Македонија

Царовска од граѓанска трибина во Кочани: Ги исправаме децениските неправди и подеднакво се грижиме за сите, на прав пат сме

СДСМ за неполни 2 и пол години успеа да направи повеќе од 11 години владеење на ВМРО-ДПМНЕ, рече вечерва Мила Царовска од трибината во Кочани.

Државата тргна на прав пат, се грижиме за сите граѓани, платите и пензиите растат, и обезбедивме праведен систем кој е одржлив ,социјалната реформа креираше сигурност кај граѓаните , истакна потпретседателката на СДСМ, Мила Царовска пред присутните граѓани на граѓанската трибина „На прав пат" во Кочани.

-Инвестираме во квалитетот на живеењето на сите граѓани. Нашите реформи се вистински, конкретни и носат повеќе пари во секој семеен буџет. Со социјалната реформа, социјалната помош расте и до 300 отсто, а за оние граѓани кои не стекнале услови за добивање пензија, воведовме социјална пензија, за и тие да имаат средства за живот. Детскиот додаток им се исплаќа на 20.230 деца, што е за три пати повеќе, а образовниот на 8.681 деца, што е за три и пол пати повеќе од претходното. До крајот на реформата очекуваме околу 70.000 деца да примаат детски и образовен додаток. што ќе биде за 20 пати повеќе од претходно, социјалната реформа е на прав пат – рече Царовска.

Потпретседателката на СДСМ, Мила Царовска на граѓанската трибина „На Прав пат" во Кочани најави дека наскоро следува ново, значително покачување на минималаната плата, а со стабилизација на пензискиот фонд и вонредно покачување на пензиите на почетокот на 2020 година.

- Ја покачивме минималмната плата која во некои индустрии изнесуваше 8.500 денари, а сега изснува 12.500 денари. Но тука не застанавме. Многу скоро ние како Влада заедно со синдикатите и стиопанствениците, ќе најавиме, ново покачување на минималната плата, затоа што нашите работници и сограѓани го заслужуваат тоа, порача Царовска.

Покрај платите, истакна Царовска, ќе следува раст и на пензиите и подигнување на животиот стандард за пензнионерите.

- Преку успешни политики успеавме да го стабилизираме Фондот за пензиско осигурување. Пензиите растеа просечна како што растеа платите и економијата. Но ние законски им гарантираме на пензионерите, ако растат платите, ако расте економијата ако имаме вработувањата ќе растат и пензиите. И тоа премиерот го вети. На почетокот на наредната година, во првиот квартал ќе растат вонредно и на тоа ќе останат усогласувањата кои се по закон, посочи потпретседателката Царовска.

Во своето обраќање Царовска се осврна и на проектите од значење за Кочани, како постапката за изградба на современа детска градинка во општината, како и отворениот центар за ран детски развој во населеното место Тркање.

Ние сме на вистинскиот пат, правиот пат, помеѓу граѓаните и на страна на граѓаните, заклучи Царовска при обраќањето пред граѓаните на Кочани.

Свет

Унгарската влада со ултиматум до трговците: Имате две недели да ги намалите цените на горивата

Унгарската влада им даде рок на трговците на мало од две недели да ги прилагодат цените на горивото на регионалниот просек, рече министерот за економија Мартон Наѓ.

Цените мора повторно да се изедначат со регионалниот просек, а тоа особено важи за бензините 95 и дизелот, нагласи министерот по седницата на владата.

Владата им даде рок на трговците од две недели за да ги доближат до просекот, а потоа тие повторно ќе ги анализираат „и ќе воведат строги мерки“ доколку се сè уште над регионалниот просек, рече Наѓ.

Министерот пред една недела во интервју за деловниот весник „Вилаггаздасаг“ рече дека се подготвени да го разгледаат поставувањето ценовни лимити откако Државниот завод за статистика КСХ ќе објави преглед на просечните цени во регионот на Централна Европа.

„Трпението на владата е при крај... Мислиме дека цените на горивата на (унгарскиот) пазар се седум до девет отсто повисоки од регионалниот просек“, рече Наѓ во интервју објавено минатата среда.

Заводот за статистика од 19 април почнал да објавува неделни извештаи во кои се споредуваат цените во Унгарија со просекот во регионот на Централна Европа, вклучувајќи ги Хрватска, Полска, Чешка, Словачка, Австрија, Словенија, Србија, Романија и Бугарија.

