Свет

Војна на улиците на Мексико поради апсењето на синот на наркобосот Ел Чапо (ВИДЕО)

Во мексиканскиот град Кулиакан дојде до судир меѓу безбедносните сили и припадниците на моќниот наркокартел Синалоа, чиј поранешен лидер е Хоакин Гузман , познат како Ел Чапо , кој е осуден на доживотен затвор во САД. 

Припадниците на нарко картелот палеа возила низ целиот град . Причина за конфликтот е апсењето на синот на Ел Чапо, Овидио Гузман Лопез, кого полицијата го пронајде при рутинско пребарување на неговиот дом.

Откако влегле во домот, пронашле четворица мажи, меѓу кои и Гузман Џуниор, кој е обвинет за трговија со дрога во Соединетите држави.

Сепак, членовите на картелот наскоро ја совладаа полицијата и таа се повлече, соопштија властите. Во исто време, напаѓачите ги преплавија градските улици, борејќи се со полицијата и армијата среде бел ден. Тие палеа автомобилите и запалија барем една бензинска пумпа.

Кристобал Кастанеда, командант на безбедносните сили во Синалоа, изјави дека, според првичните информации, загинале две лица, а 21 се повредени. Тој рече дека полицијата била нападната додека се приближувала до бариерите на вооружените лица.

Членовите на картел ја искористиле радиофреквенцијата што ја користела полицијата и предупредувале на повторување на нападот против безбедносните сили доколку Гузман не биде ослободен.

Македонија

Две жртви во сообраќајка на експресниот пат Штип-Кочани

Тешка сообраќајна несреќа се случи на експресниот пат Штип-Кочани, во близина на ТИР зоната во Штип. Според првичните информации во несреќата животите ги загубиле две лица.

Портпаролот на СВР-Штип, Гордана Панајотова потврди дека на овој експресен пат има тешка сообраќајна несреќа.

Таа за МИА изјави дека во тек е увидот и обезбедувањето на местото на несреќата од страна на полицијата.

Несреќата се случила околу 14.25 часот, помеѓу две патнички возила.

Македонија

Саем на книга во Скопје: Само преку книгите, најмладите ќе ги насочиме на правилниот пат

Родителите и училиштето се двете најважни работи кои можат да всадат љубов кај децата за книгите, во време кога тие живеат во светот на интернетот и мобилните технологии. 

Само преку книгите, најмладите ќе ги насочиме на правилниот пат и вистинските вредности.

Ова е заедничкиот став на посетителите, издавачите и авторите на 36. издание на Саемот на книга, кој до 24-ти април се одржува во спортскиот центар Борис Трајковски во Скопје.

А токму најмладите беа едни од најприсутните на саемот. Преку орагнизирани училишни посети, досега над 2.000 ученици ги посетиле овој книжевен настан.

Приказната се чита, е слоганот на овогодинешниот Саем на книга. Организаторите велат дека само на тој начин, децата можат да влезат во светот на книжевноста.

Дека интернет технологијата го одзема вниманието на децата, согласни се дел од авторите и издавачите. Нивната мисија е, додаваат тие, да им ги доближат квалитетните книги на младата популација па и преку електронски форма.

Од популарна присохологија, до македонски и светски познати автори. На Саемот на книга ќе се претстават над 60 издавачи, и ќе има повеќе од 30 промоции на книги, детски работилници, настани и дискусии.

Овој книжевен настан завршува на 24 април, чии врати се затвораат во 20 часот.

Македонија

Политички профил со кандидатката за претседателка – Гордана Силјановска Давкова

Во централните вести во 18 часот денеска ќе го емитуваме профилот на Гордана Силјановска Давкова.

Во продолжение дел од профилот.

притисни ентер