Штрајкуваат со глад рударите во Зеница, интервенирала и итната помош

Десетици рудари почнаа штрајк со глад во рудникот во Зеница, БиХ, со барање за исплата на заостанатите плати.

Поради тешката состојба на рударите , интервенирала и итната медицинска помош , но штрајкот не го прекинуваат.

Рударите во рудникот за јаглен во Зеница деенска решија да останат во јамите за да протестираат против одложувањето на исплатата на платите, а заради лошата здравствена состојба на дел од нив, екипите на брзата помош мораа вечерва да интервенираат за да им помогнат на најмалку тројца рудари на кои им се слошило.

Десетици рудари од првите две смени влегоа во јамите на рудниците Страњани и Стара јама во текот на денот, но по работното време одбиваа да заминат и најавија дека ќе останат во јамите додека не се исполнат нивните барања.

Тие ја донесоа одлуката откако преговорите меѓу нивните претставници и претставниците на владата на Федерацијата на БиХ беа завршени без договор во Сараево во текот на денот.

Претседателот на синдикатот на рударите, Нијаз Вардо изјави денеска дека рударите попладне излегоа на штрајк со глад во Старата пештера.

Сметките за рудникот Зеница беа блокирани поради акумулираниот даночен долг кој надминува 70 милиони евра, така што на рударите не им е исплатена августската плата.

Министерот за енергија, рударство и индустрија на Федерацијата на БиХ, Нермин Зиндиќ, по преговорите со претставниците на рударите рече дека сегашната состојба е неодржлива, но истакна дека не е одговорност на владата, туку на администрациите на рудниците и „Електропривреда БИХ“ во кои работат.

Тој рече дека рудникот Зеница со години бил непрофитабилен бидејќи има загуби од 100 евра за тон јаглен.

Претставниците на синдикатот на рударите најавија дека би можеле да излезат на штрајк од 13 септември, доколку до тогаш нивните плати не бидат исплатени.

Викендот изречени 54 казни за паркирање во зеленило на Водно

– Благодарение на овие засилени контроли на градските комунални редари викендов беше избегнат метежот од возила, бесплатните автобуси беа полни, а посетителите имаа оптимални услови за рекреација, стои во денешното соопштение од Град Скопје.

 За да се заштити планината Водно од загадување и за да се овозможи непречено и безбедно движење на сите учесници во сообраќајот, а особено на пешаците и на велосипедистите, градските комунални редари и овој викенд вршеа засилени контроли за паркирање во зеленило и изрекоа вкупно 54 казни за паркирање во зеленило, од кои осум во саботата и 46 во неделата.

Бесплатниот автобуски превоз викендов го искористиле над 4.000 патници на трите бесплатни автобуски линии кои прават 29-тури дневно кон Средно Водно. Паркингот на Водно викендов го искористиле 332 возила според бројот на испратени СМС пораки.

– Благодарение на овие засилени контроли на градските комунални редари викендов беше избегнат метежот од возила, бесплатните автобуси беа полни, а посетителите имаа оптимални услови за рекреација, стои во денешното соопштение од Град Скопје.

Како дел од континуираните заложби да се овозможи безбедно рекреирање на пешаците и на велосипедистите во деновите кога е најпосетено и спречување метеж од возила за време на викендите, се посочува во соопштението, Град Скопје воведе бесплатен автобуски превоз за време на викендите и празниците, а на паркиралиштата на Средно Водно е воведено зонско паркирање.

На паркиралиштата е поставена соодветна хоризонтална и вертикална сигнализација, како и информативни табли. Паркирањето е бесплатно за хендикепираните лица, како и за туристичките автобуси.

Градот Скопје апелира до граѓаните да го чуваат зеленилото и другите јавни површини, а своите возила да ги паркираат исклучиво на означените паркиралишта. 

Дендиас: Западниот Балкан е инетегрален дел од Европа

-Тука сме и затоа што Солун е крстосница на Истокот и Западот и го поврзаува Западниот Балкан со три континети, додаде Дендиас.

Ние европските соседни земји на Западен Балкан потврдуваме дека регионот е интегрален дел од Европа, изјави шефот на грчката дипломатија, Никос Дендиас на отворањето на конференцијата насловена „Од Солун до Загреб", на која учествува и министерот за надворешни работи Никола Димитров.

Говорејќи на сесијата „Унапредување на европската интеграција на Западен Балкан: Актуелни предизвици и перспективи", Дендиас нагласи дека Солун е избран за домаќин на Конференцијата затоа што тука во 2003 година е утврдена Солунската агенда, која ги регулираше односоите меѓу ЕУ и Западен Балкан.

-Тука сме и затоа што Солун е крстосница на Истокот и Западот и го поврзаува Западниот Балкан со три континети, додаде Дендиас.

Според него, овој собир се одржува во време кога ЕУ се соочува со глобални предизвици и кога изгуби една своја земја членка, па затоа во овој критичен момент мора да ја задржи европската идеја.

Тој потенцира дека политката на проширување важна за надминување на поделбите на континтот, додавајќи дека европската перспектива за земјите од Западен Балкан е во политички и еконмски интетес на ЕУ и ќе придонесе за зајкнување на единството на Унијата.

Според Дендиас, нема дилеми дека регионот и припаѓа на ЕУ, но западнобалканските земји мора да се посветат на владеењето на правото, почитување на човековите права и зајакнување на демократските институции. Дендиас потенцира дека ЕУ мора да ги испсолни своите ветувања за интеграција на земјите од регионот, со што ќе се постигне трансформација на Западниот Балкан, негово интегрирање во пазарот на Унијата, создавање поповолна економска клима, намалување на невработеноста, привлекување нови инвестиции и запирање на одливот на мозоци.

-Иднината на Западниот Балкан е во ЕУ, истакна Дендиас.

По сесијата „Унапредување на европската интеграција на Западен Балкан: Актуелни предизвици и перспективи", која се одржува зад затворени врати и на која е предвидено обраќање на сите учесници, собирот ќе продолжи со работен ручек на тема „Западен Балкан во Европа: Патот напред". 

Церар: Се надевам дека Македонија и Албанија ќе почнат преговори во март

Нема сомнеж дека на Македонија ќе и биде одобрен старт на преговорите, потенцира Церар.

 Оптимист сум дека ЕУ ќе ги исполни своите ветување и се надевам дека Македонија и Албанија ќе почнат преговори за членство во март, изјави денеска словенечкиот министер за надворешни рабори Миро Церар, пред почетокот на Конференцијата во Солун посветена на европските перпесктиви на земјите од Западен Балкан.

-Убеден сум дека Македонија и Грција направија историски напредок со потпишувањето на Преспанскиот договор. Македонија покажа политичка мудрост и храброст и подготвеност за реформи. Нема сомнеж дека на Македонија ќе и биде одобрен старт на преговорите, потенцира Церар.

Тој оцени дека Албанија, исто така, постигнала напредок, пред се, во процесот на ветинг, па затоа се надева дека на двете земи ќе им биде одобрен почеток на преговорите за членство во март.

-Словенија силно ги поддржува Македонија и Албанија за почеток на процесот на преговори. Тоа е особено важно за граѓаните на двете земји, нагласи Церар. /МИА.

притисни ентер