Верстапен казнет , Леклер на пол позиција во Мексико

На Макс Верстапен му е одземена пол позицијата на трката на Формула 1 за Големата награда на Мексико , зашто не ја намали брзината кога биле истакнати знаменцата за предупредување за време на квалификациите.

Верстапен беше казнет со додавање на три места на пласманот  и ќе ја започне трката од четвртото место.

На пол позиција ќе биде Чарлс Леклер од Ферари, веднаш до него Себастијан Фетел, а од третото место ќе стартува актуелниот шампион Луис Хамилтон од Мерцедес.

Верстапен не успори кога беа дигнати  жолтите знамиња за предупредување откако возачот на Мерцедес, Валтери Ботас удри во оградата.

Пред Верстапен, Фетел забави, а по квалификациите рече дека тоа го чинело освојување на прво време.

Хамилтон го подобри времето во последното квалификациско коло, кога возеше зад Ботас, но забави во последниот круг кога беа истакнати жолтите знамиња.

Хамилтон би можел да победи на шестото првенство во Мексико, доколку постигна 14 поени повеќе од неговиот тимски колега Ботас.

Ботас ќе стартува од шестата позиција.

Трката во Формула 1 за Големата награда на Мексико се одржува вечерва од 20.10 часот во Мексико Сити.

Видео: Пандев даде гол од преку 30 метри со полуволеј, па доби црвен картон

Горан Пандев ја воодушеви фудбалската јавност во Италија и Европа со маестралниот гол на натпреварот против Лече што заврши нерешено, 2-2.

Голманот на домаќините во 30-тата минута лошо расчисти една топка, па Пандев прво одлично ја исконтролира, а потоа упати полуволеј од преку 30 метри, кој беше неодбранлив.  Сепак, сенка на извонредниот потег, фрли црвениот картон што го заработи Пандев во второто полувреме, откако за неколку минути доби два жолти.

Косово се соочува со повеќегодишна суспензија од меѓународните натпревари на ФИФА и на УЕФА

Медиумите во Приштина известуваат дека на косовската фудбалска репрезентација и се заканува протерување од сите натпреварувања под покровителство на ФИФА и УЕФА во наредните пет години.

Европската и светската фудбалска организација размислуваат да го казнат косовскиот фудбал за обидот да го разрешат претседателот на косовската Фудбалска асоцијација, Агим Адеми и поради обидот политиката да се меша во фудбалот.

„Според некои извори, на Косово и се заканува суспензија од две до пет години, бидејќи луѓето од политичкото раководство на земјата се обидуваат директно да интервенираат и да донесат важни одлуки во Фудбалската федерација на Косово“,извести косовката телевизија РТК.

Доколку дојде до суспензијата, Македонија автоматски би се нашла во баражот за пласман на  Евро 2020 , а Косово би останало без можност да оди на турнирот преку дополнителни квалификации, но и можност да игра на Светскиот куп во Катар во 2022 година.

УЕФА и ФИФА експлицитно го забрануваат мешањето  на политиката во спортот преку нивните статути. Така, во 2014 година, Фудбалската федерација на Нигерија беше суспендирана од меѓународните натпревари поради мешање на владата во работата на федерацијата, а една година претходно истото се случи и со Камерун.

Мексиканецот Руиз ги насамари сите на мерењето со Џошуа (ВИДЕО)

Ентони Џошуа и Енди Руиз Џуниор официјално беа измерени  при што се откри големата тактичка битка што се водеа меѓу екипите на двајцата боксери во тешка категорија.

Џошуа имал пет килограми помалку отколку во јуни, а Руиз, кој тврдеше дека изгубил тежина и со тоа ги измами британските медиуми, се покажа дека е седум килограми потежок отколку во првиот меч.

Во последните неколку недели се пишуваше многу за губење на тежината и исхраната на Руиз. Медиумите објавуваа разни фотографии на кои што се чинеше дека Мексиканецот е навистина ослабнат. Сепак, тоа било очигледно само кампања, бидејќи вагата покажа 128,6 килограми, седум повеќе од минатиот пат.

После тоа тие го направија соочувањето, но без премногу тензија. Прво позираа рамо до рамо, а потоа следуваше краток поглед лице-в-лице.

притисни ентер