Атрактивната манекенка Адријана Лима ужива без децата (ФОТО)

Фотографиите од одморот на манекенката Адријана Лима покажуваат зошто е една од најдобро платените во светот на модата.

Иако е во врска со турскиот бизнисмен Емир Јумар , една од најпознатите ангели на Викторијас Сикрет , Адријана Лима во понеделникот уживаше во женско друштво на плажа во Мајами.

38- годишната манекенка по потекло од Бразил , и натаму има беспрекорна фигура и со појавата се потврдува зошто со години е една од најдобро платените манекенки на светот.

Во минијатирно бикини со цветен дезен , ги покажа своите облини. Адријана Лима е најдолговечната во јатото на Викторијас Сикрет , а брендот го претставуваше од 1999 до минатата година.

Пред две години беше прогласена за највреден ангел на Викторија. Претходно овој месец манекенката беше снимена на одмор со Емир , откако на почетокот на годината раскина турскиот писател Метин Хар по една и пол година врска.

Лима во мај 2014 се разведе од српскиот кошаркар Марко Јариќ со кого има две ќерки , Валентина (7) и Сиена (10) . Пред Јариќ таа беше верена за музичарот Лени Кравиц , а пред тоа ја поврзуваа со Џастин Бибер.

Гризли уби канадски музичар

Музичарот Џулијан Готијар, кој патувал по реката Мекензи во Канада е нападнат и убиен од мечка гризли, пренесе ББЦ.

Несреќниот музичар кој патувал по реката Мекензи за да ги снима звуците на природата за својот нов проект, бил нападнат од гризлито во текот на ноќта додека спиел.

Биологот Ками Тоскани, која патувал со 44 годишниот Готијар ги контактирал локалните власти и им кажал дека неговиот пријател во текот на ноќта бил нападнат и одвлечен од мечка.

Канадската полиција која веднаш започнала потера со хеликоптери , поради лошите временски услови дури следниот ден го пронашла мртвото тело на нападнатиот музичар.

Видео: Џери Халивел од „Спајс грлс“ ужива во Дубровник

Поранешната членка на мега популарниот женски музички бенд „Спајс грлс“ Џери Халивел деновиве ужива во монденскиот хрватски туристички центар Дубровник.

Популарната пејачка пристигнала во Дубровник во друштво на сопругот Кристијан Хорнер и пријателите, милијардерот Берни Еклстон и неговата нова сопруга Фабијана Флоси.

Токму  богатиот Берни е човекот кој на Џери и ги покажува сите знаменитости и убавини на древниот Дубровник.

Дека популарната пејачка вистински ужива на хрватското крајбрежје покажа и таа самата со видео на Инстаграм.

Џери на социјалните мрежи објави видео на кое вози скутер по убавиот Јадран.

 
 
 
 
 
 
 
 
 
 
 
 
 

Scream if you wanna go faster ! 😊

A post shared by geri 👑 (@therealgerihalliwell) on

Инаку, Џери Халивел во Дубровник се одмара и рехабилитира од напорната повратничка турнеја на „Спајс Грлс“.

Пациентот со западнонилска треска на Инфективната клиника и натаму во тешка состојба

Шеесет и шестгодишниот пациент заразен со западнонилска треска, кој е хоспитализиран на Клиниката за инфективни болести во Скопје, се уште е во тешка здравствена состојба со манифестација на централниот нервен систем.

Ова го изјави за МИА директорката на Клиниката, Милена Стевановиќ.

Хоспитализираниот веќе 10 дена е на лекување на одделот за интензивна нега на Инфективната клиника, а болеста претходно му била дијагностицирана во Градската општа болница „8 Септемви" во Скопје.

– Нема никаква промена во здравствената состојба на пациентот. Нема прогрес. Чекаме да видиме колку ќе успее да се рехабилитира пациентот. Нема новозаболени од западнонилска треска, рече д-р Стевановиќ.

Ова е прв случај на западнонилска треска летово во државава, и е потврден лабораториски во Центарот за јавно здравје во Скопје.

На Инфективната клиника сезонава досега не регистрирале други сомнителни случаи од заразата  што е векторски пренослива преку комарци. Најчесто поминува како настинка, а кај мал процент се манифестира со потешка клиничка слика.

Покрај прскањето против комарци од страна на надлежните институции и епидемиолошките и останатите служби преземаат редовни и рутински активности за превенција и заштита./МИА

притисни ентер