Реновиран пунктот за вакцинација во Поликлиниката Чаир, магнетната резонанција ќе работи до 23 часот

 Министерот за здравство Венко Филипче и директорот на ЈЗУ Здравствен дом – Скопје Виктор Исјановски денеска ја посетија Поликлиниката Чаир, каде е реновиран пунктот за вакцинација.

Покрај реновираниот делот за вакцинација, има една просторија која е опремена со играчки, а целосно се реновирани просториите каде се врши апликацијата на вакцините, лекарските ординации и собата каде работат медицинските сестри.

– Ова е почеток на реновирање на сите вакцинални пунктови во рамки на Здравствениот дом во Скопје. Следат поликлиниките во „Јане Сандански", во Бит-пазар и во Ѓорче Петров.  Дополнително на реновирањето на овие делови – вакцинални пунктови ќе се реновираат и сите други амбуланти таму каде што е најкритично. Една од најруинираните згради е амбулантата во Ѓорче Петров и направивме наша стратегија и договор од таму да почнеме со целосно реновирање на амбулантата, најави Филипче.

Според него, Здравствениот дом – Скопје врши многу значајна работа во делот на здравствениот систем. Тука се наоѓа и апаратот за магнетна резонанција.

– Новина е тоа што веќе од минатата недела пуштени се термини и за трета смена, наместо до 20 часот, магнетната резонанција ќе работи до 23 часот што значи дека ќе се намали времето на чекање за изведување на магнетна резонација на територијата на Град Скопје. Одлично е искористен и апаратот за  компјутеризирана томографија што се наоѓа во поликлиниката „Јане Сандански", овде во Чаир се наоѓа и дигиталниот томограф од каде што доаѓаат за снимање жени по програмата за превенција од територијата на цела држава, рече Филипче.

Министерот за здравство информира дека прават планови за набавка на мали возила кои ќе ја промовираат патронажната служба. Најави дека во следните денови ќе се потпишат договорите на повеќе од 20 доктори кои ќе работат во патронажните сервиси.

– Тоа беа невработени доктори. Со нашиот повик за вработување на доктори и медицински сестри практично сите имаа можност да се пријават на овој оглас. Тоа е програма која за почеток трае шест месеци, меѓутоа работиме на тоа да се обезбедат средства за следната година да биде и на повеќе месеци, рече Филипче.

Министерството за здравство, како што рече, распиша уште една набавка за амбулантни возила.

– Последната анализа покажа дека возилата што ги набавивме за Здравствениот дом – Скопје сега се сосема доволни, може да одговорат на барањата на граѓаните и тие ќе бидат наменети за здравствените домови ширум државата. Продолжуваме со зајакнување на примарната поликлиничка дејност не само во рамки на Здравствениот дом – Скопје, туку и ширум државата со новите вработувања, патронажните сервиси и тоа што ги интересира концесионерите и примарните доктори зголемување на капитацијата која што ќе почне од 1 октомври оваа година, рече Филипче.

Директорот на ЈЗУ Здравствен дом – Скопје Виктор Исјановски изјави дека е големо побарувањето за магнетната резонанција и затоа се решиле да воведат, како што рече, трета полусмена, со отворање на шест до седум термини.

– За да се направи едно такво снимање потребно е самиот техничар којшто е таму да го подготви пациентот, а тоа трае од 30 до 40 минути. Времето е малку поголемо, но имаме голема побарувачка не само од Скопје, туку и од целата држава. Се надеваме дека и понатаму доколку дозволат условите, ако треба да отвориме и до 00:00 часот да имаме термини за магнетна резонанса, но засега ќе биде до 22:30 часот, рече Исјановски.

Најави дека размислуваат и за компјутерот што е во Поликлиниката „Јане Сандански".- Таму веќе пуштивме доктор затоа што таму имавме мал проблем со препокривање на колегата од Поликлиниката Драчево, но веќе имаме готов специјалист којшто работеше во Итната медицинска помош и тој отиде постојано да биде на тоа работно место, рече Исјановски. Додаде дека оваа поликлиника опфаќа некаде околу четири општини, каде живеат над 130.000 граѓани, но се дозволува и пациенти од другите градови да можат да ја искористат здравствената заштита.

Дваесет и осумгодишна кавадарчанка си слави седми роденден

Kавадарчанката Славица Димова Вареловска е меѓу ретките во државава што со нетрпение го чекаат 29 февруари, бидејќи полни 28 години, а го слави седмиот роденден. 

Годинава е престапна, па сите што дошле на свет последниот ден од месецот имаат посебна причина за славење.

– Годинава имам можност да си го славам роденденот токму на денот кога сум родена. Kога годините не се престапни, роденденот го одбележувам на 28 февруари. Но, никој од моите блиски не ми го признава тој датум за роденден, па ми честитаат дури на 1 март, открива дипломираната економистка.

