СДСМ: Залудно е лицемерието на ВМРО-ДПМНЕ, ќе одговараат сите кои постапувале незаконски

ВМРО-ДПМНЕ е најмалку повикана да зборува за навреди и закани, се наведува во реакцијата на СДСМ.

11 години ВМРО-ДПМНЕ не само што премолчуваше, туку и директно промовираше насилство кон ЛГБТ заедницата и нејзини претставници.

Таквото однесување на ВМРО-ДПМНЕ продолжи и во опозиција.

ВМРО-ДПМНЕ предводено од Христијан Мицкоски беше изрично и отворено против одржување на Парадата на гордоста, а уште пожестоко се спротиставуваше на носење на Законот за заштита од дискриминација со која за првпат се воведе сексуалната ориентација како основа за дискриминација.

Затоа ВМРО-ДПМНЕ се лицемерни и немаат право да зборуваат за дискриминација.

Единствените кои се во паника се Мицкоски и ВМРО-ДПМНЕ на кои од ден на ден им станува се појасно дека е невозможна одбрана на криминалот на режимот.

Колку и да е неприфатливо за ВМРО-ДПМНЕ и Мицкоски, борбата против криминалот и корупцијата е бескомпромисна.

Законите важат за сите подеднакво и не смеат и не препознаваат верска, национална, политичка или друга припадност.

ВМРО-ДПМНЕ и Мицкоски се плашат од правдата.

Секој, без разлика на функцијата што ја извршува или извршувал, ќе одговара доколку се докаже дека постапувал незаконски, вклучително и за функционерите на ВМРО-ДПМНЕ и криминалниот октопод раководен од Будимпешта, се наведува во реакцијата на СДСМ.

Убави зборови од Трамп за Иран

Американскиот претседател Доналд Трамп му се заблагодари на Иран за „многу праведните преговори“ околу размената на затвореници меѓу двете земји во затегнати односи.

„Гледате дека заедно може да постигнеме договор“, напишал Трамп на Твитер.

Иран и САД денес разменија затвореници. Американец со кинеско потекло заробен на три година со обвинение за шпионажа за заробен Иранец.

Тлото не се смирува, нов земјотрес на Крит

Земјотрес со јачина од 4,4 степени денеска попладне го погоди грчкиот остров Крит, соопшти Институтот за геодинамика од националната опсерваторија во Атина.

Епицентарот на потресот бил на 30 километри длабочина во водите јужно од Крит, пренесува „АНА“.

На овој земјотрес му претходеа серија потреси во зоната на Крит, со јачина меѓу 3 и 4,4 степени, се наведува на сајтот на Европско-Медитеранскиот сеизмолошки центар.

Ирански војник со огнено оружје убил три полицајци

Ирански војник со огнено оружје убил три полицајци на југот од земјата, јавува агенцијата „Фарс“.

Агенцијата додава дека инцидентот се случил во пристанишниот град Бандар Ленгех на околу 1.000 километри од Техеран.

„Фарс“ додава дека војникот веднаш е уапсен но не се наведува мотивот за убиството.

Иранските медиуми повремено известуваат за такви инциденти. Еден војник во 2016 година извршил самоубиство откако убил тројца војници на југот од Иран.

Одредени експерти сметаат дека незадоволството кај војниците е предизвикано од обврзувачкиот воен рок од две години.

притисни ентер