Свет

Британската кралица во говорот на раскошна церемонија во Вестминстер: Излез од ЕУ на 31. октомври

Кралицата Елизабета Втора денеска  ја претстави агендата на премиерот Борис Џонсон за неговата влада ,вклучително и Брегзит на 31 октомври, нов договор со Европската унија и серија на иницијативи за освојување гласови пред очекуваните избори. 

Говорот на кралицата беше врв на раскошната церемонија во Вестминстер и се искористи за детализирање на сите закони што владата сака да ги донесе во наредната година.

За 93-годишната кралица говорот го напиша владата.

Сепак, со несигурниот Брегзит пред клучна недела на преговори и непредвидливите изборни резултати што би можеле да се случат во блиска иднина, спротивставените партии велат дека Џонсон ја искористил политички неутралната кралица барајќи од неа да ја претстави неговата изборна агенда.

Говорот и придружните белешки содржат повеќе од 20 закони, вклучително и закон со кој се бара спроведување на договорот за Брегзит - доколку Џонсон успее да постигне договор со ЕУ оваа недела.

„Приоритет на мојата влада отсекогаш беше да обезбедам Велика Британија да ја напушти Европската унија на 31. октомври“, рече кралицата во поздравниот говор во салата во Горниот дом.

„Мојата влада има намера да работи кон партнерство со Европската унија, засновано врз слободна трговија и пријателска соработка“.

Планот на владата вклучува рамка за предлогот на Џонсон за имиграциски систем по Брегзит, реформа на кривичниот законик, промени во здравствената заштита и ветување за поголема инвестиција во јавните финансии за поттикнување на растот.

„Луѓето се уморни од ќор-сокакот, метежот и вревата за промени“, посочува Џонсон во писмената изјава, „и тие повеќе не сакаат да чекаат да заврши Брегзит“, додава тој.

Сепак, политичката иднина на Џонсон и неговата можност за спроведување на која било од овие агенди е во голема мерка неизвесна.

Тој води малцинска влада и, по преземањето во јули, Парламентот не одобри ниту еден од неговите предлози.

Сите партии сакаат предвремени избори, но не се согласуваат кога треба да се одржат.

Говорот сега е тема на неколкудневна парламентарна расправа, која ќе заврши со гласање за нејзино усвојување.

Живот

Манекенка исчезнала лани, телото ѝ го нашле во друга држава- ја препознале по тетоважите

Телото на манекенката Кајкан Каенакам (31) е пронајдено во Бахреин, една година по нејзиното исчезнување.

Нејзиното тело било во мртовечница, а полицијата успеала да ја идентификува преку тетоважите.

Минатата година се преселила во Бахреин и почнала да работи во ресторан за да го издржува семејството откако кариерата ѝ пропаднала.

Манекенката редовно објавувала фотографии и видеа од својот живот на социјалните мрежи, а потоа одеднаш мистериозно исчезнала.

Нејзината последна објава била во април минатата година, а нејзиното исчезнување предизвика голема паника кај Тајланѓаните.

Членовите на нејзиното семејство со месеци се обидувале да ја најдат, а во потрагата се вклучила и амбасадата на Тајланд.

На 18 април, тајландската амбасада во Бахреин го известила нејзиното семејство дека нејзиното тело е пронајдено.

Во обдукцискиот извештај е наведено дека таа починала поради акутен пулмонален и срцев удар предизвикан од труење со алкохол.

Живот

Интернет сензација: Никој не може да поверува колку е стар (ВИДЕО)

Овој жител на Сингапур е вистинска интернет сензација.

Кога ќе ги видите неговите фотографии, ќе сфатите зошто се здоби со популарност, но има уште еден – многу поинтересен „детал“.

Чуендо Тан редовно објавува свои фотографии на Инстаграм и на други платформи, а луѓето не можат да поверуваат дека тој има 58 години.

Да, добро прочитавте. Овој човек е стар повеќе од половина век, а не би му дале над триесет. И тоа е многу!

Чуендо е роден во 1967 година, а своевремено работел како модел, пеел и глумел.

Успешно се занимава со модна фотографија и ја води својата агенција AVE Management.

Младешкиот изглед го одржува со редовни тренинзи, а особено внимава што јаде.

Свет

Патнички авион се излизга од пистата и заврши во нива (ВИДЕО)

Бразилски деловен авион во сопственост на приватна фармацевтска компанија полетал од аеродромот Чапеко до аеродромот Ерехим, на само петнаесет минути лет, и се излизгал од пистата за време на слетувањето.

Луксузниот Learjet 75 на фармацевтската компанија CIMED, регистриран под ознаката PP-DYB, полета со дел од раководството кон дестинацијата на облачно време во 13:35 часот. Авионот поминал само 13 минути во воздух и се вратил на аеродромот.

Меѓутоа, наместо да слета без проблем, авионот завршил од пистата на аеродромот Команданте Краермер во Ерехим.

За среќа, сите патници биле безбедно евакуирани, а CIMED, компанијата која го поседува овој луксузен авион, излезе со соопштение дека „сите патници се добро и нивната безбедност е приоритет на компанијата“.

Видео кое кружи на социјалните мрежи го покажува моментот кога авионот ја „напушта“ пистата на аеродромот.

Претседателот на компанијата, Жоао Адибе Маркес, објави дека истрагата ќе ја спроведе Регионалната служба за истрага и спречување на авионски несреќи.

Тој нагласи дека се надева оти истрагата ќе биде завршена што е можно поскоро.

Во несреќата која завршила со сериозни оштетувања на деловниот авион, еден од двајцата членови на екипажот и тројца патници се здобиле со полесни повреди што биле санирани на лице место, пренесува G1Globo..

притисни ентер