Израелските иновации го менуваат светот – ќе научиме ли нешто од водечката „стартап-нација"?

 Колку често користите УСБ или влажни марамчиња? Има ли некој што не пробал шери-домати или што не слушнал за стент за срце?

Но, дали сме се прашале од каде доаѓаат овие „производи", кој ги „измислил" и чии пронајдоци се?

Одговорот е – Израел.

Библиската, „света земја" денес е глобален центар за врвна технологија. Со повеќе високотехнолошки стартапи по глава на жител од кое било друго место во светот, Израел има водечка улога во иноваторството.

Од различни практични алатки што значително го подобруваат секојдневното живеење и придонесуваат за заштита на животната средина, преку нано и кибернетски решенија, до футуристички медицински помагала што дијагностицираат болести во моментот. Ова е дијапазонот во кој се движат ултрамодерните „подвизи" на Израел.

Земјата кубури со ресурси. Околу 75 отсто од територијата на државата е пустина. Речиси нема извори на храна, а дискутабилна е и употребливоста на почвата. Од друга страна, и историјата покажала немилосрдност. Го собрала данокот. Шест милиони Евреи се убиени во текот на Втората светска војна.

Но, ништо не е обесхрабрувачки, ниту може да ја наруши амбицијата, желбата за наука, иновации, технолошки развој и напредок. Напротив, уште повеќе ја зголемува и стимулира.

– Во Израел, земјата со многу малку природни ресурси, го откривме најголемиот ресурс: човечкиот капитал, кој е поголемо богатство од кој друг било ресурс на Земјата. Ова е познатата реченица на поранешниот претседател и премиер Шимон Перез, која како неприкосновена матрица се провлекува низ генерациите.

Израел има стартапи во областа на музиката, во одбраната, па дури и во делот на „воспитувањето" деца од основните школи.

Учениците имаат можност во целосно опремени лаборатории, како низ игра, да работат со физичари, инженери, да конструираат роботи, а потоа и интернационално да се натпреваруваат, поттикнувајќи ги и негувајќи ги иноваторските, па и претприемачките вештини.

Еврејската култура (посветеноста) или израелскиот дух (истрајноста), што ја прави „светата земја" една од водечките „стартап-нации" во светот? Веројатно, и едното и другото.

– Инженерирајте ги вашите соништа во реалност и вложувајте во човечки капитал, би ви рекле некои од младите израелски „стартапчии", кои одамна ја научиле лекцијата, а своите сили, наместо дома, „ги мерат" надвор, на пазарите во Европа, Кина и САД.

Ќе имаме ли капацитет да пресликаме некоја од успешните израелски приказни, да научиме нешто повеќе, да ја прифатиме помошта што оваа водечката „стартап-нација" ни ја нуди?

– Ако нејќете да ги миете садовите на Европа, станете иноватори. Ние сме тука да ви помогнеме, порачува израелскиот амбасадор Дан Оријан./МИА.

Ајкула изгриза Французинка пред нејзиното шестгодишно дете

Французинка остана без двете раце и едната града во напад на ајкула во едно од најатрактивните летувалишта на светот , во близина на полинезискиот остров Мооре.

Додека 35- годишната Французинка пливала во близина на брегот и ги гледала китовите, била нападната од ајкула. На страшниот настан сведоци биле нејзиниот шестгодишен син и другите членови на семејството. таа била пренесена во хотел , каде и била укажана прва помош.

„Видов жена без раце, левата рака и висеше. Ребрато на десната страна и беше отсечено. Имаше голема паника“, рече еден од сведоците за локална радио станица.

Според сведоците, Французинката била свесна кога била пренесена на брегот. Потоа, таа, наводно, го поставила прашањето: „Но, зошто ме одведовте таму ако не беше безбедно?“

Пожарникарот Жан-Жак Ривета изјави за АФП дека жртвата имала среќа што имало две медицински сестри во близина на несреќата, кои можеле да и дадат прва помош.

Жртвата изгубила многу крв и во тешка состојба била пренесена во болница на блискиот остров Тахити. Нејзината состојба е сериозна, но стабилна, велат од болницата. Околностите на нападот се во фаза на истрага.

Вистинско чудо го спасило возачот од сигурна смрт (ФОТО)

Пожарникарите од американската држава Џорџија снимиле страшни фотографии од сообраќајна несреќа во која џип Нисан се заби во камион со дрва.

Според фотографиите , вистинско чудо е што возачот ја преживеал оваа несреќа , зашто стеблата се забиле преку ветробранското стакло во целата кабина.

Возачот имал неверојатна среќа што во моментот на сударот се наведнал под седиштето за да собере нешто што му паднало. Во тој момент, камионот запрел и Нисанот удри во приколката. Пожарникарите морале да исечат скоро 40 трупци за да стигнат до повредениот возач. Им требало околу 15 минути да стигнат и сцената била страшна.

Началникот на пожарникарите Едвард О’Брајан изјави за Си-Ен-Ен дека било неверојатно. Повредениот возач бил пренесен во болница каде биле утврдени повеќекратни фрактури, но не опасни по живот.

Глобално затоплување: Русите на Арктикот открија пет нови острови

Руската морнарица објави дека откриле пет нови острови на Арктикот , што се појавиле по топењето на ледениците поради високите температури.

По експедицијата на руската армија во август и септември годинава, островите, кои до сега биле скриени под глечерите, се исцртани на мапи, но сè уште не се именувани, потврди командантот на руската северна флота, вице-адмиралот Александар Мојсеев.

- Оваа состојба, се разбира, главно се должи на промените што се случуваат со мразот. Порано имало глечери, а по топењето, пропаѓањето и промените во температурата, откривме нови острови - објасни Мојсеев на прес-конференција во Москва, пренесува Гардијан.

Состојбата на глечерите на Арктикот од 2015 до 2019 година беше полоша отколку во кој било друг петгодишен период од моментот кога биле направени мерењата, открива загрижувачкиот извештај на ООН за ефектите од глобалното затоплување, објавен минатиот месец.

Студијата, составена од повеќе од 100 автори заснована на 7.000 научни документи, објаснува какви се ефектите од зголемувањето на нивото на океаните, брзото топење на ледените плочи на Гренланд и Антарктикот и намалувањето на глечерите, што ќе се одразат на 1,3 милијарди луѓе, секој што живее во многу ниски области или висорамнини.

Порастот на нивото на морињата може да се зголеми за метар, десет пати повеќе отколку во 20 век, ако емисијата на стакленички гасови продолжи да расте, велат експертите. Покрај тоа, до 2300 година порастот на морското ниво би можел да надмине пет метри.

Русија во последните неколку години отвори голем број воени и научни бази на Арктикот, а интересот на сите најголеми сили во регионот се засили по зголемувањето на температурите,  по што се ставени на располагање големи резерви на нафта, гас и ретки минерали.

Адмиралот Мојсеев најави дека наскоро ќе се именува секој од островите.

притисни ентер