Извештајот од минатиот петок покажал дека бензинот 95 во Унгарија таа недела бил во просек за 3,2 отсто поскап од просекот во регионот, а дизелот за пет отсто. Разликата изнесува 20 HUF и 31 HUF соодветно, пресметале статистичарите.

Цените донекаде паднале, но се очекува оние што ќе стапат во сила од петок и понатаму ќе бидат повисоки од просечните за 10 или 27 форинти по литар дизел или бензин, рече министерот Наѓ. „Вистинското решение би било замрзнување“, нагласи тој, додавајќи дека Здружението на производители (МАСЗ) склучило договор за усогласување на цените со регионалниот просек објавен во петокот од Централниот завод за статистика.

Унгарската компанија за нафта и гас Мол во рок од една недела ја намалила цената на дизелот на 633 HUF, а на бензинот на 647 HUF, додаде министерот. Со цел да се заштитат домаќинствата, Владата ги повикува сите трговци што поскоро да ги вратат цените на регионалниот просек, нагласи тој.

Ројтерс пренесува дека МОЛ, според извршниот директор Золт Хернади на состанокот на акционерите, стравува дека државната интервенција на пазарот на гориво ќе влијае на одржливоста на нивните планови.

Забава

Новата Мис на Буенос Аирес има 60 години, цел свет зборува за неа (ВИДЕО)

Алехандра Мариса Родригез, адвокатка и новинарка, неодамна ја освои титулата Мис Буенос Аирес и се квалификуваше за изборот за Мис на Аргентина.

Можеби веста не ви е премногу интересна, но кога ќе слушнете колку години има - сигурни сме дека ќе се шокирате.

На крајот на 2023 година, изборот за Мис Универзум ја укина старосната граница, која се применуваше од 1958 година. Поради оваа причина, изборот повеќе не е ограничен на натпреварувачки на возраст од 18 до 28 години.

Потребно е само тие да се полнолетни, што отвори надеж и за Алехандра.

Причината? Многу едноставно - жителката на Буенос Аирес има 60 години, а на неодамнешното натпреварување победи многу помлади девојки.

„Многу сум возбудена и почестена што ја освоив титулата. Сакам да им покажам на сите жени дека убавината не е поврзана со годините и дека можеме да ги скршиме бариерите“, рече таа.

Нејзиниот младешки изглед предизвика бурни реакции на интернет, а многумина беа шокирани од фактот дека таа може да биде нивна баба!

Следниот натпревар за Мис Аргентина се одржува на 25 мај, а се верува дека таа има шанса да победи, пренесува Oddity Central.

Зборувајќи за својот изглед и за тоа како успева да изгледа младешки, Алехандра открива дека вежба три пати неделно, повремено пости и се труди да се храни здраво. Исто така, користете добри креми за кожа.

Алехандра е разведена и живее сама, а се пошегува дека „нејзиниот статус“ можеби придонел за нејзиниот успех на неодамнешното натпреварување.

„Мислам дека судиите ја видоа мојата самодоверба и страст да ги претставувам жените од мојата генерација. Убавината нема рок на траење, за да бидеш убава само треба да веруваш во себе и да бидеш автентична“.

Македонија

Мицкоски: Постојниот простор на СВР Охрид ќе се стави во функција на градот

Денеска на покана на министерот и градоначалникот сум во Охрид, да дадам и јас лично поддршка на проектот кој тие двајца го најавија дека тоа ќе биде еден од приоритетите на идната влада на ВМРО-ДПМНЕ и Коалицијата Твоја Македонија. 

Станува збор за простор на СВР Охрид кој ќе се стави во функција на општина Охрид или ќе биде надземно убав парк, а подземно катна гаража.

Ценам дека треба да се слушаат потребите на граѓаните, треба да се слушаат потребите на тие кои се избрани од граѓаните.

Ценам дека на овој начин ќе се овозможи еден поголем комфор во рамките на градското централно подрачје во Охрид во оној дел каде што е туристичка зона и ценам дека како држава треба да поддржуваме проекти кои ќе значат додадена вредност за средините во кои се прават. Еден од тие проекти е овој овдека.

Така што уште еднаш од мене голема благодарност и до министерот и до градоначалникот на поканата. Очекувам вакви и слични проекти и во иднина во други области во Македонија, рече Христијан Мицкоски, претседател на ВМРО-ДПМНЕ.

притисни ентер