Во Кривичен судење за „Монструм"

На миниатото рочиште беше сослушан еден сведок, а претседателот на судечкиот совет Огнен Ставрев најави ново вештачење на 31 телефон кое ќе биде изработено и претставено како нов доказ на судењето.

 Во Кривичниот суд во Скопје денеска треба да продолжи судењето за предметот „Монструм" на СЈО, за петкратното убиство кај Смилковско Езеро на 12 април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски, за што на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута.

На миниатото рочиште беше сослушан еден сведок, а претседателот на судечкиот совет Огнен Ставрев најави ново вештачење на 31 телефон кое ќе биде изработено и претставено како нов доказ на судењето. Тој појасни дека телефоните биле одземени при претрес направен за време на првичната истрага.

– Телефоните ги најдов во депо во полиција. Полицијата ми рече дека сега ќе се прави вештачење со нова технологија што тогаш не била достапна, рече Ставрев на последното рочиште.

Обвинителката Фатиме Фетаи од СЈО го информираше судот дека по завршувањето на овој дел од постапката ќе предложи како нови докази аудио снимки и транскриптите од сите разговори поврзани со случајот, а доставени до СЈО во декември 2015 година од политичката партија СДСМ.

Судот посочи дека ќе му биде потребно време да се запознае со содржината по што ќе биде договорено нивно изведување.

Врховниот суд во декември 2017 година ги укина пресудите, ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири, и им определи мерки на претпазливост. По укинувањето на пресудите, случајот „Монструм" го презеде СЈО и предметот беше вратен на повторно судење.

Судењето за „Монструм" се одржува еден ден по приведувањето и притворањето на специјалната обвинителка Катица Јанева која е осомничена за злоупотреба на службената положба и овласувања заради остварување лична корист со тоа што, најпрво влијаела за ослободување од притвор и враќање на патната исправа, а потоа и дала предлог да се олесни положбата на осомничен во „Империја" со негово прифаќање како сведок во постапката. 

МЖСПП: Во континуитет се следи состојбата со Преспанското Езеро, следната недела координативна средба

Состојбата со Преспанското Езеро се следи во континуитет и се преземаат активности во рамки на надлежностите, информира Министерството за животна средина и просторно плaнирање.

Министерството најавува дека следната неделаќе се одржи координативна средба на национално ниво за да се разговара за досегашните активности и можностите за подобрување на спроведување на мерките на Планот за управување со сливот на Преспанското Езеро.

Од Министерството наведуваат дека на состанокот ќе присуствуваат претставници од научната јавност односно научниот совет формиран за спроведување на Планот за управување со сливот на Преспанското Езеро, општината Ресен, Управата за хидрометеролошки работи, МЖСПП, граѓанските организации активни во регионот и сите засегнати страни во имплементацијата на Планот, за да разговараат за досегашните активности и можностите за подобрување на спроведувањето на мерките од Планот. Целта е во најкус можен рок да се изврши иницијална експертска анализа на причините за состојбата и можните следни чекори за следење и подобро управување со водостојот на Преспанското Езеро.

Од Министерството истакнуваат дека со оглед на прекуграничниот карактер на управувањето со Преспанското Езеро поради неговата географска поставеност и по спроведената ратификација на трилатералниот „Договор за заштита и одржлив развој на пределот на Преспа Паркот" од последната земја потписничка-Грција во 2019  година, со што истиот стапи на сила, Министерството се заложи да го иницира процесот на воспоставување на Комитетот за управување на Преспа Паркот и е во процес на обезбедување номинации од страна на земјите членки: Северна Македонија, Албанија и Грција.

Во меѓувреме, користејќи ја веќе воспоставената меѓународна соработка на експертско ниво во рамките на проектот за овозможување на прекугранична соработка и интегрирано управување со водните ресурси во проширениот Дримски воден басен, Секторот за управување со водите во МЖСПП иницираше вонреден состанок на националните експерти од Дримската група за да ги разгледаат состојбите и да разменат сознанија и согледувања за начините за итно надминување на актуелните состојби со намалување на нивото на водата во Преспанското Езеро.

Втор случај на коронавирус во Хрватска , болен е и братот на првозаразениот

Инфициран е и братот на еден млад човек, кој вчера беше дијагностициран со коронавирус откако се вратил од Милано каде тој и неговата девојка биле на фудбалски натпревар во Лигата на шампионите, соопшти министерот за здравство Вили  Берош.

Министерот за здравство на Хрватска,  Вили Берош се врати вчера вечер од состанокот во Рим, откако во Хрватска се појави првиот потврден случај на коронавирус.

26-годишно момче кое минатата недела поминало три дена во Милано со својата девојка е првиот потврден случај. Младиот човек има благи симптоми и е во изолација на Клиниката за инфективни болести во Загреб. Покрај тоа, три лица во моментот се хоспитализирани на Клиниката за инфективни болести кои се подложени на тестирање на коронавирус.

Тестовите покажале дека девојката на момчето  е негативна на коронавирус.Заразен е братот на момчето , кое со девојката бил во Милано.

Во загреб веќе нема маски , како и гелови за дезинфекција на рацерте , а медиумите јавуваат дека во паника, луѓето ги празнат рафтовите на продавниците за храна.

Редовно годишно собрание на МАНУ

МАНУ денеска напладне ќе одржи редовно годишно собрание

Македонската академија на науките и уметностите денеска напладне ќе одржи редовно годишно собрание на кое експозе ќе има претседателот на МАНУ, академик Љупчо Коцарев.

На редовното собрание се очекува МАНУ да го усвои извештајот за работата во 2019 година и да донесе Програма за работа и за финансиските планови на Академијата во 2020 година. /МИА

притисни ентер