Филипче: Со укинувањето на квотите за лекови на рецепт го решаваме деценискиот проблем со недостиг на лекови

Во месец август се укинаа квотите за лекови на рецепт во аптеките во регионите на Охрид, Струга, Ресен, Дојран и Гевгелија, соопшти министерот за здравство Венко Филипче.

Со оваа одлука, во фази почна спроведувањето на мрежата за доставување на лекови без квоти и воспоставување на дополнителни механизми за заштита од злоупотреба. Целосното укинување на квотите за лекови на рецепт почнува на 1 октомври.

Придобивка од ова решение е надминување на проблемот со недостатокот на лекови, да бидат подостапни за пациентите.

„Го зајакнуваме нашиот здравствен систем. Ова е само еден сегмент. Го зајакнуваме системот на примарно здравство. Сериозно веруваме дека следната година ќе имаме целосно променета слика со патронажни сервиси кои ќе можат да им даваат услуги на пациентите во домашни услови, со лекови достапни во аптеките ширум државата. Тоа ќе значи поквалитетен здравствен систем, полесен пристап до здравствена услуга и задоволни пациенти“, изјави министерот Филипче.

Со укинувањето на квотите, пациентите:

• Ќе бидат во главен фокус во здравствениот систем за нивно обезбедување со квалитетни здравствени услуги и лекови согласно нивните потребите;

• Редовен пристап до лекови на рецепт во текот на целиот месец;

• Ќе бидат порелаксирани за посетувањето на лекарските ординации и аптеките каде нема да има големи гужви само заради пропишување и подигање лекови на рецепт особено на почетокот на месецот;

• Нема да имаат страв дека може да останат без потребниот лек за терапија доколку нема квоти во аптеките при крајот на месецот;

• Ќе можат да бидат обезбедени со лекови согласно нивните реални медицински потреби, без да прават залихи на лекови во нивните домови;

• Ќе можат да помогнат на здравствениот систем со подобро рационално користење на лековите и почитување на препораките од лекарите и фармацевтите;

Осигурените лица од први октомври ќе можат да ги подигнуваат лековите во аптека со рецепт и документ за лична идентификација (лична карта или пасош).

На рецептот го има името и презимето и единствениот матичен број  на осигуреникот на кого е препишан лекот. Доколку осигуреникот не може сам да го пидигне  лекот, тогаш го подигнува друго лице во негово име чиј број на лична карта се запишува на рецептот. На овој начин точно ќе може да се провери во секое време дали лековите ги добиваат лицата на кои се препишани. Со оваа мерка, граѓаните ќе имаат лекови во кој било период од месецот.

Иран најави уништување на секој агресор и на секоја ограничена агресија

Иран ќе го протера  секој агресор, дури и ако изврши ограничен напад, ќе го најде и ќе го уништи, изјави шефот на иранската револуционерна гарда Хусеин Салами.

Бидете внимателни, ограничената агресија нема да остане ограничена . Ќе следи казна а ќе продолжиме до конечно уништување на било кој агресор, порача шефот на иранската револуционерна гарда.

Македонски и бугарски новинари во Охрид водат дијалог против предрасудите

 Во Охрид денеска започна првата средба во рамките на новинарската иницијатива „Викенд на дијалог – новинари против предрасудите"  .

Чија цел е зајакнување на професионалното новинарство наспроти лажните вести преку подобрување на меѓусебната комуникација  и соработка на новинарите.

На официјалниот почеток од средбата присуствуваше и амбасадорот на Република Бугарија во Скопје, Ангел Ангелов кој рече дека професионалноста на новинарот се гледа кога тој знае до каде му е мерката, ја почитува етиката и ја пренесува вистината. Новинарската иницијатива „Викенд на дијалог", според амбасадорот Ангелов, ќе помогне во негувањето на добрососедските односи помеѓу двете земји.

-Овој проект што го финансира Министерството за надворешни работи на Република Македонија е мошне важен за отворањето на двете држави и негување на Договорот за пријателство и добрососедство, како и за решавање на проблемите и стереотипите кои се наталожени со децении. Сметам дека на оваа средба учествуваат претставници на традиционалните и релевантни медиуми кои се водат според професионалните критериуми, рече амбасадорот Ангелов.

Тој појасни дека професионалниот ангажман на новинарите ќе биде многу важен и за два настана што треба да се случат во иднина.

