Живот

Видео: 18 години од нападот кој го промени Светот!

Исламистите од „Ал Каеда“ на 11 септември во 2001 година го извршија најголемиот терористички напад во историјата на човештвото.

Терористите од „Ал Каеда“ киднапираа авиони кои потоа удрија во кулите близначки во Њујорк и во Пентагон при што убија околу три илјади луѓе.

Овој терористички напад кој ја зави Америка во црно комплетно го промени светот.

Во нападите загинаа точно 2974 лица, а во четирите киднапирани авиони настрадаа вкупно 266 луѓе.

Меѓу загинатите се и 343 пожарникари, 23 полицајци од Њујорк, уште 37 полицајци кои биле во Светскиот трговски центар, потоа 125 цивили и членови на војската во Пентагон.

Според официјалниот извештај 19 терористи припадници на „Ал Каеда“ киднапирале четири патнички авиони . Два од нив удрија во Светскиот трговски центар на Менхетн во Њујорк, по еден во секој облакодер, по што кулите близначки се срушија. Третиот авион удри во Пентагон, главното седиште на Министерството за одбрана на САД. Четвртиот авион се сруши во рурален дел во Пенсилванија 130 километри источно од Питсбург, откако патниците се обиделе да ги неутрализираат терористите киднапери на авионот. Официјалниот извештај покажува дека терористите киднапираните авиони ги претвориле во самоубиствени бомби.

Терористичкиот напад на 11 септември спаѓа меѓу најзначајните настани кои се случиле во 21 век и воопшто во историјата , поради тоа што предизвика големи воени, политички социјални и други последици за светот.

Свет

Избрани 12 поротници за судењето против Трамп

Меѓу 12-те поротници има седум мажи и пет жени, според Си-Би-Ес Њуз.

Судот во Њујорк назначи 12 поротници кои ќе ја донесат конечната пресуда во врска со обвинението против поранешниот американски претседател Доналд Трамп за наводно фалсификување деловни документи во случајот со тајни плаќања на порно актерката Сторми Даниелс, пред судот во Менхетен.

Меѓу 12-те поротници има седум мажи и пет жени, според Си-Би-Ес Њуз. Изборот на поротата ќе продолжи денеска, бидејќи до почетокот на судењето треба да се изберат уште шест резервни поротници.

„Имаме порота“, рече судијата Хуан Мерчан откако новите поротници се заколнаа дека ќе носат одлуки „праведно и непристрасно“.

Мерчан посочи дека судот е на добар пат да го започне судењето со воведни зборови од понеделник, 22 април.

Обвинението поднесено од обвинителот Алвин Брег го обвинува Трамп за фалсификување деловни извештаи со цел да се прикрие исплатата за порноѕвездата Сторми Даниелс непосредно пред изборите во 2016 година. Обвинителството најави дека ќе се фокусира на финсиските средства што Трамп му го дал на својот поранешен соработник Мајкл Коен, кој тврди и дал 130.000 долари на Даниелс, со цел да ја замолчат за нејзината наводна афера со Трамп. Според Обвинителството, тоа бил обид за незаконско влијание врз изборите во 2016 година. Ваквите исплати во САД не се нелегални, но според обвинителите Трамп направил кривично дело со неправилното евидентирање на надоместокот за Коен како правни трошоци. Трамп е обвинет за вкупно 34 кривични дела за фалсификување деловни книги од прв степен. /МИА

Македонија

Тошковски: Расчистена кражбата на сеф од маркет Рептил во Црниче

Министерот за внатрешни работи во техничката влада Панче Тошковски, на Фејсбук објави дека е расчистена кражбата на сеф од маркет во Црниче.

„Расчистена кражбата на сеф од маркет Рептил во Црниче.

Во врска со тешка кражба во маркет Рептил извршена на 1 април 2024 година во населба Црниче, Секторот за внатрешни работи Скопје презема оперативно-тактички мерки и истражни дејствија и ги лиши од слобода лицата В.З и В.Т од Скопје.

На ден 18.04.2024 од страна на инспектори од ОКР Кисела Вода заедно со полициски службеници од ЕИП и ПС Ѓорче Петров врз основа на издадена судска наредба од Основен Кривичен Суд Скопје изврши претреси на дом и други простории кај двете лица.

Истиот ден од страна на ЕВР Кисела Вода поднесена е кривична пријава за кривично дело “Тешка кражба” предвидено и казниво по член 236 од КЗ, а од страна на судија на претходна постапка за едното лице определена е мерка притвор“, стои во објавата на Тошковски.

Свет

Украина тврди дека соборила руски бомбардер Ту-22М3

Командата на украинските воздухопловни сили соопшти дека собориле руски бомбардер Ту-22М3.

Во соопштението се наведува дека руската армија во текот на ноќта ја нападнала територијата на Украина со 22 типа проектили и 14 беспилотни летала од типот „Шахед“.

Наведено е дека украинските сили уништиле две крстосувачки ракети Х-101/Х-555, 14 беспилотни летала, 11 наведувани ракети Х-59/Х-69 и две крстосувачки ракети Х-22.

„Ракетните единици за противвоздушна одбрана на Военото воздухопловство, во соработка со Главната управа за разузнавачки работи на Министерството за одбрана на Украина, по првпат соборија стратешки бомбардер со долг дострел од типот Ту-22М3, носач на крстосувачки ракети Kh-22, кои руските терористи ги користеа за да ги нападнат мирните украински градови“, пишува во соопштението.

Руското Министерство за одбрана соопшти дека воениот бомбардер од типот „Ту-22М3“ се урнал во Ставрополската област поради техничка неисправност, а пилотите се катапултирале. Тројца од четворицата пилоти се пронајдени, додека по четвртиот се трага, наведува руското Министерство. /МИА