Кога била мала, всушност не била свесна за овој интересен податок околу нејзиното раѓање.

– Дури кога го славев вистинскиот четврти роденден, кога наполнив 16 години, тогаш малку се замислив, ми дојде интересно, си велам на секои четири години роденден. Дотогаш не ми беше датумот на раѓање некоја голема возбуда или нешто посебно интересно. Тогаш си реков, е па добро е по нешто да се разликуваш од другите. Тоа го прифатив на 16. роденден, како тинејџер, вели Димова Вареловска.

Тогаш ги сфатила своите родители кога ѝ објаснувале за раѓањето на бележит ден. А ѝ кажувале дека биле многу среќни кога се родила. Низ годините, сите што ја запознавале, се чуделе на нејзиниот датум на раѓање, па јавно прашувале да не е можеби некаква грешка при запишувањето на денот кога е родена. Kога сфаќале дека не е шега, велеле оти се среќни што првпат среќаваат некој посебен, роден на тој ден.

– На кој и да му кажам кога сум родена вели – супер, на секои четири години славиш роденден. Некои се смеат и веднаш ме прашуваат како го славиш роденденот. Но, се случува и да се зафркаваат со мене, да ми велат дека сум малолетна и да ме прашуваат што барам со нив јас толку мала. Немој да пробуваш алкохол, коментираат за мојата малолетност. Па ми велат ќе ми подареле играчка оти сè уште сум била мала. Kога наполнив 16 години, другарките ме изненадија со торта со бројот 4, во согласност со мојот четврти роденден. Пред четири години, од нив добив прекрасен подарок, мојот лик изработен од дрво и натпис среќен шести роденден, раскажа младата кавадарчанка.

Ја прашавме дали знае за иницијативата во светот да се смени календарот со цел да нема вакви проблеми со времето.

– Искрено не би сакала да се случи тоа. Би сакала да остане како што е. Интересно е вака, мислам дека со причина сум родена на тој датум. Верувам дека сум посебна на некој начин, дека мојот датум на раѓање е дар од Бога, благодат, сигнал. Ми се чини дека има некоја магија, таинственост, симболика, но сè уште ја немам откриено тајната. Се надевам дека има нешто во фактот што сум родена токму тогаш, а не во друг ден. Јас сум една од редот на ретките, избраните, посебните и свесна сум за тоа. Многумина ми рекле дека сакаат да се на мое место, вели Димова Вареловска.

Таа и за овој роденден, како и досега, нема посебни желби, сака само да си помине убаво и да го памети седмиот роденден, кој го прославува како среќна ќерка, сестра и сопруга. Има и предлози за оригинална прослава во игротека, со јунаци од цртаните филмови.

– Не сум полнолетна уште. Полнам седум години, а веќе работам, се смее Димова Вареловска.

Барала и други лица родени на 29 февруари, но потрагата оди тешко. Сака да запознае луѓе што се родени на 29 февруари во високосна година, како што велат тиквешани.

– Би било убаво да се дружиме и да организираме различни настани како што се прави во светот. Во некои од земјите, како што можеме да видиме преку интернет, се реализираат посебни збиднувања за луѓе родени на последниот ден на февруари во престапна година, како крстосување или слично, додава Димова Вареловска за МИА. /МИА

Дневен хороскоп за 29. февруари 2020 година

Дневен хороскоп за сабота , 29. февруари 2020 година.

Риби 20.2.- 20.3.

Љубов

Мал чекор ве дели до помирување и поквалитетни односи , но потребно е само малку трпение.

Кариера

Веројатно ќе добиете добар договор за спонзорирање на еден проект за што се сомневавте.

Здравје

Имајте малку повеќе верба.

Овен 21.3-20.4.

Љубов

Преодна несигурност би можела да биде поврзана со погрешно изразување или недоразбирање. Не навлегувајте во расправија.

Кариера

Вашите претпоставени денеска ќе бидат полни со елан и нови планови за развој на работата , а вие ќе имате помалку енергија. Издржете.

Здравје

Одете чекор по чекор.

Бик 21.4- 20.5.

Љубов

Ако имате лични проблеми , прифатете еден неврзан повик на кафе , зашто така ќе си ја олесните душата.

Кариера

Можеби ќе ви предложат да одите на кусо деловно патување за да ја согледате состојбата и да донесете нови информации од терен.

Здравје

Средете го ритамот на работата и одморот.

Близнаци 21.5.-21.6.

Љубов

За некои овој ден ќе биде за паметење , а особено вториот дел.Оние кои бараат сродна душа , секако треба да излезат.

Кариера

Ќе биде одлично , координирани и со вистинско чувство за секоја задача. За вас денеска нема препреки.

Здравје

Уживајте во секој момент.

Рак 22.6-22.7.

