

ONLINE уплатата на ЛОТО 7 ќе ги овозможи сите опции за игра кои ги нуди и играта со помошно ливче. Може да одиграте обична ЛОТО 7 комбинација, полн или скратен систем, но и да се претплатите за до десет кола. Во Џокер играта може да одиграте од еден до 50 џокер броеви. Новина во ONLINE играњето се можностите да ја зачувате вашата омилена комбинација и последно одиграното ливче и за следно коло да ги одиграте со еден клик.

Уплатата за учество во игрите на среќа ЛОТО 7 и Џокер е брза, лесна и безбедна, во согласност со правилата на игрите на среќа и важечките законски и подзаконски прописи во нашата земја. Уплатата на ЛОТО 7 и Џокер може да се реализира исклучиво на територија на Република Северна Македонија и важи за сите граѓани на возраст над 18 години.

Државна Лотарија ја задржа популарната цена на комбинација ЛОТО 7 и Џокер број, од 20 денари по комбинација/ џокер број. Во моментов, премијата на играта на среќа ЛОТО 7 изнесува 7.000.000 (седум милиони) денари, а премијата за Џокер со шест погодоци е над 900.000 ( деветстотини илијади) денари.

Со цел навремена и комплетна поддршка на играчите, во очекување на зголемен интерес за учество во игрите на среќа ЛОТО 7 и Џокер преку веб страната www.loto.mk, Државна Лотарија го засили тимот на контакт центарот и воведе ново, зголемено работно време. Преку контакт центарот може да се добијат сите потребни информации, од понеделник до сабота од 8:00 до 22:00 часот и недела од 8:00 до 16:00 часот, на телефонскиот број 02 323 7777, на вибер бројот 076 313 052, или на меилот [email protected].

Воведувањето на можност за ОNLINЕ уплата на игрите на среќа ЛОТО 7 и Џокер е резултат на обемен и долготраен проект на Државна Лотарија. Отворањето на интернет канал за уплата е големо скалило во искачување на компанијата на ниво на развиените европски лотарии. Целта на оваа новина е приближување на придобивките од игрите на среќа на Државна Лотарија до сите граѓани на нашата земја на возраст над 18 години. Во игрите на среќа кои ги приредува Државна лотарија не можат да учествуваат лица помлади од 18 години.

Свет

Државниот правобранител бара прекин на истрагата против сопругата на шпанскиот премиер

Шпанскиот државен правобранител, назначен од кралот по препорака на владата, денеска побарал од судот во Мадрид да ја затвори истрагата за корупција против сопругата на премиерот Педро Санчез бидејќи „нема индиции за кривично дело“.

Судијата во Мадрид вчера пријавил дека отворил прелиминарна истрага за 59-годишната Бегоња Гомез. Сопругата на премиерот е пријавена кај судијата од синдикатот Манос Лимпиос (Чисти раце) врз основа на медиумските написи дека давала препораки со нејзин потпис на претприемачи кои се пријавиле на јавни тендери. Со тоа, било наведено во пријавата, таа ја искористила својата положба и влијание за блиски луѓе да добијат народни пари и работа.

Организацијата Манос Лимпијас претходно соопшти дека ја засновала својата тужба врз основа на медиумски извештаи и не може да гарантира за нивната вистинитост, а шефот на организацијата, Мигел Бернад, рече дека извештаите биле проследени до судијата од „граѓанска должност“ и негираше дека акцијата била политички мотивирана.

Во 1980-тите, Бернад се натпреварувал на два европски избори како кандидат на екстремно десничарскиот Национален фронт.

Манос Лимпијас одлучиле да побараат од судот да отвори истрага за бизнисот на Гомез откако обвинителите не постапиле самоиницијативно, а истражниот судија ќе одлучи дали медиумските извештаи се точни или не, рече тој.

Консултантската компанија на претприемачот Карлос Барабес, според пријавата, добила 10 милиони евра од јавно претпријатие во надлежност на Министерството за економија. Тој претприемач подоцна основал постдипломски курс со кој раководела Гомез на Универзитетот Комплутенсе во Мадрид.

