Деветгодишно дете е обвинето за смрт на три деца и двајца возрасни во пожар

Деветгодишно дете е обвинето за смртта на три деца и две возрасни лица во парк за мобилни станбени единици во американската дежава Илиноис.

Полот на детето обвинето за кривични дела не е откриен, како ни идентитетот на жртвите.

На 6 април едногодишно дете, две двегодишни деца, 34-годишен маж и 69-годишна жена загинаа во пожар во парк во близина на селото Гудфилд. Шерифот на округот Вудфорд, Тим Рустаман, изјави дека пожарот бил подметнат.

Според базата на податоци на Асошиејтед Прес, толку мало дете не било обвинето за масовно убиство (ФБИ го дефинира масовното убиство како убиство на четири или повеќе лица без период на „паузирање“ помеѓу убиствата)

"Тоа беше тешка одлука. Сепак, на крајот на денот, станува збор за трагедија со обвинение за многу млада личност за едно од најсериозните злосторства што се случиле. Мислам дека мора во овој момент за да се затвори случајот", рече окружниот адвокат Вудфорд Грег Минер.

„Предизвик за обвинителите во овој случај ќе биде да докажат дека детето имало намера да изврши убиство“, рече адвокатот Гус Костопулос. "Деветгодишници не знаат дека Дедо Мраз не постои. Тие не знаат дека луѓето умираат и дека тие потоа не се враќаат во живот. Не знам дали деветгодишно дете може да има намера да убие".

Адвокатите за правата на децата ја критикуваа одлуката да се обвини деветгодишно дете за кривично дело.

Дколку детето биде осудено по сите пет точки на обвинението за убиство, ќе добие условна казна од најмалку пет години. Тоа не треба да трае подолго од 21-та година од неговиот живот. Детето веројатно ќе мора да оди на советување и терапија додека ја издржува казната.

Волф ги кажа кандидатите од кои ќе ја бира замената за Хамилтон

Шефот на Мерцедес, Тото Волф, изјави дека размислува за четири кандидати кои се потенцијална замена за Британецот Луис Хамилтон во 2025 година, пренесува „planetf1.com“.

- Оваа одлука нема да биде донесена во наредните недели или месеци. Сакам да ја следам ситуацијата на пилот-пазарот. Верстапен? Да, размислувам и за него, се гледа на нивото на неговите настапи. Но, не би сакал да ги намалувам шансите на другите, рече Волф.

Според изворот, покрај за Верстапен, станува збор за шпанските возачи Фернандо Алонсо од Астон Мартин и Карлос Сајнц од Ферари, како и за младиот Италијанец Андреа Кими Антонели, кој се натпреварува во Формула 2.

Хамилтон ќе му се приклучи на Ферари следната сезона. Тој ќе го заземе местото на Карлос Сајнц.

Триесет и деветгодишниот Британец вози за Мерцедес од 2013 година.

Вокер неизвесен за дербито со Арсенал

 Манчестер сити би можел да остане без дефанзивецот Кајл Вокер за неделниот натпревар од Премиер лигата против Арсенал.

Според „Sky Sports“, Вокер ќе биде подложен на проценка на тетивата. Првично се мислеше дека проблемот не е премногу сериозен, но се чини дека тоа не е така.

Во Сити исто така не се сигурни дали Џон Стоунс и Мануел Аканџи ќе бидат способни да играат.

Манчестер Сити ќе му гостува на Арсенал на 31 март во натпреварот од 29. коло на Премиер лигата.

Арсенал е лидер на табелата со 64 бодови, исто толку има и второпласираниот Ливерпул, Манчестер сити е трет со 63.

Почнува пријавувањето за 20. издание на Виз Ер Скопски Маратон

Пријавувањето за 20. јубилејно издание на Виз Ер Скопски Маратон почнува утрово во 9 часот и ќе трае до 20 септември до 23:59 часот. Право на учество имаат сите македонски и странски државјани. 

- Трката има ограничен број на учесници и пријавувањето може да се затвори, доколку се пополни предвидениот број на бројот на учесници, затоа побрзајте и пријавете се уште денеска, апелира организаторот на манифестацијата Сојузот на спортови на Скопје

Маратонот ќе се одржи 6 октомври со почеток во 8 часот.

Учесниците на маратон и полумаратон на стартот ќе бидат распоредени во четири стартни боксови според времето кое ќе го одберат при процесот на

пријавување, додека учесниците во штафетниот маратон и трката на 5км ќе бидат распоредени во стартни зони кои ќе бидат означени во зоната на старт со името на трката.

Трката има сертификат од Асоцијацијата за улични трки (AIMS) и се одвива според правила на Светска Атлетика (WA), и АФСМ.

Секој учесник што ќе стартува на Виз Ер Скопски Маратон ќе добие вредносен ваучер од 20 ЕУР од насловниот спонзор на трката, Виз Ер. Во стартниот пакет за сите трки е вклучена и маица, но ја добиваат само оние кои ќе се регистрираат до 29 август 2024.

притисни ентер