Љубов

Ќе одработите уште некои работи од минатото , за да можете посмело да тргнете натаму. Нема да ви биде лесно , но ќе бидете доследни.

Кариера

Ќе ви обрнат внимание и ќе може да си го изразите своето мислење. Вашите идеи ќе бидат разгледувани , но за нив ќе нема мислење.

Здравје

Премногу се грижите.

Лав 23.7-22.8.

Љубов

Денеска малку ќе ве измачуваат стари мечти и неисполнети надежи , па затоа најдобро е да се повлечете и смирите. Не инсистирајте на ништо.

Кариера

Иако ќе работите посветено и без застој , денеска ќе ви изгледа како да работите недоволно.

Здравје

Поработете на вашето трпение.

Девица 23.8.-23.9.

Љубов

Ако се чувствувате осамено , побарајте друштво на пријателите. Тие ќе бидат вистибнски мелем за вас.

Кариера

Конечно ќе ви стане јасно дека она што го работите вреди повеќе отколку што мислевте . Со тоа сознание полесно ќе работите.

Здравје

Бидете искрени кон сите.

Вага 24.9.-23.10.

Љубов

Пред вас е убав ден за дружење , било да се решите за излегување со саканата личност , било да се прошетате и се напиете кафе со познаници.

Кариера

Денеска лесно ќе излегувате на крај со обврските доколку работите со колеги , но ако сте сами на работното место , ќе ви недостига некој за да поразговарате.

Здравје

Радувајте се на она што е добро.

Шкорпија 24.10-22.11.

Љубов

Можно е решение на некој семеен проблем , што долго ве измачуваше. Веројатно ќе најдете заеднички јазик.

Кариера

Успешно ќе завршите една деловна фаза и ќе свртите нов лист.Ќе биде тоа чекор напред за вас.

Здравје

Не се сомневајте ,туку работете.

Стрелец 23.11.-21.12.

Љубов

Денеска е ден кога во љубовните теми ќе помешате скромност со високи идеали. Резултатот ќе биде збунетост на другата страна.

Кариера

Соработниците ќе ве подржат и ќе ви изразат симпатии , но кога станува збор за стручноста , никој нема да ви прогледа низ прсти.

Здравје

Се е во ред.

Јарец 22.12.-20.1.

Љубов

Вашиот љубовен шоу ќе продолжи со поврзување со личност од надвор. Некои ќе добијат љубовен меил или порака од странство.

Кариера

Својата стручна способност денеска ќе ја надувате до крајни граници , но никој нема да ви замери , зашто ќе бидете уверливи.

Здравје

Почнете да спортувате.

Водолија 21.1.-19.2.

Љубов

Ќе имате вистински баланс за уживање и љубов , апосебно во конкретни ситуации.Оние во врска ќе бидат многу задоволни.

Кариера

Денеска исправно ќе се поставите , зашто ќе знаете да ги испочитувате не само строгите правила, туку и човечките потреби.

Здравје

Мала главоболка.

Volkswagen Golf претстави три верзии од осмата генерација (ФОТО)

По неколкумесечно очекување, Фолксваген конечно го претстави спортскиот перформанс на осмата генерација на Голф во три различни изданија.

Во однос на силата, понудите се движат од перформансите на GTD. Се напојува со 2.0 дизел мотор од 200 КС и 400Nm, исклучиво во комбинација на седумстепен автоматски менувач.

Претставен е и хибриден GTE, во овој случај станува збор за бензински 1,4 TSI со 150 КС и електричен мотор за синергистички 245 КС и 400 Nm. Трае до 60 км, но само ако се вози до 130 км на час.

И, конечно, неговото величество GTI, а во него е 2.0 TSI со 245 КС и 370 Nm. Тука има стандарден мануелен менувач, а DSG за дополнителна наплата.

Новости за дизајнот е LED лентата на предниот дел, на која се приклучува уште една лента, за GTI во црвена боја, GTD во сребрена боја и хибридната во сина боја. 17-инчните алуминиумски тркала се исто така достапни како стандардни, а со GTI има двоен ауспух и дифузер. GTD има и две издувни цевки на задниот дел, но од едната страна.

Аспирациите на возачот се подредени на суспензијата и на остатокот од механиката според режимите Comfort, Eco и Sport, а во иста насока оди и спортскиот ентериер.

И во кабината, освен разлика во бојата, GTI има управувач со црвени детали, GTD со црна и GTE со сина боја. Дигиталниот кокпит има 10-инчен екран за инфозабава, а тука се сите системи за асистенција и поврзување, прикажани на класичната осумка. Премиерата требаше да биде во Женева за неколку дена , но сега, поради коронавирусот и откажувањето, не е познато , ниту колку ќе чини , ниту од кога почнува продажбата на овие три спортски модели на Голф.

притисни ентер