Во извештајот се споменува и односот на сопругата на премиерот со туристичката компанија Globalia, која била спонзор на едукативниот центар „Africa Centre del Instituto de Empresa“ управуван од Гомез. Шпанската влада со 600 милиони евра народни пари ја спаси „Ер Европа“, во сопственост на Глобалија.

Државното правобранителство испратило жалба до судот во Мадрид во која се наведува дека нема „индиции дека сторила кривично дело“, јави радио станицата Ла Секста.

Вчера Санчез ја обвини „десницата и екстремната десница“ дека користат „лажни“ информации за да го соборат политички и приватно.

Тој е на власт од летото 2018 година, а пред шест месеци формираше нова малцинска левичарска влада со поддршка на сепаратистичките партии на Баскија, Каталонија и Галиција.

Директорот на онлајн весникот El Cofidencial, кој објави информации за сопругата на Санчез, во колумна објавена вчера навечер ја обвини владата за „притисоци“ и „закани“.

Бегоња Гомез не коментирала, а Санчез рече дека ќе соработува со судството.

„Сега судијата треба да утврди дали информациите на новинарот се точни или не“, се вели во денешното соопштение на синдикатот Манос Лимпијас, откако еден ден претходно биле критикувани од Санчез и левичарската опозиција за поднесување на извештајот.

Европската комисија со години бара од Шпанија да го реформира судството за да не зависи од владата. Поддржувачите на каталонската независност исто така го обвинија Мадрид дека го користи судството за политички цели.

Македонија

Меѓународните набљудувачи со прелиминарна оценка за првиот круг на изборите

Добро организирани, но извалкани со остра реторика – ова е оценката на набљудувачите на ОБСЕ/ОДИХР и на Парламентарното собрание на Советот на Европа за првиот круг од изборите...

Според нив, гласачите имале простор за избор, но реториката станала многу негативна како се ближел денот на изборите....

Автомобилизам

Револуционерен изум во Кореја- имаат батерија што се полни за неколку секунди

Долго време се зборуваше дека натриумовите батерии имаат огромни предности во однос на моментално најчесто користените литиум-јонски батерии.

Не само што се сметаат за значително поисплатливи, туку се и поодржливи бидејќи можат да се произведуваат речиси целосно без ретки метали. Покрај тоа, тие се помалку склони кон термичка нестабилност и би можеле да имаат подолг животен век, подобрувајќи ги перформансите и доверливоста на електричните возила.

Батеријата развиена од научниците од Корејскиот напреден институт за наука и технологија (KAIST) повторно би можела да ја забрза транзицијата кон електрична мобилност. Како што опишуваат во трговското списание Energy Storage Materials, тие можат целосно да го полнат и испуштаат складирањето на енергија за само неколку секунди - многу побрзо од вообичаениот процес на полнење на автомобил со фосилни горива.

Ова е овозможено од материјалите што вообичаено се користат за таканаречените суперкондензатори. Станува збор за уреди за складирање енергија со екстремно висока густина на енергија - тие се исто така познати по нивните огромни брзини на полнење, но можат да складираат само многу мала количина на енергија.

Истражувачите сега развија еден вид хибрид на батерии-суперкондензатор за да можат да ги искористат предностите на двете технологии: да постигнат рекордни вредности за енергија и густина на моќност. Покрај големата брзина на полнење, батеријата направена во лабораторија имаше и подолг домет од претходните уреди за складирање. Високата густина на моќност значи дека со него можат да работат уште помоќни електрични мотори.

Сега големото прашање е колку брзо батеријата може да се користи во пракса. Првите натриумови батерии веќе се вградуваат во електричните возила во Кина, но засега треба да се задоволат со низок домет од околу 250 километри. Во секој случај, новоразвиената батерија би требало значително да го надмине ова, бидејќи има значително поголем капацитет за складирање од 247 ват часови од моделот подготвен за пазарот (150 ват часови).

притисни ентер