Свет

Светот се вознемири од прославата на муслиманскиот празник Ашура (Вознемирувачко видео)

Во страшниот ритуал на самоповредување , дел од прославата на муслиманскиот шиитски празник Ашура, учествуваат и мали деца.

Милиони шиити оваа недела го одбележаа празникот Ашура, годишнина од смртта на Хусеин, еден од внуците на пророкот Мухамед.

Ашура е национален празник во Авганистан, Иран, Ирак, Либан, Бахреин и Пакистан. Улиците на шиитските градови беа исполнети со верници, а таму беа снимени вознемирувачки сцени.

Поточно, на фотографиите се прикажани шокантни обреди и самоповредување во кои понекогаш се вклучени и мали деца.

Многу верници се упатија кон ирачкиот централен град Карбала, за да ги посетат неговиот гроб и храмот. Верниците одеа низ градот, се удараа со синџиро по грбот и градите и се сечеа со ножеви додека крв им ги покриваше телата и лицата. Други се удараа по градите со постојано темпо.

Ашура паѓа на десеттиот ден од Мухарам, првиот месец од исламскиот лунарен календар. Муслиманите го одбележуваат денот кога Мојсеј беше спасен од Египќаните. За шиитските муслимани, денот е од особено значење.

Тогаш Шиитите ја одбележуваат смртта на Хусеин во битката кај Карбала во 680 година. Хусеин беше внук на пророкот Мухамед и син на Али, основач на шиизмот.

Фестивалот со години беше забранет во Ирак под соборениот претседател Садам Хусеин.

Живот

Манекенка исчезнала лани, телото ѝ го нашле во друга држава- ја препознале по тетоважите

Телото на манекенката Кајкан Каенакам (31) е пронајдено во Бахреин, една година по нејзиното исчезнување.

Нејзиното тело било во мртовечница, а полицијата успеала да ја идентификува преку тетоважите.

Минатата година се преселила во Бахреин и почнала да работи во ресторан за да го издржува семејството откако кариерата ѝ пропаднала.

Манекенката редовно објавувала фотографии и видеа од својот живот на социјалните мрежи, а потоа одеднаш мистериозно исчезнала.

Нејзината последна објава била во април минатата година, а нејзиното исчезнување предизвика голема паника кај Тајланѓаните.

Членовите на нејзиното семејство со месеци се обидувале да ја најдат, а во потрагата се вклучила и амбасадата на Тајланд.

На 18 април, тајландската амбасада во Бахреин го известила нејзиното семејство дека нејзиното тело е пронајдено.

Во обдукцискиот извештај е наведено дека таа починала поради акутен пулмонален и срцев удар предизвикан од труење со алкохол.

Живот

Интернет сензација: Никој не може да поверува колку е стар (ВИДЕО)

Овој жител на Сингапур е вистинска интернет сензација.

Кога ќе ги видите неговите фотографии, ќе сфатите зошто се здоби со популарност, но има уште еден – многу поинтересен „детал“.

Чуендо Тан редовно објавува свои фотографии на Инстаграм и на други платформи, а луѓето не можат да поверуваат дека тој има 58 години.

Да, добро прочитавте. Овој човек е стар повеќе од половина век, а не би му дале над триесет. И тоа е многу!

Чуендо е роден во 1967 година, а своевремено работел како модел, пеел и глумел.

Успешно се занимава со модна фотографија и ја води својата агенција AVE Management.

Младешкиот изглед го одржува со редовни тренинзи, а особено внимава што јаде.

Свет

Патнички авион се излизга од пистата и заврши во нива (ВИДЕО)

Бразилски деловен авион во сопственост на приватна фармацевтска компанија полетал од аеродромот Чапеко до аеродромот Ерехим, на само петнаесет минути лет, и се излизгал од пистата за време на слетувањето.

Луксузниот Learjet 75 на фармацевтската компанија CIMED, регистриран под ознаката PP-DYB, полета со дел од раководството кон дестинацијата на облачно време во 13:35 часот. Авионот поминал само 13 минути во воздух и се вратил на аеродромот.

Меѓутоа, наместо да слета без проблем, авионот завршил од пистата на аеродромот Команданте Краермер во Ерехим.

За среќа, сите патници биле безбедно евакуирани, а CIMED, компанијата која го поседува овој луксузен авион, излезе со соопштение дека „сите патници се добро и нивната безбедност е приоритет на компанијата“.

Видео кое кружи на социјалните мрежи го покажува моментот кога авионот ја „напушта“ пистата на аеродромот.

Претседателот на компанијата, Жоао Адибе Маркес, објави дека истрагата ќе ја спроведе Регионалната служба за истрага и спречување на авионски несреќи.

Тој нагласи дека се надева оти истрагата ќе биде завршена што е можно поскоро.

Во несреќата која завршила со сериозни оштетувања на деловниот авион, еден од двајцата членови на екипажот и тројца патници се здобиле со полесни повреди што биле санирани на лице место, пренесува G1Globo..

притисни ентер