Свет

Се распушта канадскиот Парламент , Трудо распиша избори

Досегашниот канадски премиер Жастин Трудо објави денеска дека го распуштил Парламентот и објавил почеток на изборната кампања за изборите што ќе се одржат на 21 . октомври.

Либералниот лидер, кој бара втор мандат, се состана со генералниот гувернер на Канада, Џули Пајет, за да ја замоли да го распушти долниот дом на парламентот, во согласност со нејзината улога како претставник на кралицата Елизабета Втора.

„Се сретнав со нејзината екселенција, генералниот гувернер, која го прифати моето барање за распуштање на парламентот“, рече Трудо пред новинарите.

Според анкетите, либералниот лидер (47) ја почна кампањата со мал предност пред конзервативецот Ендру Шеер.

Трудо има тешка задача бидејќи неговата популарност опадна минатата година и пол по катастрофалното патување во Индија и политичкиот скандал на почетокот од оваа година. Либералниот премиер тогаш беше обвинет од поранешниот министер за правда Jоди Вилсон-Рејболд за закана од владини службеници и под притисок за корупција од страна на СНЦ-Лавалин.

Во средата, дневниот весник Глобус и Меил објавија дека федералната полиција го испитува евентуалното попречување на правдата во случајот.

Конзервативецот Ендру Шеер не ја пропушти можноста да го обвини Трудо за „лажење на Канаѓаните“ и дека веќе нема „морален авторитет“ да владее.

Според неодамнешната анкета, аферата би можела да го придружува Трудо за време на 40-дневната кампања со главни теми за климатските промени, како и економијата , еден од приоритетите на Канаѓаните.

Има вкупно четворица сериозни претенденти за премиерската фотелја.

Најголем фаворит е Трудо. Тој е син на поранешниот премиер Пјер Елиот Трудо и татко на три деца со сопругата Софи Грегоар, поранешна ТВ презентерка.

Негов главен противник е Шеер, лидерот на Прогресивните конзервативци од 2017 година, на кого ова му е прва изборна кампања. Шеер има 40 години и има пет деца. Тој беше пратеник во округот Саскатчан 15 години и во 2011 година стана најмладиот спикер на Претставничкиот дом.

Тој се спротивставува на данокот на јаглерод , воведен од владата на Трудо и сака да воведе данок на најзагадувачките производители и да ги вложи тие пари во научни истражувања во нови технологии.

Третиот кандидат е Џагмит Синг (40), лидер на Новите демократи и е првиот лидер на партијата од етничко или верско малцинство , кој привлече внимание со тоа што носи турбан. Овој Сик е роден во Канада и е по потекло од индиската провинција Пенџаб. Тој е посветен на толерантна, отворена, праведна и еколошка Канада.

Четвртата е Елизабет Меј, која во 2011 година стана првата зелена пратеничка во канадската историја. Таа како адвокат ја водеше големата еколошка организација Канадскиот клуб Сиера 17 години и потоа го презеде раководството на Зелената партија во 2016 година.

Регион

МД „Илинден“ бара Комитетот за национални малцинства во Тирана да постави повеќејазична табла

Македонското друштво „Илинден“-Тирана, побара од Комитетот за национални малцинства во Албанија да постави повеќејазична табла како што ветил пред една година, по доставеното барање од друштвото.

-На 31 јануари минатата година доставивме барање до три институции меѓу кои и Комитетот за национални малцинства за поставување повеќејазична табла на оваа институција. Месец дена подоцна Комитетот позитивно одговори на нашетобарање, но еве, помина повеќе од една година, а таблата не е поставена, рече Никола Ѓурѓај, претседател на друштвото.

Комитетот за национални малцинства е институција формирана од владата, во чиј состав е по еден припадник на деветте малцинства признати со закон во Албанија.

Ѓурѓај потсетува дека кусо по доставениот одговор на барањето на друштвото, повеќејазични табли биле поставени од страна на Комесарот за заштита од дискриминација и Народниот правобранител, што било поздравено од друштвото.

Македонија

Врховен ја уважи жалбата на таткото на Вања, излегува од притвор

Врховниот суд ја известува јавноста дека по одржаната јавна седница на ден 25.04.2024 година, Советот за казниви дела донесе Решение со кое жалбата на обвинетиот А. Ѓ., изјавена преку неговиот бранител ја уважи. 

Врховниот суд ја известува јавноста дека по одржаната јавна седница на ден 25.04.2024 година, Советот за казниви дела донесе Решение со кое жалбата на обвинетиот А. Ѓ., изјавена преку неговиот бранител Владимир Туфегџиќ, адвокат од Скопје, ја уважи, a решението на Апелационен суд Скопје КСЖ-320/24 од 02.04.2024 година, го преиначи на начин што определената мерка притвор против обвинетиот А.Ѓ. ја укина и за обвинетиот определи мерка куќен притвор и мерка на претпазливост.

Регион

Првите шест француски воени авиони Рафал слетаа во Загреб (ВИДЕО)

Две години и пет месеци откако Министерството за одбрана на Република Хрватска потпиша договор со Франција за купување на ескадрила користени повеќенаменски борбени авиони Рафал, првите шест авиони од типот Ф3-Р слетаа на аеродромот Плесо.

Така започна конечната реализација на зделката вредна 1,2 милијарди евра, што Загреб требаше да ги одвои за 12 авиони, опрема, резервни делови и обука на пилоти.

Летот од Бордо до Загреб траел еден час и 40 минути, а четири едноседи и два двоседи влегоа во хрватскиот воздушен простор над северниот дел на Јадранот.

„Рафал е авион со два мотори што има напредни сензори, напредни електронски системи... Тој е еден од ретките авиони што може да се наполни со гориво во воздухот, односно од други авиони. Има супер крстарење, може да оди со брзина од 1,4 мах без согорување на дополнително гориво, што го зголемува неговиот домет, а ја намалува потрошувачката на гориво И обично ќе најдете во литературата дека не е повеќенаменски авион, туку омни-наменски“, објасни Давор Третињак, раководител на Секторот за оружје и опрема на Министерството за одбрана.

„Добивме авион кој е „менувач на игри“, кој тотално ја менува играта во секој поглед. Со Rafale стануваме респектабилна сила во заштитата на воздушниот простор и им даваме можност на сите други да видат што имаме. Ништо не криеме, но јасно знаеме дека моментално сме во ваква ситуација со Rafale, со неговите способности, со луѓе кои се едуцирани да ја користат таа платформа на сили во регионот и како НАТО сојузник сме за почит“, рече бригадир Станко Хржењак од Одделот за воздухопловна безбедност на ХРЗ.

Идентитетот на луѓето кои биле во Франција на обука за пилотирање на Рафал е тајна.

Свеченоста за прием на првата група авиони се одржа во касарната „Полковник Марко Живковиќ“ во Плесо кај Загреб, каде ќе бидат сместени авионите долги 15,3 метри, со распон на крилата 10,9 метри и висок 5,34 метри. Целиот настан во организација на Министерството за одбрана беше директно емитуван на четвртата програма на ХРТ.

Во комплексот со вкупна површина од околу 20.000 метри квадратни, наменски се изградени нови згради за симулатори и ескадрила, хангар за одржување, згради за одржување на мотори, магацин за резервни делови и хангар за сместување на авиони. Вредноста на целиот комплекс се проценува на околу 37 милиони евра, пишува хрватскиот портал Index.hr.

притисни ентер