Крстарењето од соништата им се претворило во хорор- Патниците си ги бараат назад илјадниците фунти (ВИДЕО)

Она што требало да биде двонеделен одмор од соништата за илјадници патници на луксузниот крузер Norwegian Spirit, се претвори во ноќна мора, а патниците преку протести бараат да им ги вратат парите.

Над 2 000 патници платиле по 5 300 фунти за крстарење по норвешките фјордови , а во патувањето требало да бидат вклучени и излети во Франција , Амстердам и Исланд.

Патниците тврдат дека проблемите започнале веднаш по тргнувањето. Првото пристаниште каде што требало да го застанат бил Амстердам, јавува news.com.eu, но поради врнежливото време, било откажано и крузерот тргнал кон нова дестинација , Ле Авр во Франција.

Но, тоа не била единствената промена. Крузерот застана во напуштен норвешки град, затворен за туристите, а потоа бил пренасочен на остров недалеку од Глазгов наместо на Исланд. Таму, бродот долг 274 метри не смеел да се закотви , па капетанот решил да се преместат во Белфаст.

Патниците веќе биле доста лути бидејќи поминале три дена на море и тоалетите почнале да смрдат. Лутите патници почнале да бараат да бидат вратени во Лондон и да им ги вратат парите што ги платиле за крстарењето, а се појавил дополнителен проблем кога од Norwegian Spirit одбиле да им даде целосна исплата. Наместо тоа, им биле понудени 25% ваучери со попуст за следното патување.

"Имаше многу лути луѓе на бродот. Никој правилно не ни објасни што се случува и тоа скоро предизвика бунт. Ова беше кошмарно патување. Многу тоалети почнаа да се прелеваат", изјави една од патниците, Дена Роланд.

Таа тоа го потврди и со видео на социјалните мрежи на кое се гледаат стотици лути патници собрани во салонот како бараат одговори и бараат да бидат симнати од бродот. Голем број патници се симнаа во Белфаст, пишува „Дејли меил“.

Крстосувачот Norwegian Spirit тежи 76.000 тони и има 17 ресторани, 12 барови, казино, спа, театар, фитнес-центар и детскиот воден парк. Луксузните кабини чинат околу 5 300 британски фунти, додека најевтините кабини се со цена од 1 700 фунти.

Порше смета дека не може да преживее од автомобили, ќе ја проширува дејноста

Поради драстичните промени во патничкиот превоз , како и начините за користење на автомобилите , од компанијата Порше сметаат дека нема да преживеат ако само произведуваат автомобили.

Ова е токму она што шефот за информатичка технологија и финансии на Порше, Лут Мешке, изјави за британскиот Autocar дека Порше не може да заработува од традиционалните автомобили. Се разбира, и натаму Порше ќе произведува автомобили кои обезбедуваат задоволство при возењето, но ќе мора да го диверзифицираат нивниот бизнис.

"Градовите сакаат да го намалат сообраќајот, затоа треба да најдеме решенија во рамките на нашата марка. Автомобилот не е доволен - нема да ни донесе значителен профит. Ако сакате парче од тортата, треба да размислите да инвестирате во други брендови или во сообраќајни решенија. Ако зборуваме само за автомобилите на Порше и подготвување за идна подвижност , тоа не е доволно. Треба да размислиме за инвестиции и да бидеме профитабилни во други индустрии “.

Мешке е многу јасен, велејќи дека 60% од нивните клиенти наскоро ќе живеат во големите градови, што значи дека ќе има помалку клиенти, особено колекционерите кои претпочитаат да имаат повеќе Поршеа. Затоа, ќе биде тешко да се постигне маргина од 15%.

И првото нешто што Порше го воведува е програма за лојалност, односно изнајмување на автомобилите „Порше“ преку месечно изнајмување кое обезбедува пристап до скоро сите модели. Истата програма ќе пристигне во Америка и Европа во наредните две години.

Ајкула изгриза Французинка пред нејзиното шестгодишно дете

Французинка остана без двете раце и едната града во напад на ајкула во едно од најатрактивните летувалишта на светот , во близина на полинезискиот остров Мооре.

Додека 35- годишната Французинка пливала во близина на брегот и ги гледала китовите, била нападната од ајкула. На страшниот настан сведоци биле нејзиниот шестгодишен син и другите членови на семејството. таа била пренесена во хотел , каде и била укажана прва помош.

„Видов жена без раце, левата рака и висеше. Ребрато на десната страна и беше отсечено. Имаше голема паника“, рече еден од сведоците за локална радио станица.

Според сведоците, Французинката била свесна кога била пренесена на брегот. Потоа, таа, наводно, го поставила прашањето: „Но, зошто ме одведовте таму ако не беше безбедно?“

Пожарникарот Жан-Жак Ривета изјави за АФП дека жртвата имала среќа што имало две медицински сестри во близина на несреќата, кои можеле да и дадат прва помош.

Жртвата изгубила многу крв и во тешка состојба била пренесена во болница на блискиот остров Тахити. Нејзината состојба е сериозна, но стабилна, велат од болницата. Околностите на нападот се во фаза на истрага.

Вистинско чудо го спасило возачот од сигурна смрт (ФОТО)

Пожарникарите од американската држава Џорџија снимиле страшни фотографии од сообраќајна несреќа во која џип Нисан се заби во камион со дрва.

Според фотографиите , вистинско чудо е што возачот ја преживеал оваа несреќа , зашто стеблата се забиле преку ветробранското стакло во целата кабина.

Возачот имал неверојатна среќа што во моментот на сударот се наведнал под седиштето за да собере нешто што му паднало. Во тој момент, камионот запрел и Нисанот удри во приколката. Пожарникарите морале да исечат скоро 40 трупци за да стигнат до повредениот возач. Им требало околу 15 минути да стигнат и сцената била страшна.

Началникот на пожарникарите Едвард О’Брајан изјави за Си-Ен-Ен дека било неверојатно. Повредениот возач бил пренесен во болница каде биле утврдени повеќекратни фрактури, но не опасни по живот.

притисни ентер