Во Париз денеска средба на Макрон и Мицотакис

Привлекување инвестиции, намалување на примарниот суфицит за 2021 година, стабилност и безбедност во регионот и поддршка за зелената агенда на Макрон.

Се целите со кои премиерот на Грција, Кирјакос Мицотакис заминува за Париз, каде што денес ќе оствари средба со претседателот на Франција, Емануел Макрон.

Според грчки владини извори, Мицотакис на денешната средба ќе испрати порака дека Грција по 10-годишна криза сврти нова страница и има реформска влада, а една од целите е во рамките на состанокот со Макрон да упати повик до француските бизнисмени да инвестираат во Грција, јави дописничката на МИА од Атина.

Во Јоханесбург е убиен припадник на српското подземје , 10 години баран со потерница

Горан Релиќ- Трта од Земун е убиен утрово во Јужна Африка, јавуваат српските медиуми.

Против него била распишана потерница поради сомнение за вмешаност во убиството на 37-годишниот Звонко Пилчевиќ во 2009 година.

Белградската полиција во 2009 го расветли убиството на Звонко Пилчевиќ и трагаше по 50 – годишниот Горан Релиќ , наречен Трта од Земун и 45- годишниот Никола Булатовиќ од Белград, познат како Пиџа во белградското подземје.

Двајцата се осомничени дека го претепале Пилчевиќ до смрт, пренесува Вечерње новости.

Муцунски се сретна со директорката на одделот за Западен Балкан, при службата за надворешни работи на ЕУ, Фенет

Меѓународниот секретар на ВМРО-ДПМНЕ, Тимчо Муцунски денеска оствари средба со директорот на одделот за Западен Балкан, при службата за надворешни работи на ЕУ, Елса Фенет.

Според партиското соопштение, на средбата се разговараше за актуелната политичка состојба во државата, реформските приоритети и предизвиците со кои се соочува Република Македонија на европскиот пат.

Муцунски на средбата истакна дека најголем проблем со кој се соочува државата е криминалот и корупцијата и нивната неказнивост. Тој посочи дека се потребни суштински промени во правосудниот систем за борба против случаите на висока корупција.

Меѓународниот секретар на ВМРО-ДПМНЕ додаде дека актуелната власт нема капацитет да ги спроведе потребните реформи. Муцуснки додава дека новата Владата која ќе ја формира ВМРО-ДПМНЕ ќе биде фокусирана на суштински промени во правосудството и спроведување на реформските приоритети.

Муцунски потенцираше дека членството во Европската Унија е стратешка цел на ВМРО-ДПМНЕ и Република Македонија и дека ВМРО-ДПМНЕ има визија и програма која ќе ја донесе државата на брза патека за членство во Унијата.

Премиерот Борис Џонсон како градоначалник на Лондон имал две љубовници !?

Додека Брегзит му лебди над главата, британскиот премиер Борис Џонсон има друг проблем во врска со тврдењата дека и помогнал на поранешната манекенка, претприемач и наводната љубовница Џенифер Аркаури.

Американската бизнисменка крена прашина овој викенд кога во интервју за ИТВ рече дека ги чува тајните на Џонсон, а тој и вратил така што  „ја отфрлил како некаков гремлин“.

 „Ви бев лојална и секогаш ве поддржував. Ги чував вашите тајни, јас бев ваш пријател.Не ми е јасно зошто ме блокиравте и игнориравте, како да бев девојка за една ноќ или некоја жена што сте ја собрале од бар - затоа што јас не бев тоа и вие тоа го знаете. Толку сум повредена што ме одби како да сум гремлинка “, му се обрати Аркаури директно на Џонсон во телевизиското интервју.

Аркаури не кажа каква точно врска имала со премиерот Џонсон, но објасни дека тие имале „посебна врска“ која нагло била прекината во еден момент кога Џонсон престана да реагира. Наместо тоа, таа добила одговор од помошникот кој одговарал на прашањата на Аркаури на кинески јазик.

„Му се јавив за да го прашам како да се поставам во сето ова медиумско внимание , но ми рекоа дека премиерот имал поважни работи. Ме отпуштија како една од девојките на Кенеди кои доаѓаа во Белата куќа да завршат „работа“, остро коментираше Аркаури.

Првите обвинувања дека премиерот го прекршил законот додека бил градоначалник на Лондон, заради привилегиите што и ги дал на Аркаури, излегоа во септември оваа година. Потоа, владата ги разгледа и ги отфрли тврдењата дека грантот од 100 000 фунти што го добила компанијата „Аркаура“ од Министерството за култура, е нелегален. Сепак, истрага за аферата со Аркаури спроведе и Независната полициска комисија (МОПЦ).

Покрај тоа, ќе има истрага за врската на премиерот со Хелен Мекинтајр, друга љубовница на Џонсон со која тој има и вонбрачно дете. Истрагата треба да покаже дали Џонсон, кој тогаш бил градоначалник на Лондон, го прекршил законот затоа што ја познавал Мекинтајр пред да се вработи како советник во Градското собрание. Првата истрага за аферата заклучи дека станува збор за „превид“ и дека Џонсон извршил „мало техничко кршење на кодексот на однесување“.

Оваа одлука е донесена пред осум години, но „Гардијан“ дознава дека случајот ќе биде преиспитан како дел од истрагата „Џонсон-Аракури“. Независна комисија ќе даде официјална изјава за тоа дали ќе има истрага по општите избори закажани за 12 декември.

Портпаролот на Конзервативната партија рече дека сите наводни незаконитости поврзани со однесувањето на Борис Џонсон се „неточни и неосновани“ и дека станува збор за „политички мотивирана“ истрага.

притисни ентер