Надлежните алармираат да нема нов закон за зелените пазари

Нема потреба од закон за пазари со кој само се ставаат продавачите на трошок, сметаат од групацијата на организатори на пазари при Стопанската комора.

 Донесените измени на законот за трговија според кои тезгаџиите требаше да извадат лиценца од комората на трговци според стопанската комора е непотребно бидејќи сите области се регулирани со 11 другите закони, УЈП има увид кој се продава по пазарите што може да се регулира само со класична лиценца која нема да ги оптоварува пазарџиите заради што сметаат дека наместо да се применува од нова година да се укине законот за трговија на зелените пазари.

Од комората на трговци која треба по законот да ги издава лиценците и која од 2005 година се залагаше да се најде вакво законско решение за тезгаџиите  се зачудени од ставот на организаторите на пазарите кои работат по сосема други закони. Тие го повторија својот став дека законот е во полза на сите кои имаат тезги и дека е најдоброто решение кое успеале да го договорат со владата за да се сузбие сивата економија.

Ако почне да се применува од нова година одложениот закон тоа ќе значи дека секој тезгаџија треба да има лиценца која чини 60 евра за една тезга и по 40 евра за секоја дополнителна. Во земјава има околу 20 илјади тезги кои годишно државната каза ја полнат со околу 5 милиони евра а околу 800 илјади евра секоја година зема сивата економија.

Политико ги открива петте писмени прашања до Оливер Вархелји

 Политико Европа ги доби петте прашања кои европратениците му ги испратија на кандидатот за комесар за проширување отфрлен денеска поради недоволни гаранции за независност од владата на Виктор Орбан.

Првото прашање е поврзано со азилот што му го додели Орбан на поранешниот македонски премиер, Никола Груевски.

-Дали ќе се чувствувате врзани или под влијание во вашите обврски како еврокомесар од изјавите што ги даде вашиот премиер во врска со вашата улога на 15-ти октомври во Баку и која ќе биде вашата проценка доколку било која влада на земја членка на ЕУ му додели азил на осуден поранешен премиер од земја кандидат?

За потсетување, Виктор Орбан во Баку изјави дека откако Унгарија ќе го добие портфолиото проширување тоа ќе и биде од помош на Турција, иако комесарите имаат должност да бидат целосно независни од владата што ги номинира како и од било која политичка партија.

Второто прашање до Вархелји се однесува до неговиот став за усвојување на санкции против земји каде се прекршуваат човековите права, оваа тема моментално се дебатира во Советот и Унгарија е една од земјите кои имаат резерви по ова прашање.

Европратениците бараат од Унгарецот да одговори каков извештај за напредокот ќе поднесе за земја кандидат во случај таа да "го ограничи просторот за опозицијата, речиси целосно да ги контролира медиумите, да ги тера судиите порано да се пензионираат, да ги ограничи академските слободи и да не се бори против корупцијата и организираниот криминал".

-Која ќе биде вашата препорака во извештајот за напредокот, прашуваат пратениците.

Пратениците бараат од Вархелји да се изјасни и во однос на јужното соседство на ЕУ и на миграцијата, во која тој би имал удел од аспект на надворешната политика. Вархелји треба да одговори каква поддршка планира да им обезбеди на земјите од јужното соседство и да каже дали гарантира дека ќе ја суспендира помошта во случај некоја од тие земји да ги прекршува човековите права, вклучително и правата на мигрантите и бегалците.

Конечно, петтото прашање се однесува на технички аспекти од претпристапните фондови за земјите од Западниот Балкан, како и барање од Вархелји да се изјасни колкава треба да биде стапката на оваа помош. Пратениците бараат од него да каже и што планира да преземе за да го намали влијанието на надворешните сили на западниот Балкан.

Верхелји има до понеделник напладне да поднесе задоволителни одговори на овие прашања за да добие зелено светло, во спротивно можно е да биде закажано ново сослушување./МИА.