–Прво, членството во Република Македонија во НАТО ќе значи нова доверба  помеѓу двете земји бидејќи војниците на двете земји ќе бидат на бојното поле еден до друг и треба да  внимаваат едни со други и да имаат  меѓусебна доверба. Второ, од 1 јануари 2020, Република Македонија и Република Бугарија се претседавачи со Берлинскиот процес, така што администрациите во двете земји треба да соработуваат меѓусебно. Вие како професионални новинари ќе помогнете со тоа што ќе придонесете нашите две држави да се претстават што е можно најдобро, порача амбасадорот Ангелов на средбата на новинари во Охрид.

Како што истакна министерот за отчетност и транспарентност во Владата на Република  Македонија, Роберт Поповски, во текот на последните години, Република  Македонија и Република Бугарија докажуваат дека  се на вистинскиот пат и темелно ги враќаат релациите односите, градејќи го пријателството помеѓу двата народа врз сериозни столбови.

-Новинарството е професија којашто коригира, којашто оплеменува, и токму од тие причини мислам дека новинарството е токму таа професија којашто ги зближува и народите, и нациите, и граѓаните од кои било делови на светот. Токму така ја доживувам и оваа викенд средба во Охрид. Верувам дека ваков респектабилен собир на колеги од двете држави, и отворен дијалог на темите коишто можат да значат и предрасуди, и надминувања, и лажни вести, и говор на омраза, ќе придонесе многу кон градење на мостовите помеѓу двете држави, рече Поповски.

На првата средба од новинарската иницијатива „Викенд на дијалог-новинари против предрасудите", како што истакна Виктор Стефановски, медиум-организатор на настанот,  учествуваат новинари и претставници на релевантни медиуми од Република Бугарија и Република  Македонија кои разговараат меѓусебно без какви било посредници, за состојбата во медиумите и креирањето на информациите, но и за тоа како да ги лоцираат точките што предизвикуваат емоции во известувањето.

– Целта е овие неколку денови заеднички да изградиме здрава основа за уривање на стереотипите и предрасудите кои веројатно постојат кај секој од нас, а за жал биле градени и подигнувани со години наназад. Што е поважно во креирањето информации? Можат ли новинарите конечно да го победат говорот на омраза? Ова се само дел од прашањата на кои ќе се обидеме заеднички да најдеме одговор и да застанеме на истата страна во официјалните, но и неформалните дебати што ги имавме и ќе ги имаме на различни локации, истакна Стефановски.

„Викенд на дијалог – новинари против предрасудите” е новинарска иницијатива за зголемена меѓусебна комуникација и размена на информации на новинари од соседни земји со цел јакнење на професионалното новинарство контра лажните вести.

Носител на оваа иницијатива е Здружението за промоција на дијалогот, толеранцијата и човековите права „Медиум" – Скопје, а проектот е поддржан од Амбасадата на Република Бугарија во Скопје.

ВМРО-ДПМНЕ: МВР е тотално парализирано во борба против криминалот

Нарко бандите гледаат сојузник во Оливер Спасовски и неспособното раководство на МВР.

МВР е тотално парализирано во борба против криминалот заради партизацијата и корумпираноста на Оливер Спасовски и неговите соработници.

Реализираната акција е тотално фијаско!

Акцијата или е пробиена од корумпираните кадри на Спасовски или истите намерно доставувале лажни информации за да ги заштитат крупните дилери и нарко банди.

Нема друг начин да се протолкува фактот што Спасовски ангажираше преку илјада полицајци на ниво на држава за да биде запленето симболично количество на марихуана, помалку од тоа што може да се најде секоја вечер во диско клуб.

Затоа МВР денеска се обиде да сокрие колку точно наркотици се запленети, дефокусирајќи со скромните заплене од изминативе два месеци.

Затоа МВР денеска се обиде да сокрие дали имало приведени и притворени и доколку немало, зошто немало.

Улиците се преплавени со наркотици, а наркобандите владеат со градовите заради заштитата од Спасовски. Главните дилери се на слобода, а полицијата им ги има препуштено улиците за тие да ја делат правдата меѓу себе.

Поразителен е ефектот од работењето на Оливер Спасовски. Време е неспособниот и корумпиран министер да си даде оставка и целосно да се посвети на приватните бизниси и на сечењето пастрмајлии.

Центар за комуникации на ВМРО-ДПМНЕ

притисни ентер