Свет

Најмалку три жртви во редок природен феномен што ја погоди Шпанија (ВИДЕО)

Најмалку три лица загинаа на југоистокот на Шпанија , погодена од редок природен феномен.

Уште едно лице го загуби животот во областа Алмерија , така што до сега тројца загинаа во реткиот природен феномен ,,студен дожд” (Gota fría).Во прекин е и железничкиот сообраќај , затворени се аеродромиоте , а отежнато се одвива и патничкиот сообраќај.

Со овој феномен , топлината на Средоземното Море се меша со студот од внатрешноста, создавајќи облаци од кои врне дожд во огромни количини.

Прогласени се вонредни состојби во областите Валенсија, Мурсија и Алмерија, каде жителите се соочуваат со поплави и евакуации на стотици жители.

Аеродромот во Мурсија е затворен, а оној во Алмерија полека се враќа во нормала, според операторот на шпанскиот аеродром Аена.

Во крајбрежниот град Аликанте многу туристи се погодени поради откажување на летовите поради лошите временски услови.

Во Алмерија едно лице загина кога со автомобил се обидел да се пробие низ поплавено подрачје, соопштија медицинските власти. Во четвртокот две лица загинаа во автомобил, кој беше потопен од порој.

Иако се чини дека времето ќе се подобри, во повеќе области највисокото ниво на предупредување останува на сила.

Постои опасност од излевање на реки како Сегура што го поплави малиот град Орихуел во близина на Аликанте.

Со околу 300 литри на метар квадратен, југоисточна Шпанија е погодена од најтешките дождови во последните години.

Македонија

МОН: Наставата од деновите на гласање ќе се надомести во работни денови

Министерството за образование и наука информира дека наставата од деновите на гласање, 24 април и 8 мај, како и од 30 ноември кога беше организиран Самитот на ОБСЕ во Скопје, наместо во саботи, ќе се надомести во работни денови.

Дополнувањето на нереализираните наставни часови ќе го планираат и организираат директорите на училиштата и ќе се реализира со подолг престој на учениците во денови од работната недела, во рамки на шестчасовното работно време на наставниците.

Потсетуваме дека наставната година за учениците од средните училишта трае до 10 јуни, додека за учениците од основните училишта до 17 јуни и потребно е да го зачуваме најдобриот интерес на учениците, а тоа подразбира тие во целост и квалитетно да ја совладаат предвидената наставна материја.

Министерство за образование и наука

Свет

Четворица млади Германци се уапсени, додека полагале бели рози во куќата на Хитлер

Четворица Германци биле фатени како положуваат бели рози во куќата во која е роден нацистичкиот лидер Адолф Хитлер во западна Австрија на неговиот роденденот, а една жена меѓу нив го извела нацистичкиот поздрав додека се фотографирала.

Полицијата во провинцијата Горна Австрија соопштила дека четворица Германци, две сестри и нивните партнери, на возраст од 20-ти и раните 30-ти, отишле во зградата во саботата за да положат бели рози во прозорците, објави Политико.

Тие се фотографирале пред куќата, а една од жените го извела нацистичкиот поздрав. Патролните службеници ја забележале групата и ги однеле во полициска станица на распит.

Жената рекла дека не била сериозна во врска со поздравот, но полицајците изјавиле дека нашле разговор со други на нејзиниот мобилен телефон, во кој споделувале пораки и слики со нацистички теми.

Полицијата соопшти дека ќе ги пријави сите четворица пред обвинителството поради сомневање дека го прекршиле австрискиот закон за забрана на нацистички симболи.

Хитлер е роден на 20 април 1889 година во Браунау ам Ин.

По долги расправии за иднината на куќата во која е роден, минатата година почна да се работи за нејзино претворање во полициска станица, што требало да ги одврати оние кои го величаат Хитлер и имаат намера да ја посетат.

Живот

Венеција почнува да наплаќа влезници за еднодневните посети

Од четврток, Вeнеција ќе почне да им наплаќа влез во градот на еднодневните патници, што е прв ваков случај во светот. 

Градското собрание на Венеција, минатата година соопшти дека ќе почне примена на целосно нова такса од пет евра за туристите кои доаѓаат на посета само за еден ден. Давачката, чија имплементација се одложува неколкупати, ги таргетира само туристите кои влегуваат во стариот дел од 8:30 до 16:00 часот по локално време, соопштија градските власти, појаснувајќи дека целта е да се подобри квалитетот на животот во градот. Потенцијалните казни за непочитување се од 50 до 300 евра. За деца до 14-годишна возраст нема да се плаќа таква такса.

притисни ентер