Неверојатно откритие : Човечкиот фетус има мускули како на гуштерите

За време на раниот развој на човечкиот фетус, во мускулите се присутни таканаречени атавистички мускули , кои се губат со раѓање на бебето , покажа студијата на американските научници , објавена во списанието Development.

Фасцинира тоа што некои од овие мускули исчезнале кај нашите предци пред повеќе од 250 милиони години за време на еволуцијата на синаптичките влекачи во цицачи. Со други зборови, во раниот развој на човечкиот фетус присутни се мускули на влекачи, како и на ежови.

Користејќи ги напредните техники за 3D слики, научниците успеаја со голема резолуција да го покажат раниот раст на екстремитетите. Сликите што ги направија покажуваат преодно присуство на неколку атавистички мускули.

Така, од 30-те мускули во раката и стапалото, формирани околу седмата недела од бременоста, една третина или се задржала  или исчезнала за околу 13 недели од бременоста.

- Она што е интересно е што забележавме различни мускули кои никогаш не биле опишани во пренаталниот развој на човекот.

Ние видовме некои од овие атавистички мускули дури и кај фетуси стари 11,5 недели, што е доста доцна - рече авторот на студијата Руи Диго, еволутивен биолог од универзитетот Хауард во Вашингтон.

- Интересно е што, некои од овие атавистички мускули ретко се среќаваат кај возрасни, или како анатомски варијации без забележителен ефект врз здравата личност или како резултат на вродени малформации, што дава фасцинантен, моќен пример за еволуцијата- додаде Диого.

Кога во 1859 година го објави своето дело , „Настанување на видовите со природна селекција“, Чарлс Дарвин опиша некои од атавистичките органи.

Дарвин , на пример , верувал дека слепото црево е товар што сме го наследиле од нашите предци, кои го користеле тој орган за специјални процеси што помагаат во варењето на храната. Но, кај современите луѓе, слепото црево нема никаква функција освен тоа што неговото воспаление може да предизвика смрт.

Покрај тоа, еден од атавистичките органи е опашната коска или тртката, остаток од далечното еволутивно минато кога нашите предци имале опашка. Покрај тоа што служат како доказ дека човекот еволуирал од примати, тие немаат друга функција.

Ајкула изгриза Французинка пред нејзиното шестгодишно дете

Французинка остана без двете раце и едната града во напад на ајкула во едно од најатрактивните летувалишта на светот , во близина на полинезискиот остров Мооре.

Додека 35- годишната Французинка пливала во близина на брегот и ги гледала китовите, била нападната од ајкула. На страшниот настан сведоци биле нејзиниот шестгодишен син и другите членови на семејството. таа била пренесена во хотел , каде и била укажана прва помош.

„Видов жена без раце, левата рака и висеше. Ребрато на десната страна и беше отсечено. Имаше голема паника“, рече еден од сведоците за локална радио станица.

Според сведоците, Французинката била свесна кога била пренесена на брегот. Потоа, таа, наводно, го поставила прашањето: „Но, зошто ме одведовте таму ако не беше безбедно?“

Пожарникарот Жан-Жак Ривета изјави за АФП дека жртвата имала среќа што имало две медицински сестри во близина на несреќата, кои можеле да и дадат прва помош.

Жртвата изгубила многу крв и во тешка состојба била пренесена во болница на блискиот остров Тахити. Нејзината состојба е сериозна, но стабилна, велат од болницата. Околностите на нападот се во фаза на истрага.

Вистинско чудо го спасило возачот од сигурна смрт (ФОТО)

Пожарникарите од американската држава Џорџија снимиле страшни фотографии од сообраќајна несреќа во која џип Нисан се заби во камион со дрва.

Според фотографиите , вистинско чудо е што возачот ја преживеал оваа несреќа , зашто стеблата се забиле преку ветробранското стакло во целата кабина.

Возачот имал неверојатна среќа што во моментот на сударот се наведнал под седиштето за да собере нешто што му паднало. Во тој момент, камионот запрел и Нисанот удри во приколката. Пожарникарите морале да исечат скоро 40 трупци за да стигнат до повредениот возач. Им требало околу 15 минути да стигнат и сцената била страшна.

Началникот на пожарникарите Едвард О’Брајан изјави за Си-Ен-Ен дека било неверојатно. Повредениот возач бил пренесен во болница каде биле утврдени повеќекратни фрактури, но не опасни по живот.

Глобално затоплување: Русите на Арктикот открија пет нови острови

Руската морнарица објави дека откриле пет нови острови на Арктикот , што се појавиле по топењето на ледениците поради високите температури.

По експедицијата на руската армија во август и септември годинава, островите, кои до сега биле скриени под глечерите, се исцртани на мапи, но сè уште не се именувани, потврди командантот на руската северна флота, вице-адмиралот Александар Мојсеев.

- Оваа состојба, се разбира, главно се должи на промените што се случуваат со мразот. Порано имало глечери, а по топењето, пропаѓањето и промените во температурата, откривме нови острови - објасни Мојсеев на прес-конференција во Москва, пренесува Гардијан.

Состојбата на глечерите на Арктикот од 2015 до 2019 година беше полоша отколку во кој било друг петгодишен период од моментот кога биле направени мерењата, открива загрижувачкиот извештај на ООН за ефектите од глобалното затоплување, објавен минатиот месец.

Студијата, составена од повеќе од 100 автори заснована на 7.000 научни документи, објаснува какви се ефектите од зголемувањето на нивото на океаните, брзото топење на ледените плочи на Гренланд и Антарктикот и намалувањето на глечерите, што ќе се одразат на 1,3 милијарди луѓе, секој што живее во многу ниски области или висорамнини.

Порастот на нивото на морињата може да се зголеми за метар, десет пати повеќе отколку во 20 век, ако емисијата на стакленички гасови продолжи да расте, велат експертите. Покрај тоа, до 2300 година порастот на морското ниво би можел да надмине пет метри.

Русија во последните неколку години отвори голем број воени и научни бази на Арктикот, а интересот на сите најголеми сили во регионот се засили по зголемувањето на температурите,  по што се ставени на располагање големи резерви на нафта, гас и ретки минерали.

Адмиралот Мојсеев најави дека наскоро ќе се именува секој од островите.

притисни ентер