Во Србија запленета дрога вредна 5 мил. евра!

Српската полиција запленила 77 килограми хероин и половина килограм кокаин и уапсила тричлена банда која е осомничена за дистрибуција на дрогата низ Србија.

Според српскиот министер за внатрешни работи Небојша Стефановиќ, вредноста на запленетата дрога е околу 5 милиони евра , тој воедно истакнал дека за време на акцијата полицајците заплениле и повеќе скапоцени автомобили.

Во соопштението од српското МВР се наведува дека со 77 кг, хероин и половина килограм кокаин  биле уапсени водачот на една криминална банда, М.Н и членовите С.Н, и В.Ц..

Мицкоски: Зголемувањето на платите во образованието е задоцнето и премало

Почитувани наставници и професори, драги колеги и пријатели, вие сте луѓето коишто ја образуваат нашата нација и од мене ја имате целата почит.

Дозволете ми да ја разобличам лагата која Зоран Заев сака да ви ја сервира, лажно прикажувајќи дека наводно ќе ви ја зголемел платата, и тоа сака да го продаде како негова голема широкоградост.

Вистината е дека ова зголемување кое ви се ветува е ЗАДОЦНЕТО и ПРЕМАЛО!!!

А уште поголемата вистина е дека Заев наместо да даде, ви ОДЗЕМА од Вашите плати кои чесно ги заработувате и кои ви се гарантирани со Закон за минимална плата и Колективен договор во образованието!

Почитувани,

Согласно потпишаниот Колективен договор кој има сила на закон и законот за минимална плата на наставниците и професорите платата се пресметува како резултат на минималната плата која се исплаќа во државата помножена со коефециентот на сложеност за вашето работно место кој во моментот изнесува 2,533.

Поточно, ако знаеме дека согласно закон за минималната плата, минималната плата во државата изнесува 12.500 денари, и ако оваа сума се помножи со коефицинетот 2,533, ќе дојдеме до сумата од 31.660 денари, сума која треба да биде просечна плата во образованието, односно Ваша плата. Да повторам 31.660 денари! Доколку ако ја земеме најавата за нова минимална плата која треба да изнесува 14.500 денари, вашата плата согласно колективниот договор и законот за минимална плата треба да биде 36.800 денари, да повторам 36.800 денари.

Што прави Заев деновиве соочен со својот политички крај и извесен изборен пораз?

Тој се обидува да ви продаде лажна слика дека наводно ви ја зголемува платата со најавеното покачување од 10%.

Просечната плата во образованието која изнесува 23.680 денари, ветува дека ќе ја зголеми за 10% или апсолутно за 2.360 денари, и таа вашата просечна плата ќе достигне ниво од 26.000 денари. Доаѓаме до вистината, по закон просечната плата во образованието денеска треба да изнесува 31.662 денари или доколку постоечката минимална плата се зголеми на нивото од 14.500 денари тогаш по закон вашата плата треба да изнесува 36.800 денари, согласно најавата на новата минимална плата.

А, Заев дава 26.000 денари, Заев не ја зголемува вашата плата, Заев ви одзема од Вашата плата која ви е гарантирана со закон и колективниот договор во образованието.

Заев просечно ви одзема по 5.600 денари месечно согласно старата, односно речиси 11.000 денари согласно најавената минимална плата!!!

Тоа е срамот и тоа е Заев, човек кој говори измами и кој не ја почитува вистината!

Драги пријатели,

Ви ветувам дека по победата на претстојните избори од страна на ВМРО-ДПМНЕ, јас како предводник и човек на којшто вие сте му ја дале довербата,и ваш колега во образованието, во целост и комплетно ке го испочитувам колективниот договор и законот за минимална плата кој ви гарантира заслужена заработувачка!

Доаѓа Обнова на Македонија!

Доаѓа Обнова на Македонија за сите!

Обраќање на Христијан Мицкоски, претседател на ВМРО-ДПМНЕ

притисни ентер