Деветмината каталонски лидери се осудени на затворски казни од 9 до 13 години, поради организирање на нелегален референдум за отцепување од Шапнија во 2017 година.
Жителите на автономната провинција во северо-источна Шпанија започнаа спонтано да се собираат на плоштадите, сообраќајот на неколку автопати беше во прекин во Барселона, а студентите ги напуштија часовите.
- Слобода, слобода - протестираат демонстрантите на други места кои носат знамиња на Каталонија и транспаренти со ознака „Слобода за политичките затвореници“.
Пресудата делуваше врз емоциите на приврзаниците на независноста, кои претходно најавија масовни протести и генерален штрајк. Протестите во Каталонија досега беа ненасилни.
- Ослободување и слобода – порача од егзил во Белгија, Карлес Пуџдемон, кој беше премиер на каталонската влада за време на референдумот.
Дополнителните полициски сили беа испратени во Каталонија, провинција со 7,5 милиони жители, минатата недела. Железни бариери беа подигнати пред парламентот во Барселона за да се спречат упади , како и пред други институции како што е централната шпанска влада.
Во понеделникот Врховниот суд осуди деветмина каталонски политичари на затвор , а тројца други за забрана за вршење јавна функција. Тие беа осудени за бунт и употреба на јавни пари за организирање на референдум што беше забранет од Уставниот суд. Првообвинетиот, Ориол Јункерас, поранешен потпретседател на каталонската влада, тврди за време на судењето, кое започна во февруари, дека тие не го прекршиле законот. Тој беше осуден на 13 години затвор.
- Тоа е одмазда. Судскиот процес беше неправеден - соопшти каталонската републиканска левица (ЕРЦ), партијата на која и припаѓа и Јункерас.
Неговиот поранешен член на кабинетот, Раул Ромева, задолжен за меѓународни односи, доби 12 години затвор, исто како и другите членови Џорди Турул и Долорес Баса. Жоаким Форн, задолжен за внатрешни работи, а Жосеп Рал добија по 10,5 години затвор.
Поранешниот претседател на парламентот на Каталонците, Карма Форкадел е осуден на 11,5 години затвор, а исто така и на забрана за јавна функција. Таа претседаваше со регионалниот парламент, кој во октомври 2017 година гласаше за формирање независна република Каталонија, која тогаш беше прогласена, но не стапи на сила .
- Ова е мрачен ден за демократија - напиша преку социјалните мрежи Форкадел.
Девет од дванаесетте осудени функционери се во притвор скоро две години.